ISAIA 30:6 - Khumi Common Language Bible

⁶ Tameuh i hini leu pei nai ly tokalawi mang daichi ka-vymra y awm nai, daichi mawichi i vui ne. Mymy ly “Savaichi ly khrangsichi aeung nai meingtym, pavui kangsochi, naka kangkheangchi awm iy ka-jeira nawi nai meingtym y tako u prei nai ne. Huni khumichi ly mymychi ai ati kasabawmra py pei pajau y nai khumi cheng i vui y, vang kateng langseaungchi ai keaungngo kano kasauchi, kula-iuchi hawi tang iy syn u bo.

ISAIA 30:6 ပူးပေါင်းရင်းမြစ်များ

ATITI AWM ANGCHEI NAI 12:9

Huni bo y mymy ly Kanan pri tokalawi mang y meingtym asyh veangveang nai ne.

1 ARENG KEH 10:2

Samrangnu ly mui katui cheaungkhangchi, vang kateng lengseaungchi hawi muku neangneangchi kula-iuchi tleaung y tang iy tym. Ni ly samrang i mo y tym nai khala y, my i adawn yb nai leusaichi deng bo.

2 NENG SATANG 16:2

Hunai deaungkho y Asa ly Achura yhm hawi samrang yhm yhmtheaung katuichi khai nai yhmchi theung i, muku, tangka awm nai ngierei la iy, Damaska mary Suria samrang Benhada teng y tha i ni teng y,

2 NENG SATANG 9:1

Sheba samrang nu ly samrang Solomon i amyn amthang nai thai nai deaungkho y, rai parai nai leusaichi hawi ni ai cham ai nai, Jerusalem mary y tym. Samrangnu ly aheaung apai neangneang hawi iy, rimuichi, vang kateng lengseaungchi, muku neangneang tang nai kula-iuchi hawi tym nai ne. Ni ly samrang i mo y tym nai khala, mymy i dawn yb nai leuchi deng bo.

JOBA 39:11

Nang ly ni i atho len nai ai a-ym pajau a? Nang i kalop kalen ai ni teng y au pajau na a?

THEU NAI 1:14

Yhm pui savang pui sa naira y py, li hlau sa naira y py, pahyp y naimy kho-bai na pa-rei sa hai nai ne.

ISAIA 14:29

Aw Philistin khumichi awi, nangchi ai pakhau nai thengbeang ly tleu veng bo; na i py nangchi amo theu u ai naira by y. Pavui harei dei nai khala, huni pavui tleaung y kaso nai takhra pavui harei khei bi ai. Pavui kaduira i nai thailai kaso keh nai Naka kangkheang khei reng lawh nai ne.

ISAIA 15:7

Khumichi ly mychi i vawnsai awm nai ngierei syn u iy, paijeaung keung leaunghawi tako prei iy preang u ai nai atho sa u.

ISAIA 19:4

Kai ly Aikupta chengchi ai ana piupa nai samrang hawi y nai kiu tleaung y au iy, huni samrang ai ly nichi ai peang hai ai. Hini ly ati cheaungkhang sa thai nai keung kai, Areng my pei nai leu ne,” napi.

ISAIA 35:9

Huni meingtym y mani khrangsi py awm ai ny y; Huni meingtym mang y mani mawi kasichi py, jeu ai nai nga ai ny y. Areng my atleu nai khumichi ly huni lam mang mychi i avang saleaung y vawi ai nai nga u ai.

ISAIA 5:30

Huni neng khala nichi ly pangli tui amsau nai katyn kamta, raawi pajeng parai naimy Israela pri y aeu u ai. Huni pri ai khen u cham rai! Huni ly vengpam, ngari kamtang cheichei lawh ly! Kangvang ly kaveng theung y tama jo nai ne.

ISAIA 57:9

Nangchi ly rimui hang hawi mui kahawichi amjui amthyp iy, Mole tameuh ai chiu ai nai chei u bo. Kamlo kang sa hawi tavau pri y khrairei py, savaichi pato iy tameuhchi ai hau u nai ne.

ISAIA 8:22

khaileaung y khen kathiu nai khala py, ngari kamtang hawi taham kasi veng nanai ny y baly, ati sai py niu u ai ny y. Huna nai jei hyn ai hawi nai taham kasi ly huni khumichi teng y tym ai.

JEREMIA 11:4

Huni Leu Maikawm ly nichi ai tamo paheung pui hawi atawm nai Aikupta pri i dengdairei, kaimy pahawi nai thym khala y, kai ly nichi i amsi pajochi hawi asa nai Leu Maikawm ne. Kai ly huni khumichi ai kai i leu tangai ai nai hawi, kaimy sa hai nai kalop ngiereichi sa u ai nai leu pei nai ne. Nichi ly kai i leu pei naichi tangai u lawh ai nabaly, kai i khumichi lawm iy, kai py nichi i Tameuh lawm ai.

JEREMIA 2:6

Kai ly nichi ai Aikupta pri i nai atleu iy, daichi ka-vym jeungrei, khutaha daichi ka-vym, khaileaung angawmchi kawi mang nanai pri, jengha iy ka-jeira nawi nai pri, khumi angso savai tlang naimy khuleaung chei nai khumi by y nai pri y tako prei i, lam kapahawi pi teu i py, nichi ly kai ai dawndan u y.

Ezekiela 20:46

Mymy ly “Nang khumicho awi, tokalawi ngan mang y khen angdeang iy, huni meingtym hawi huni meingtym y awm nai dengkeaung thengreung teng y leu pei nai thui pi.

HOSEA 12:1

Israela khumichi i khawn khutawi dengdai kani dym khala khrairei, sa nai dawn nai ngiereichi ly kamran by y, atyhtyh teu. Nichi theung y ka-ym by y nai, khrukhra naichi nawi ra nai ne. Nichi ly Asuria pri hawi amsawi amnai asa naimy, Aikupta pri hawi ka-sum ka-pai sa u bo,” napi.

HOSEA 12:2

Areng ly Juda khumichi ai thui tamawn bo. Israela ai py mychi i sa nai sai molam y pajeng ai. Mymy ly nichi i sa nai kamta, hawi nai hawi y nai heung pi ai.

MIKHA 6:14

Nangchi ly teicha teinei cha teu i py, kajeu kawi u ai ny y; alam naimy awm u jojo ai. Nangchi i ko nai yhmtheaung katuichi pateung u pajau ai ny y. Pateung achu nai yhmtheaung katuichi ai py, tavai takai hawi taphra vui ai.

ZEKHARIAH 6:6

Keaungngo kamnumchi my ryh nai keaungngo ka-ri ly tosyh Babulon pri mang y, keaungngo kangleungchi my ryh nai keaungngo ka-ri ly nidym mang y, keaungngo kariurachi my ryh nai keaungngo ka-ri ly tokalawi mang y chei u nai ne.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

Kati Nai 21:8

Naibaly Areng my Mosi teng y, tamo ngan hawi pavui myn sa iy teang tleaung y dang ai nai leu pei. Pavui my patiu nai khumichi ly huni pavui myn ai khen baly dei y naimy tleaung u ai, nanai thui hai bo.

MATTHAI 12:42

Tokalawi mang i samrang nu ly tara chih nai neng khala y ly vai deung i kangthauchi hawi vanrei angthau ai i, nichi ai sum hai ai; ati mana nai mo nabaly mymy ly Solomon i cheng naira tangai ai nai malawn py khuteng taki i dengdairei jeu be; naibaly khen cham, Solomon tleaung y len keh nai ly hi y awm na a.

Leu Thui Nai 17:16

Samrang ly my i tavaimichi i vui keaungngo neangneang khawn ai nai avo y. Areng my mymy i khumichi ai Aikupta pri mang y ali teang moh, nanai leu pei nai deaungkho y, samrang ly keaungngo van ai nai huni pri y khumi pato moh.

Leu Thui Nai 4:20

Na i py nangchi ly tamang mai kangveaung kamta lawm nai Aikupta pri i dengdairei Areng my pahawi nai khumichi ne. Mymy i khumichi lawm ai nai nangchi ai pahawi bo. Hunai deaungkho y nangchi ly mymy i khumichi lawm iy, vaini khrairei khaw jo nai ne.

Leu Thui Nai 8:15

Mymy ly nangchi ai pavui kangso hawi kani taaichi peung iy, kau parai nai hawi ka-jei awm nai daichi ka-vym jeungrei pahawi prei nai ne. Khaileaung jengha iy tui by y nai meingtym y, mymy ly lengseaung pui mang tui theu hai bo.