ISAIA 30:4 - Khumi Common Language Bible

⁴ Nichi i savaichi ly Aikupta pri Zoan mary hawi Hane mary mang y tym veng bo.

ISAIA 30:4 ပူးပေါင်းရင်းမြစ်များ

2 ARENG KEH 17:4

Na i py sanengrei khala y Hosea ly Aikupta samrang so teng y; savaichi pato iy kasabawmra hnei chum baly, Asuria pri y kahm pei y naimy awm vui bo. Huna nai satang ly Shalmaneser my thai nai khala, Hosea ai patiu iy theaung u khai hai nai ne.

SAM 78:12

Aikupta pri Zoan adym y nichi i amsi pajochi mei ka-niu y, Tameuh my rengrang ka-ma-rachi patei pi bo.

ISAIA 19:11

Zoan mary i khumichi ai lu sa nai keungchi ly tau ka-khumchi lawm u lawh ly! Aikupta pri i tau pei nai amyn kamthang khumi kachengchi py, hawi y nai katauchi pei u lawh ly! Nichi ly amychi ai ati mana nai y, jangni i khumi kachengchi hawi samrangchi kangpreang ne, nanai samrang teng y thui ai nai vam u lawh mo?

ISAIA 57:9

Nangchi ly rimui hang hawi mui kahawichi amjui amthyp iy, Mole tameuh ai chiu ai nai chei u bo. Kamlo kang sa hawi tavau pri y khrairei py, savaichi pato iy tameuhchi ai hau u nai ne.

JEREMIA 43:7

Nichi ly Areng i leu pei nai tangai y naimy Tapaneh mary y tym pa-rei, Aikupta pri theung y kun u bo.

JEREMIA 49:14

Kaimy, “Aw Edom pri awi, Areng teng i leu pei nai kanga bo. Mymy ly khumi cheaungkhangchi teng y, nangchi i tavaimichi pangym iy Edom pri ai tiu u. Tavai thau ai nai angvei u rym, nanai thui pi ai nai savai leaung rei kang pato pi bo.

Ezekiela 30:14

Aikupta pri tokalawi mang y ly khumi angso savai tlang nai lawm hai iy, tosyh mang y awm nai Zoan mary ai mai leng vui ai. Thebe mary pui ai ly pajeng ai.

Ezekiela 30:18

Aikupta pri i sa thai naira haiho jum hai nai khala, nichi i amlyh am-e nai sorai paleung tama hai ai. Taphan mary ly veng naimy awm ai. Aikupta pri y khupanym my khiu cheng i, mary bawibawichira i khumichi ly langheng y hawi pawn nai avum u ai.

HOSEA 7:16

Nichi ly kai ai khai su iy sa thai naira by y nai tameuh teng y ahihawi u bo. Nichi ly akawi nai thailiho kamta, ka-ym by y. Nichi i lu sa naichi ly khumi aniu y nai leu katheu u nai deaungkho y, dei kahawi dei u y ai. Hunaibaly Aikupta chengchi my panui hai ai.”

OBADIA 1:1

Hini Obadia i amo leu ly Edom pri molam y Obadia teng y, sa thai naira angym nai Areng my leu thui pi nai ne. Areng ly khumi cheng cheaungkhangchi teng y, mymy i savai pato. “Angvei u rym! Edom pri y achi tavai tiu u sina,” nanai raawi kaichi thai u bo!

Kati Nai 13:22

Angchei y nichi ly huni pri tokalawi mang y chei iy, khumi pui Anakim cheng kangpreang ne nai Ahiman nupaichi, Shesai nupaichi hawi Talamai nupaichi awm nai Hebron mary y tym u bo. (Hebron mary ly Aikupta pri i Zoan mary so y rai nai saneng saryhrei ka-khan khala sa nai mary ne.)