ISAIA 30:30 - Khumi Common Language Bible

³⁰ Areng ly khumi bawibawichi teng y phum-ang angym nai raawi thai hai iy, mymy i kado theu nai haiho avum hai ai. Mai kadeu kangveaungchi, kani pajyh nai, ji amaichi tla nai hawi, khri pa-rei kani nai hai ai.

ISAIA 30:30 ပူးပေါင်းရင်းမြစ်များ

JOBA 38:22

Nang ly kadam amaichi hawi ji amaichi pateung achu naira y tym vai a?

JOBA 38:23

Hunichi ai patang naira tym nai neng hawi, tavai takai atiu nai neng i vui, pateung achu nai ne.

JOBA 40:9

Nang ly kai kamta sa thai naira awm a? Nang teng y kai i raawi kamta, kani pajyh nai katyn ka-tawm katyn awm a?

SAM 2:5

Naibaly mymy ly kado theu naimy pany hai pi nai deaungkho y nichi ly kado theu nai haiho molam y jei hyn naimy kaso theu u bo.

SAM 46:6

Khumi cheng cheaungkhangchi ly jei hyn u ai; Tameuh my leu pei nai khala y khaileaung ly tlawn vui nai ne.

SAM 98:1

Areng ai ly khulym kangtha thui naimy palo u; mymy ly lyh ai hawi nairachi sa. Mymy ly mymy i sa thai naira hawi, atho haiho hawi py eaung naira nga nai ne.

THEU NAI 15:16

Huni khumi bawibawichi ly jei hyn u nai ne. Aw Areng, nichi ly nang i sa thai naira niu i, miseaung i nai nangmy alaw hai nai nang i khumichi tako prei nai thym khala, nichi ly jei hyn i khuma phau u na bo.

THEU NAI 9:23

Naibaly Mosi ly kani mang y cheaungvawi pheu i, Areng my kani pajyh hai, amlosadi theu hai, ali pakang tla hai, ji mang tla hai bo.

THEU NAI 9:24

Huni ly khri pa-rei ho nai kamchai ne nai deaungkho y, Aikupta pri razavang y pany vai y nai ho keh nai kamchai ne. Hunai kamta Aikupta pri y tlen py theu vai y nai ly theu hai bo.

ISAIA 10:16

Ati cheaungkhang sa thai nai Areng ly vai i neng y bym pa-rei cha ai nga nai khumichi ai pajeng ai nai, no kanghawi tym hai ai. Nichi i ngan theung y ly mai kamta ango aninau ai.

ISAIA 10:26

Ati cheaungkhang sa thai nai kai, Areng ly Oreb lengseaung sahawi y, Midian chengchi ai kai i cheaungvawi hawi parip nai kamta, nichi ai py kaparip ai. Kai ly Aikupta chengchi ai ngari kamtang tym hai nai kamta, nichi ai py ngari kamtang tym hai ai.

ISAIA 10:5

Areng my, “Aw Asuria chengchi awi, kai i kado theu hai nai khumichi tlang tleaung y, nangchi ly samtleang lawm ai nai kaimy teaung ai.

ISAIA 28:2

Areng ly nichi ai tiu ai nai atho haiho len nai khumi leaungrei khai pi yb bo. Huni khumi ly ji akawi tla hai nai kamta py, kani satleu hai nai kamta py, paka pajau y nai tavo tui lemheu nai kamta py, jeu iy pri verei y khiu ai.

ISAIA 29:6

Ati cheaungkhang sa thai nai Areng ly ali pui khu puichi, kalei theu hai naichi hawimy katyn amsau iy nangchi ai atleu ai. Mymy ly ali kamchaichi hawi mai kadeu py pato ai.

ISAIA 30:29

Na i py Tameuh i khumichi awi, nangchi ly vum y sa nai reita pawi kamta, amo theu naimy khulym thui u ai. Nangchi ly Israela chengchi i abyh nai keung Areng i Achura yhm mang y chei nai lam y, byhlyh katyn hawi kamlym tako u nai khumichi kamta amo theu u ai.

ISAIA 30:31

Asuria chengchi ly Areng i raawi thai nai khala y, jei hyn naimy mymy i pajeng nai avum u ai.

ISAIA 31:4

Beram typ nai keungchi my man tanrei hang hai teu i py, mawi kei nai khrangsi ai pajei ai nai ngo y nai kamta, Zion mawi y kry nai ati cheaungkhang sa thai nai keung Areng ai ati my py paka pajau ai ny y.

ISAIA 32:19

(Dengkeaung thengreungchi salo y jichi tla ai; mary py phra ai.)

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

ISAIA 4:6

Mymy i nang parai nai ly mary pui y kani kabi kangngo ang nai deng hai iy, alipui khupui aho hai y naimy, chymme naira lawm hai ai.

ISAIA 51:9

Aw Areng, ang thau ly kaichi ai sabawm ba! Nang i sa thai nai haiho hawimy, kaichi ai atleu kyh ba. Angthau ly jangni jangkhawn i kamta, sa thai naira tym hai ba. Pangli naka pui Rahabi ai tameang piupa nai keung py nang ne.

ISAIA 52:10

Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

ISAIA 62:8

Areng ly sa thai naira lamtang kiu hawi vaineng abeu bo. “Nang i amti amjangchi ly paleung ka-echi i vui, cha nei ateaung lawm ai ny y. Cheng takhra khumichi py, nang i atho sa nai kreip hang nei ai nai nga u ai ny y.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

ISAIA 66:16

Mymy ly kamngo awm nai khumichi ai mai hawi mo, haisau hawi mo, pajeng ai. Huni khumichi ly dei u bebe ai.

JEREMIA 25:32

Ati cheaungkhang sa thai nai keung Areng my, “Ka-jeira ly pri harei bo baly pri harei mang y ahei ai. Ali kamchai pui ly khuteng taki dengdairei aho ai,” napi.

Ezekiela 10:5

Heng nai amjychi i pakhi aho nai katyn ly apai angam mang y khrairei thai na bo. Huni katyn ly ati cheaungkhang sa thai nai Tameuh i leu pei nai raawi hawi atawm.

Ezekiela 13:13

Sa thai naira angym nai Areng my leu pei nai ly “Kai ly kado katheu y huni mary apai panawi ai nai ali kamchai aho hai ai. Kado theu naimy khri pa-rei kani nai hai iy, ji akawichi tla hai ai i, phra hai ai.

JOELA 2:5

Nichi ly mawi aheungchi salo y ampyh u iy tavai keaungngo ka-richi i katyn kamta py, acha kajeichi ai mai my kang nai kamta py, hang u nai ne. Nichi ly tavai atiu ai angveirym nai tavaimi kamkawm pui kamta, amjyn u bo.

AMOS 1:14

Hunai deaungkho y kai ly Rabah mary apaichi salo y mai kani nai hai iy, Rabah amtangra yhmchi ai maidym satlawi palawn vui ai. Naibaly tavai atiu nai kani y aeu nai katyn amsau nai thai iy, atiu nai ly ali kamchai kamta, khri pa-rei ho na ai.

MIKHA 1:4

Huna nai khala mawichi ly mai hawi avum nai phajeaungdeng kamta tlawn vui ai. Naibaly mawi salo mang dengdairei mawi anui y tui leaung nai kamta, leaunghawi mang y athui jawn ai.

MATTHAI 24:7

Cheng takhra hawi cheng takhra atiu ai i, pri takhra hawi pri takhra atiu ai; meingtym takhra takhra y takang theu ai i, kaleih py theu ryry ai.

LUKA 1:51

Atho awm nai sai ly mymy i kiuban y amteng bo; Am-e naichi ai ly mymychi i paleung adawn naira y ahei hai bo.

II THESALONIKA 1:8

nangchi ai ngari patang hai nai keungchi ai ly ngari patang naira vawitheung tha ai nai hawi, nangchi ngari patang nai keungchi ai ly kaichi hawi anawn naira vawitheung tha ai nai ly Tameuh i mei ka-niu y ly meitang ne.

JOSUA 10:10

Areng ly paleung ka-echi ai ahei phro iy preang hai bo. Huna nai khala Israela risachi ly Kibeon mary theung y, paleung ka-e neangneangchi ai tleh iy, Bethoron mawi aleaung palem i, tokalawi mang Azeka mary hawi Mekeda marychi khrairei tiu u nai ne.

JOSUA 10:11

Israela risachi my tiu nai deaungkho y, Amori risachi ly mawi aleaung lam mang y preang u nai khala, Azeka mary tym pa-rei, lam jeungrei kani mang i ji amai kalen puichi, nichi i tlang tleaung y Areng my tla hai bo. Ji amai tla hai nai deaungkho y dei naichi ly Israela chengchi my padei iy dei nai tleaung y nawi keh nai ne.

AMTENG HAI NAI 1:15

mymy i mei ly mai ka-veang kamta ne; mymy i kheu ly mai y pachai chum nai kheupaja amchai nai kamta ne; naibaly mymy i raawi ly pangli tui kamsau katyn kamta ne.

AMTENG HAI NAI 11:19

Naibaly kani pri mang i Tameuh i achura yhm kalen pui paeaung iy mymy i achura yhm kalen pui y ly mymy i leu maikawm adeu nai pawm amteng bo; naibaly amlosadichi hawi, katynchi hawi, kani pajyh naichi hawi, kaleih ho nai hawi, ji kalen py awm tamangtang bo.

1 SAMUELA 7:10

Samuela my apathyp nai thym y Philistia chengchi ly Israela chengchi ai tiu ai nai ang tym u bo. Na i py huni neng khala y, Areng my kani mang dengdairei kani pajyh hai nai deaungkho y, nichi ly ahei khrikhra naimy angpreng u nai ne.