ISAIA 30:28 - Khumi Common Language Bible

²⁸ Mymy ly ali aho hai ai. Huni ali ly ati cheaungkhangchi ai amjau hai pawn nai tavo tui lem nai kamta, khumi cheng cheaungkhangchi ai tama hai pawn iy, nichi i hawi y nai katauchi phra hai ai.

ISAIA 30:28 ပူးပေါင်းရင်းမြစ်များ

2 SAMUELA 17:14

Abasalom hawi Israela cheng bawibawichi my, “Hushai i tau pei nai ly Ahithophela i tau pei nai tleaung y hawi keh,” nanai thui u. Abasalom teng y patang naira tym hai ai nai Areng ly Ahithophela i pei nai tau kahawi ai phra hai vui nai ne.

2 ARENG KEH 19:28

Nang i kado theu nai hawi paleung len naichi py, kai ly thai bo. Hunai deaungkho y kai ly nang ai nodo pheu, labeaung pakau iy jeu nai lam mang vawi hai ali teang ai,” napi.

JOBA 39:17

Ni ai akhum hai iy, cheng naira pei y nai keung ly kai ne.

SAM 18:15

Aw Areng, nang ly paleung ka-echi ai kado katheu hang hai nai raawi hawimy parip nai khala, suida pangli paichi khaileaung py, khaileaung i sangum langdengchi py, am-eaung seaungkhrang na bo.

SAM 32:9

Nang ly pakaura hawi pakaura vuinawn hawi kry nai keaungngo, ti y baly keaungngo kaneaung kasau kamta, akhum moh,” napi.

LEU KACHENG 26:3

Keaungngo i vui ly pakhaura, keaungngo kano kasau i vui ly nodo vui, khumi ka-khum i vui ly vuiha beang ataing nai ne.

ISAIA 11:4

Khumi kamawnchi ai leu meitang naimy tara chih pi iy, tahm anem naichi i nga ai avo naichi ama hai ai. Ni i pei nai leu haiho hawimy, khumi mipuichi ly pajeng naira avum u ai. Khumi hawi y naichi py dei u ai

ISAIA 17:13

Huni pri i khumichi ly tui sampyhchi kamta, athorei my mo mang y lyn u bo. Na i py Tameuh my nichi deaungkho y khrikhri pa-rei thui parip nai khala y, nichi ly mawi para ra i spryhchi kamta py, ali tengkalengra y akheang nai choh-ali kamta py, athawn u veng bo.

ISAIA 17:14

Nichi ly khumichi ai dym tengsa neng khala jei hyn hai teu i py, khutawi en neng khala ly by y leang bo. Hini ly kaichi pri y tiu nai khumichi i khym taham ne.

ISAIA 19:3

Kai ly Aikupta chengchi i dawn pasym naichi phra hai iy, nichi i paleung ka-dawn py phra hai ai. Nichi ly mychi i chiu nai mynchi teng y, kasabawmra hnei u ai. Vawinam pakun kawp naichi teng y chei iy leu deng ai i, khumi kadeichi i phailochi teng y katau hnei u ai.

ISAIA 28:15

Nangchi ly dei areng hawi amsawi amnai asa chum bo, nanai py, tavau pri hawi ka-ly nga bo, nanai py, amlyh u reng. Nangchi ly li-tapawp nairachi ai a-ym naimy chymme naira hau nai deaungkho y, ka-jeira tym nai khala py tlang hengra nga ai, nanai ym u cheng nai ne.

ISAIA 28:2

Areng ly nichi ai tiu ai nai atho haiho len nai khumi leaungrei khai pi yb bo. Huni khumi ly ji akawi tla hai nai kamta py, kani satleu hai nai kamta py, paka pajau y nai tavo tui lemheu nai kamta py, jeu iy pri verei y khiu ai.

ISAIA 29:6

Ati cheaungkhang sa thai nai Areng ly ali pui khu puichi, kalei theu hai naichi hawimy katyn amsau iy nangchi ai atleu ai. Mymy ly ali kamchaichi hawi mai kadeu py pato ai.

ISAIA 30:29

Na i py Tameuh i khumichi awi, nangchi ly vum y sa nai reita pawi kamta, amo theu naimy khulym thui u ai. Nangchi ly Israela chengchi i abyh nai keung Areng i Achura yhm mang y chei nai lam y, byhlyh katyn hawi kamlym tako u nai khumichi kamta amo theu u ai.

ISAIA 30:33

Jangni khala y my Asuria samrang ai mai hawi patawi ai nai, patawira yhm sa yb nai ne. Huni patawira yhm ly tamdo thiu iy kau bo. Huni meingtym y thengheaung pui ka-sang harei py awm. Areng ly labeaung mang dengdairei mai kangveaung patheu iy, huni thengheaung ai mai amtawi i, kang hai ai.

ISAIA 37:29

Nang i kado theu nai, amlyh am-e naichi ai kai ly kapany nai ne. Hunai deaungkho y kai ly nang ai notareang pakau iy labeaung pakau chum baly, jeu nai lam mang kang vawi hai ali teang ai.”

ISAIA 59:19

Nidym mang dengdai nisi mang khrairei, khumi bawibawichi ly mymy i amyn hawi sa thai naira haiho ai, jei hyn naimy tahm khai u ai. Mymy ly ho parai nai tavo tui kamta py, ho parai nai ali kamta py ang jeu ai.

ISAIA 63:17

Kaichi ai ati mana nai y nangmy i reita lam i nai amphri hai vui lawh mo? Ati mana nai y kaichi ai paleung tang hai iy, nang teng i nai hihai vui lawh mo? Nang ai chiu naichi ai dawn pi nai deaungkho y py, nangmy peang jojo nai nangmy i khumichi ai dawn pi nai deaungkho y py, jeu ali teang ba.

ISAIA 8:8

Asuria samrang hawi tavaimichi napi nai, lem heu nai tavo tui ly Juda pri verei y leaung naimy meingtym tleireira y, khumichi i kaneaung tym pa-rei um ai,” nanai kai ai leu pei bo. Aw Emmanuela Tameuh ly kaichi hawi vanrei awm na a! Mymy ly my i tamen nai pakhi kadai iy, kaichi i pri ang kry pi nai ne.

HOSEA 13:3

Hunai deaungkho y hini khumichi ly khawn mang y tla reng nai kadam kamta py, khawn angthodyh y tama reng nai kadam amai kamta py, tama u ai. Nichi ly choh ati nai meingtym i ali my hm iy akheang nai choh ali kamta py, paheung mang theu nai maikhyh kamta py tama u ai.

AMOS 9:9

“Paho tleaung y chohnei alai nai kamta, kai i leu hawi Israela khumichi ai alai vui ai. Khumi cheng cheaungkhang theung y alai chum baly, ataing y nai khumi ngiereichi ai ly kaimy charyh vui ai.

MATTHAI 3:12

Mymy i paho ly kiu y awm, naibaly mymy ly mymy i ho nai meingtym pachai pan iy, mymy i choh ly chenghi y adyh ai, choh ali naini padei pajau y nai mai y leng ai,” napi.

LUKA 22:31

“Simon, Simon, khen cham, setan my choh alai nai kamta alai thai ai nai nangchi ai ang hnei na a;

II THESALONIKA 2:11

Hunai deaungkho y nichi ly huni ka-chawi leu ym ai nai Tameuh my tamang hai naira nichi teng y tym hai;

II THESALONIKA 2:8

Huni bo y Reita Taphra Nai Keung ly amteng ai bo, naibaly Areng Isu my ni ai ly mymy i labeaung i taho nai y padei ai, naibaly ang jeu nai hawi amteng nai deaungkho y ni ai tama hai.

HEBRAI 4:12

Ati mana nai mo nabaly Tameuh i leu ly heng i atiti sa thai, haisau bo nyhrei awm nai tleaung y py chiu i, hengra hawi phailo py, hiu lenglaw hawi aleng khawi takhra pa-rei thun pajau:paleung y dawn nai hawi tau naichi py chih praw thai nai ne.

AMTENG HAI NAI 1:16

Naibaly ni ly mymy i lamtang mang i kiu y ka-si saryhrei syn i, my i labeaung dengdairei haisau kachiu bo nyhrei awm nai theu bo; naibaly mymy i meimai ly kanito kangvang sadi pa la nai kamta ne.

AMTENG HAI NAI 2:16

Hunai deaungkho y uikhei jau; ti y naimy kang jeu praw ai i, kai i labeaung i haisau hawi nichi ai katiu ai.