ISAIA 30:26 - Khumi Common Language Bible

²⁶ Lo ly kanito tanrei angvang naimy, kanito py kanito saryhrei vanrei theu nai kamta, kari tleaung y phy saryhrei angvang na ai. Mymy ly mymy i khumichi nga nai tamo kalemchi ai kanih hawi bam iy, tamochi ra y asi sa pi nai hawi nai khala y, hini atitichi ly tym ai.

ISAIA 30:26 ပူးပေါင်းရင်းမြစ်များ

JOBA 5:18

Tameuh ly mymy i no pei nai tamo kalemchi ai kanih hawi bam pi. Mymy ly my i kiu hawi pajeng iy, huni kiu hawimy no hawi hai bo.

ISAIA 11:9

Tameuh i nang parai nai Zion mawi salo y, ka-jeira lawm hai nai, ti y baly hawi y naira ati sai py awm ai ny y. Panglichi ly tui kawi mang nai kamta, huni pri y Areng ai pany nai cheng naira hawimy kawi angym ai.

ISAIA 19:22

Areng ly Aikupta chengchi ai pajeng ai nai ne teu i py, nichi i tamo kalemchi tama hai ai. Nichi ly Areng teng y ali teang nai deaungkho y, nichi i hnei takeng nai raawi tangai pi iy, nichi i no-na tama hai ai.

ISAIA 24:23

Ati cheaungkhang sa thai nai keung Areng ly samrang lyn ai bo i, lo ly avang y ai; kanito py angvang bi ai ny y. Mymy ly Jerusalem mary Zion mawi salo y peang ai. Khumi mipuichi ai pahawi nai lu sa nai keungchi py, mymy i nang parai nai sai niu u ai.

ISAIA 30:13

Nangchi ly kamngo pajeng ai ataing naichi ne. Nangchi ly akoprei nanai lengseaung apai ka-sang pui kamta, vaimy anawi u ai.

ISAIA 30:14

Laawm phei ka-kawi hawi mai-aichi akhui ai nai py, chy-y theung y pani iy tui vei ai nai py, ngo pajau y pa-rei kawi seaungkhrang nai alai laawm hawi atawm u ai.

ISAIA 33:24

Achi i pri y awm u nai khumi bawibawichi ly noso keaungno awm, nanai mana khala py tangam u ai ny y. Kamngo awm nai ngiereichi py lawi naira nga u ai.

ISAIA 57:18

Nichi ati mana sa u mo, nanai kai ly niu bo. Na i py kai ly nichi ai no hawi sa pi ai; lam patei iy sabawm ai. Paleungsi vo tangam naichi ai awm hai nem ai.

ISAIA 58:8

“Nangchi ly hina nai kamta sa u baly, kai i tamen nai kangvang ly khawn kani si sangso kamta, nangchi i tlang tleaung y ang ko iy, nangchi i no naichi py hawi kaliki vui ai. Kai i hawi naira ly nangchi hawi vanrei awm jojo ai. Kai i sa thai naira ly cheaungkhangra y nangchi ai ama hai ai.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

JEREMIA 30:17

Nangchi i paleung ka-echi my, ‘Zion mary ai ly nyn va veng bo. Huni mary ai ami py dawndan y leang bo, nanai thui u i py, kai ly nangchi ai hawi hai ali teang ai. Nangchi i tamo kalemchi tha hai ai. Hini ly kai Areng i thui nai leu ne,” napi.

TANGAM NAI LEU 2:13

Aw Jerusalem mary, kai khrei keh nai mary, kai ati kathui ai mo? Awmnem naira mana kapei ai mo? Ami py huna nai kamta patang naira ly avum vai y leang. Nang i patang naira ly suida pangli kamta, pata ai nai by y na pa-rei kau parai; athang khai naira py by y leang bo.

HOSEA 6:1

Khumichi my, “Areng teng y vawi u ali teang sina! mymy ly achi ai tamo kalem nga hai teu i py, tamo tha pa-rei hawi ang sa pi ai. Tamo nga hai teu i py, huni tamo ai bam pi y ai a?

HOSEA 6:2

Achi ai kani nyh, kani thomrei sala y atho awm iy ham hai teang ai i, mymy i mei keung y awm hai ai.

AMOS 9:11

Areng my, “Anawi nai yhm hlau kamta lawm nai Davida i pri ai, kaimy palum teang nai neng kani tym ai. Ako nai lengseaung apaichi ai kaimy palum teang ai. Jangni i awm nai kamta, kaimy palum teang ai.

ZEKHARIAH 12:8

Huni neng khala Jerusalem mary y awm nai khumichi ai, Areng ly kry ai. Hunaibaly nichi theung i atho di keh naichi malawn py, Davida kamta atho ham ai. Davida i katu chanauchi ly kani pri i amtaw thau nai kamta py, Tameuh mymy kypkyp py, nichi ai lu sa iy pahawi ai.

ZEKHARIAH 14:7

Kaveng py awm ai ny y, rengrang nai neng kani lawm ai. Vum y malawn py kani kangvang awm jojo ai. Hina nai kamta tym ai nai neng kani ly Areng my leaungrei naini pany khyh nai ne.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

Leu Thui Nai 32:39

“Kai leaungrei naini Tameuh ne; kai naini Tameuh tatang ne. Kai ly hengra la pi veng thai, hengra py kapei thai, hawi py sa thai; kai i sa nai ai ly ami py paka pajau y leang.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.