ISAIA 30:2 - Khumi Common Language Bible

² Nichi ly kai teng i katau hnei y naimy, Aikupta pri y chei iy kasabawmra hnei u nai ne. Aikupta pri my ama hai naira ngai nai deaungkho y, nichi ly Aikupta samrang ai ym u bo.

ISAIA 30:2 ပူးပေါင်းရင်းမြစ်များ

1 ARENG KEH 22:7

Na i py Jehoshapha my, “Achi i vui Areng teng y deng pi ai nai takhra amo by y bo a?,” nanai deng.

2 ARENG KEH 17:4

Na i py sanengrei khala y Hosea ly Aikupta samrang so teng y; savaichi pato iy kasabawmra hnei chum baly, Asuria pri y kahm pei y naimy awm vui bo. Huna nai satang ly Shalmaneser my thai nai khala, Hosea ai patiu iy theaung u khai hai nai ne.

2 ARENG KEH 18:21

Nang ly Aikupta pri i kasabawmra ajeng nai ne. Na i py huni pri ai ym nai ly japang uipo keung ai cheaungvawi palawn nai hawi atawm. Huni japang uipo keung ly tleu iy, nang i kiu y ang viu ai. Aikupta samrang ly mymy ai ym naichi i vui y japang uipo hawi atawm,’ nanai leu pei bo,” napi.

ISAIA 16:3

Nichi my Juda mipuichi teng y, “Kaichi ai tau pei u kyh; kaichi ly tavai kapreangchi ne. Kani thunteng nai khala, savairu nai dengkeaung keung i ka-khui kamta, nangchi ly kaichi ai amo hai pi u. Ami py hau iy niu pajau y ai nai kaichi ai heu pi veng ba.

ISAIA 18:1

Ethiopia tavochi kamlem mang y pakhi takhym nai katynchi thai nai pri harei awm.

ISAIA 36:6

Nangchi ly Aikupta pri i kasabawmra ajeng u bo. Na i py huni pri ai paleung pado nai ly tleu iy kiu y viu reng nai japang uipo ai cheaungvawi palawn nai atawm. Aikupta samrang ly mychi ai paleung pado nai neng khala, japang uipo hawi naini atawm nai ne,” napi.

ISAIA 36:9

Nangchi ly sa thai naira theang keh nai Asuria tavailu arengchy ai malawn py, tiu u pajau y leang. Na i py Aikupta chengchi teng i nai tavai ka-ri hawi keaungngo atang nai risa kasabawmrachi kadeaung u lawh.

ISAIA 8:19

Na i py khumichi ly atam kawp nai leung sarachi hawi, vawinam kun nai khumichi teng y leu deng ai nai, nangchi teng y thui ai. Nichi my, “Khumichi ly heng nai khumichi i jeng y dei nai khumichi i phailochi teng y leu deng ai nai avo,” nanai thui u ai.

JEREMIA 2:18

Vai, nang ly Naing tavo tui nei ai nai Aikupta pri y chei nai ly kamran awm ai, nanai athang khai a? Euphrat tavo tui nei ai nai Asuria pri y chei nai ly kamran awm ai, nanai athang khai a?

JEREMIA 21:2

“Babulon samrang Nebukhadnezar hawi ni i tavaimichi ly mary tiu ai nai katanmeuh lawh bo i, Areng teng y kaichi i vui ahui pi kyh ba. Areng ly kaichi i vui rengrang ka-ma-ra sa pi baly, Nebukhadnezar ai anaw tan anaw hai lym ai,” nanai takeng.

JEREMIA 37:5

Huna nai thym khala samrang Pharao i tavaimichi ly Aikupta pri i dengdairei tavai amsa u bo. Huna nai tavai amsa nai thai u nai khala y, Jerusalem mary ai takanmeuh nai Babulon tavaimichi ly tavai athawn u pan veng nai ne.

JEREMIA 42:14

Tavai ka-jeira avum bi y ai nai, tavai pasau ai nai baw katyn thai bi y ai nai, kajeu kanglam by y nai Aikupta pri y kaichi kachei u ai,’ nanai nangchi thui ai nai avo y.

JEREMIA 42:2

kai teng y, “Kaichi i takeng nai so pi kyh ba! Kaichi i Areng Tameuh teng y kaichi i vui chiu so pi kyh. Heng jo rai nai kaichi bawibawi i vui chiu so pi. Vaichi khala ly kaichi py vuikanai nawi parai. Na i py vai ly nang i niu nai kamta, kaichi ly maidenrei chy khyh bo.

JEREMIA 42:20

Nangchi ly khrikhri pa-rei tamang u bo, nanai vai, nangchi teng y pany hai bo. Nangchi ly ‘Kaichi i vui Areng Tameuh teng y chiu so pi kyh ba. Nang teng y leu pei nai ngiereichi py, kaichi teng y thui pi pateang ba. Kaichi ly mymy i leu pei nai kamta sa ai,’ nanai thui ai nai kai ai nangchi i Areng Tameuh teng y pato u bo.

JEREMIA 43:7

Nichi ly Areng i leu pei nai tangai y naimy Tapaneh mary y tym pa-rei, Aikupta pri theung y kun u bo.

TANGAM NAI LEU 4:20

Nichi ly Areng my vawi takhra nai samrang, achi ai hengra pei nai keung, paleung ka-e bawibawichi kiu tleaung i, ama hai ai nai kaichi i ym nai keung ai patiu u vui bo.

HOSEA 7:13

“Nichi ly pajeng naira avum u bo! Kai ai khai su iy ang tiu u lawh bo. Hunai deaungkho y nichi ly phra naira avum u ai. Kai ly nichi ai atleu ai nai ngai teu i py, nichi ly kai ai hawihai palai chiu u y, li-tapawp iy chiu u lawh.

HOSEA 8:10

Na i py kai ly vai, nichi ai angym hai iy pajeng ai. Nichi ly kra y naimy Asuria empara samrang i ana nai khri pa-rei avum u ai.

HOSEA 8:9

Israela mipuichi ly pakym pajau y nai, keaungngo kano kasau karam kamta, paleung ka-dawn sa ngaulau reng nai ne. Nichi ly Asuria pri mang y chei iy, kasabawmra hnei u bo. Vang pei iy pri takhrachi my ama hai ai nai ngai u.

Kati Nai 27:21

Pathyp pi nai keung Eleaza ly Urim hawi Thummim teaung iy, kai i kangai pany thai ai. Naibaly Josua ly Eleaza i paleung pado ai. Hina nai kamta Eleaza ly Josua hawi Israela cheng bawibawichi ai atiti aly kalopchira y pacheang ai mang,” napi.

Leu Thui Nai 28:68

Areng ly nangchi ai Aikupta pri y pato teang ai ny y, nanai thui i py, samphochi hawi nangchi ai huni pri mang y tha ali teang ai. Huni pri y nangchi ly nangmychi ai paleung ka-echi teng y miseaung y ajo i py, nangchi ai van ai nai ngai nai ami py awm ai ny y,” napi.

JOSUA 9:14

Israela chengchi ly Areng teng deng y naimy, huni khumi teng i cha nei vawnchi talam u nai ne.

TARA CHIH NAI KEUNGCHI 9:15

Aleng phreung my ly ‘nangchi ly kai ai meitang khyp, nangchi i tlang tleaung y samrang sa ai nai ngai hai nabaly, kai i ka-khuira jeu iy abyh u; huna nai abyh y lawh baly kai i changpichi sala mang maikhyh theu iy, Lebanon Seda keungchi ai kang hai pawn ai,’ nanai pathang.