ISAIA 30:19 - Khumi Common Language Bible

¹⁹ Jerusalem mary y awm nai khumichi awi, nangchi ly vo pi u ai ny y. Areng ly pahen nai ne. Sabawm naira nga ai nai mymy teng y nangchi a-au u nai khala y, mymy ly tangai iy pathang pi ai.

ISAIA 30:19 ပူးပေါင်းရင်းမြစ်များ

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

ISAIA 10:24

Ati cheaungkhang sa thai nai keung Areng ly Zion mary y awm nai mymy i khumichi teng y, “Asuria chengchi ly Aikupta chengchi kamta nangchi ai ana u teu i py, nangchi ly nichi ai jei u moh.

ISAIA 25:8

Areng ly dei naira ai deungtasarei taphra vui ai. Khumi cheng cheaungkhangchi i mei katuichi tamui pi iy, khaileaung pri verei y mymy i khumichi avum nai kangji kangaichi ai py, tama hai vui ai. Hini ly Areng mymy kypkyp my thui nai leu ne!

ISAIA 33:2

Aw Areng, kaichi ai pahen kyh ba. Kaichi ly nang ai kadeaung nai ne. Kani tleirei kaichi ai ama hai iy, patang naira tym nai neng khala atleu kyh ba.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 41:17

Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

ISAIA 46:13

Kai ly nangchi law tleaung ai nai neng kasa hai ai. Huni neng ly pipi palo y leang bo. Kai ly atleu y nai py awm pi vui ai ny y. Kaimy Jerusalem mary ai atleu iy, Israela chengchi ai tahm asang hai ai.”

ISAIA 58:9

Nangchi chiu sa nai khala y tangai pi ai. Nangchi kasabawmra hnei nai khala y kang pathang pi ai. “Nangchi ly pahyp y naimy ana naichi anawn iy, teng y naimy neng hai nai amkyn khala, chai y nai leu ngiereichi khai su;

ISAIA 60:20

Kai, Areng ly nang i vui kanito, lochi tleaung y akan keh nai deungtasa kangvang lawm ai. Hunaibaly nang i vo tangam nai kanichi ly kheih vui ai.

ISAIA 65:18

Kai i sa nai kalopra y amo theu u jojo ba. Kai i sa nai Jerusalem mary kangtha ly khri pa-rei amo theu iy, huni mary i khumichi py amo theu u ai.

ISAIA 65:19

Kaimy kypkyp malawn py, Jerusalem mary deaungkho y py, huni mary i mipuichi deaungkho y py, amo theu ai. Huni mary y vo nai hawi kasabawmra hnei nai khumichi awm ai ny y.

ISAIA 65:24

Nichi i kai ai chiu nai tem y rai khala my, kai ly nichi i hnei nai pathang pi ai.

ISAIA 65:9

Juda chengchi ai amtheaung naira pei ai. Juda kangpreangchi ly mawi tleaung pri napi nai kai i pri amtym u ai. Kai i miseaung, kai i khumichi ly huni pri y awm iy amtym u ai.

JEREMIA 30:12

Areng ly mymy i khumichi teng y, “Nangchi i tamo kalemchi ly tha pajau ai ny y. Nangchi i no angvawichi ly hawi sa i py, hawi pajau y ai.

JEREMIA 31:12

Nichi ly jeu iy Zion mawi salo y amo theu nai khulym thui u ai. Kai i amtheaung naira kapei pi nai choh, kreip hang, olive asitui, beramchochi hawi si, painochi molam y amo theu u ai. Nichi ly tui hawihai palai nga nai akhobai kamta ne iy, mo mang y mana khala py paleung bi u ai ny y.

JEREMIA 31:16

Nang ly vo nai anawn iy nangmy i mei katuichi py tamui. Chanauchi i vui y nang i sa nai bawibawichi ly jawm sum ai ny y. Huni khumichi ly paleung ka-echi pri i nai ang vawi u ali teang ai,” napi.

JEREMIA 31:6

‘Jeu u, achi i Areng awm naira Zion mawi y chei u sina,’ nanai Ephraim mawichi saleung i tamcheaungchi my aeu nai neng kani ly ang tym angchi khyp ai,” napi.

JEREMIA 31:9

Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

JEREMIA 33:3

“Kai ai palau; kang pathang pi ai. Lyh ai awm iy rengrang nai atitichi kang patei pi ai.

JEREMIA 50:28

(Babulon pri i dengdairei law tleaung nai tavai kamtangchi ly Jerusalem mary y tym u iy, mymy i Achura yhm ai Babulon khumichi my taphra nai molam y, achi i Areng Tameuh ly nichi ai ati mana vawitheung tha mo, nanai thui pi u bo.)

JEREMIA 51:10

Areng ly “Kai i khumichi my, ‘Achi ly hawi, nanai Areng my patei bo. Achi ly Jerusalem mary i khumichi teng y chei iy achi i Areng Tameuh my sa nai atitichi thui u sina,’ nanai aeu u bo,” napi.

Ezekiela 20:40

Kai i mawi kachainapi nai Israela mawi ka-sang salo y, nangchi bawibawi ly kai ai chiu u ai, nanai kaimy leu pei nai ne. Kai ly nangchi ai kawn ai. Nangchi i talam nai tawnbawichi, hawi keh nai katalamrachi hawi khai takhra nai katalamra kachaichi kang hnei ai.

Ezekiela 36:37

Sa thai naira angym nai Areng my, “Kai ly hini tleaung y malawn py sa ai. Israela chengchi ai kai teng y kasabawmra hnei bi ai nai pei ai. Beram kanghu kamta vuikanai peung hai ai.

MIKHA 4:9

Nang ly ati mana nai y tao pajeng parai naimy aeu lawh mo? Deaungdi tapen nai neampachy kamta, ati mana nai no patang naira avum lawh mo? Nang ai peang nai samrang by y nai deaungkho y a? Nang i adeng ahui nai khumichi dei pawn nai deaungkho y a?

LUKA 6:21

“Vai kajeu alam naichi awi, nangchi ly taham hawi; nangchi ly bym pa-rei nga ai. “Vai vo naichi awi, nangchi ly taham hawi; nangchi ly panui ai.

ROM AVANGCHI TENG Y PAWLA I CHA PA NAI 11:26

Hunaibaly Israelachi bawibawi ly hengra nga ai: “Paheng Keung ly Zion i dengdairei theu iy, Jakob teng i dengdairei Tameuh ai dawn y naira ang tama hai ai.

EPHESI 3:20

Hunaibaly achi i paleung theung y sa thai naira sa reng nai kamta, achi i hnei nai hawi dawn nai bawibawichi tleaung y khri pa-rei ty keh nai sa thai nai keung kypkyp teng y ly,

AMTENG HAI NAI 5:4

Naibaly huni cha-iu aeang lam iy, theung mang y khen ai ataing nai keung ami ai py ngo pajau y nai deaungkho y kai ly khri pa-rei vo na:

AMTENG HAI NAI 7:17

ati mana nai mo nabaly areng atehra sala y awm nai Beram Cho ly nichi ai typ nai keung lawn ai i, nichi ai heng nai tuinochi mang y ang pahawi ai; naibaly Tameuh ly nichi i mei i dengdairei mei katui bawibawi tamui pi ai,” napi.