ISAIA 30:16 - Khumi Common Language Bible

¹⁶ Huna nai tangai ai nai tleaung y ly rang parai nai keaungngochi atang iy, paleung ka-echi teng i dengdairei preang ai nai dawn pasym u nai ne. Nangchi i ka-dawn ly hawichy y! Ati mana nai mo nabaly nangchi ly preang u takengkei ai tla nai deaungkho y ne. Nangchi ly nangmychi i keaungngochi ai rang parai, nanai athang khai u teu i py, nangchi ai ang hui nai nichi i keaungngochi ly rang keh ai.

ISAIA 30:16 ပူးပေါင်းရင်းမြစ်များ

2 ARENG KEH 25:5

Na i py Babulon tavaimichi ly hui u nai, Jeriko mary sahawi i adymra y kai i, samrang Zedekiah ai patiu bo. Zedekiah i tavaimi risa bawibawichi ly mymychi i yhmkeung ai khai su iy angpreng u bo.

JOBA 39:11

Nang ly ni i atho len nai ai a-ym pajau a? Nang i kalop kalen ai ni teng y au pajau na a?

SAM 147:10

Mymy ly atho awm parai nai keaungngochi ai py, sorai paleung awm nai tavaimichi ai py, aly ngai nai ny y leang.

SAM 33:17

Tavai keaungngochi ly eaung naira nga nai deaungkho y ati sai py ny y. Nichi i atho len nai py atleu pajau y leang.

ISAIA 2:7

Nichi i pri ly muku, tangka awm ma mang nai deaungkho y, khri pa-rei nang chawn nai ne. Nichi i pri y keaungngochi nawi parai i, keaungngo ka-richi py khrikhri pa-rei nawi parai nai ne.

ISAIA 31:1

Aikupta pri mang y kasabawmra hnei ai nai chei naichi ly taham si! Nichi ly keaungngochi, tavai ka-richi hawi keaungngo atang nai risachi, napi nai Aikupta pri i tavai atho len nai ai ym u nai ne. Na i py Israela chengchi i chai parai nai Areng Tameuh ai ly ym u y. Kasabawmra nga ai nai mymy teng y py hnei u y.

ISAIA 31:3

Aikupta chengchi ly vawinam arengchi ny y. Khumi mangrichi teu na a. Nichi i keaungngochi py vawinam keaungngochi ny y. Areng my bawi la nai khala y, atho len nai cheng ly dei lawm vui ai. Kasabawmra nga nai khumi chengchi py anawi vui ai. Huni khumi cheng amjy nyhrei py myh kang vui ai.

JEREMIA 39:4

Hina naichi ai Juda samrang Zedekiah hawi tavaimi risachi my niu baly, vum y mary theung i dengdairei preang ai nai atho sa u bo. Nichi ly akho bai lam mang, mary apai nyhrei sala i katheu pa-kho mang theu iy, Jordan leaunghawi mang y preang u bo.

JEREMIA 4:13

Khen u cham, paleung ka-e ly khupanym kamta ang jeu ai. Ni i tavai ka-richi ly ali lengli hawi atawm iy, nichi i keaungngochi ly ahmtlauchi tleaung y rang nai ne. Kaichi ly sum bo! kaichi ly taham si lawh bo ly!

JEREMIA 46:6

Angpreng rang naichi ly tleaung u y; Tavaimi risachi py tleaung u y, Nichi ly tosyh ngan Euphrat tavo sahawi y athei iy atlym u nai ne.

JEREMIA 52:7

Huna nai khala mary apaichi ly anawi be bo. Mary ai Babulon chengchi my katanmeuh teu i py, tavaimi risa bawibawichi ly vum y preang u nai ne. Nichi ly samrang i akho lam mang theu iy, apai nyhrei sala y awm nai katheu pa-kho mang theu i, Jordan leaunghawi mang y preang u bo.

TANGAM NAI LEU 4:19

Nichi ly kani salo mang dengdairei, taba kathiu nai ahmtlauchi kamta, kaichi ai ang patiu u. Mawi aheungchi mang y kaichi ai kheulawi ang padyh bo; daichi ka-vymra y athang khai y naimy ang patiu u bo.

AMOS 9:1

Kai ly maicham sahawi y angdo nai Areng ai niu bo. Mymy i leu pei nai ly “Achura yhm verei ahyn kanangkang na pa-rei ahyn hai ai nai Achura yhm i yhmmawm meaung pakhau peu. Hunichi ai pakhau peu iy khumichi i lu tleaung y tlo hai. Huni bo i khumichi ai ly tavai keung y kapadei ai. Ami py tleaung ai ny y, mani khumi py law tleaung pajau y ai.

MIKHA 1:13

Lakhisa mary y awm nai khumichi awi, tavai ka-richira y keaungngochi tai u. Nangchi ly Israela khumichi i sa nai kamta kamngo sa u. Nangchi kamngo sa u nai kamta, Jerusalem mary i khumichi ai py, kamngo sa hai bo.

HABAKKUK 1:8

“Nichi i keaungngochi ly takaikheng tleaung y rang iy, teicha alam nai kasui tleaung y malawn py jei ai nai hawi. Keaungngo atang nai risachi ly keaungngochi ai kamlo mang dengdairei, athorei my ang jeu hai bo. Nichi i keaungngochi ly khaileaung y muiken hawi kaseu u bo. Nichi ly teicha ni nai ahmtlau kamta, athorei my ang jeu u nai ne.

Leu Thui Nai 28:25

“Areng my nangchi i paleung ka-echi ai eaung hai ai. Nangchi ly paleung ka-echi ai lam harei mang tiu i py tavai sum nai deaungkho y, lam takhrakhra mang preang u akyhkyh ai. Khaileaung pri verei i khumi bawibawichi ly nangchi i tlang tleaung y huna naichi tym nai niu khala, nangchi ai jei u ai.

Leu Thui Nai 28:49

Areng ly nangchi ai tiu hai ai nai nangchi hawi leu atlyh y nai khaileaung pri katemra i khumi cheng harei ang tym hai ai. Huni khumichi ly ahmtlau my ni nai kamta, nangchi ai ang tiu ai.