11 Kaichi lam i nai aheng u; kaichi i lam paka u moh. Nangchi my chiu iy Israela chengchi i chai parai nai Tameuh satang, kaichi thai ai nai ngai y,” nanai thui u bo.
Areng my, “Hini khumichi ly kai ai labeaung mang ly kang chiu bo, nanai thui i py, nichi i leuchi ly ati sai py ny y. Nichi i paleung py meingtym takhra mang y apei vui nai ne. Nichi i reita ly khen y naimy thui kawp nai khumichi i tanyn hawi, reitachi naini lawm bo.
Tameuh ly ami ai kangji pei naichi, reita taphra nai khumi ai pajeng naira avum y pa-rei sa vui naichi hawi, khumi kahawichi my ka-dyh ka-dawi tara chih nai lei amcheang y ai nai, ka-chawi naimy pany hai nai khumichi ai tamyh ai.
Na i py Eluma (ni i amyn takhra awm nai sai ly atam kakawp nanai sai ne.) huni khumi ly samrang i jeng y awm nai khumi ai ly ym hai y ai tau i nini ai paka.
Naibaly nichi ly Tameuh ai pany ai ngai u y nai deaungkho y, atiti apu y naichi sa ai nai ly mymy ai ngai y nai paleung awm ai nai au lawh iy, Tameuh my hi pi vui bo;
arum paviu atyhtyh naichi, khumi ai preaung naichi, Tameuh ai niu ngai y naichi, kamlaichi, am-e naichi, apalo naichi, atiti kamngo kangtha patheu nai keungchi, amhm ampo i leu tangai y naichi,
huni pany y naira ly mymychi theung y awm nai deaungkho y hawi, nichi i paleung ly kyh chawn veng nai deauungkho y py, nichi ly Tameuh i hengra teng i nai amprei veng bo.