ISAIA 30:10 - Khumi Common Language Bible

¹⁰ Amochi ai py awm u pypy ai nai thui pi u bo. Nichi my, “Kaichi teng y leu kateng thui pi u moh. Kaichi thai ai ngai nai leu thui pi u. Kaichi ai kaimychi i tamang nai ka-dawnchi hawimy awm hai jo teu sy.

ISAIA 30:10 ပူးပေါင်းရင်းမြစ်များ

1 ARENG KEH 21:20

Ahab ly Elija ai niu nai khala, “Kai i paleung ka-e awi, nang ly kai ai ka-vum sa nai a?” nanai deng. Elija my, “Avum bo, nang ly Areng i mei ka-niu y kamngo sa ai nai, nangmy ai nangmy akhai takhra nai deaungkho y, avum ai nai kang jeu nai ne,” napi.

1 ARENG KEH 22:27

Ni ai theaung y khai ly kai chymme naimy katym teang y ryrei ly tui hawi tako phai pacho ai nai nichi ai leu pei,” napi.

2 NENG SATANG 16:10

Huni leu molam y Asa ly amo i tlang tleaung y kado theu i, sengkrychi hawi pakheng hai bo. Hini neng khala Asa ly khumi phyreichi ai ana amteaung bo.

2 NENG SATANG 25:16

Huna nai khala y Amazia my, “Kaimy nang ai mana khala samrang ai tau pei nai keung y kang khai mo? Nang ly awm pypy, ti y baly kang padei vui ai!” napi. Amo my ly “Nang ly hini atitichi sa iy kai i tau pei nai dawndan y lawh baly, Tameuh my nang ai padei ai nai dawn yb nai vai ly kai pany bo,” nanai thui chum baly sai py katheu y naimy awm pypy bo.

JOBA 41:3

Ni ly mymy ai patleaung ai nai, nang teng y takeng na a? Mymy ai pahen ai nai ahui na a?

ISAIA 28:15

Nangchi ly dei areng hawi amsawi amnai asa chum bo, nanai py, tavau pri hawi ka-ly nga bo, nanai py, amlyh u reng. Nangchi ly li-tapawp nairachi ai a-ym naimy chymme naira hau nai deaungkho y, ka-jeira tym nai khala py tlang hengra nga ai, nanai ym u cheng nai ne.

ISAIA 29:10

Areng ly nangchi ai rai y naimy i hai vui ai. Amochi ly khumichi i mei lawm ai nai avo teu i py, Tameuh ly nichi i mei tamym pi vui bo.

ISAIA 5:20

Nangchi ly taham si! Kahawi ai ly hawi y, hawi y nai ai ly kahawi, nanai nangchi thui u reng. Kaveng ai kangvang palawn, kangvang ai kaveng palawn u reng. Nangchi my katui ai kakho, kakho ai katui palawn hai u reng nai ne.

JEREMIA 11:21

Anatho mary i khumichi i vui Areng my leu pei bo. Ati mana nai mo nabaly huni mary i khumichi ly kai ai padei ai ngai nai deaungkho y, Areng i leu pei nai thui pi veangveang lawh baly kai ai padei ai, nanai thui u nai ne.

JEREMIA 23:17

Nichi ly kai i leu tangai ai nai akhi nai khumichi teng y, ‘Nangchi i vui atitichira y amsym ai, nanai,’ thui u jojo. Paleung tang naichi teng y py, ‘Nangchi i tlang tleaung y mana mo khala py, ka-jeira tym hai ai ny y,’ nanai thui u nai ne,” napi.

JEREMIA 26:11

Naibaly pathyp pi nai keungchi hawi amochi my, lu sa naichi hawi khumichi teng y, “Hini khumi ly achi i mary ai ka-awi leu thui nai deaungkho y, padei ai nai ataing; ni i thui nai leu nangchi thai u bo,” napi.

JEREMIA 29:27

Khumichi teng y amo amlawn iy leu thui nai Anatho mary i Jeremia ai, nang ly ati mana nai y thui parip y lawh mo?

JEREMIA 36:29

Samrang Jehojakim ai py Areng my, “Nang ly cha aeang ai mai leng vui chum baly Jeremia teng y, Babulon samrang ly hini pri y ang jeu ai i, hini pri y taphra iy khumichi hawi tawnbawichi padei pawn ai, nanai ati mana nai thui lawh mo?, nanai deng bo.

JEREMIA 38:4

Naibaly bangtangchi ly samrang teng y, “Hini khumi ai padei i naini hawi ai. Ni ly hini leuchi thui nai deaungkho y, mary theung i tavaimi risachi ai atho di hai bo. Mary theung y awm rai nai khumi bawibawichi py, hinai kamta lawm hai bo. Ni ly khumichi hawi ai nai hau y, hawi y naira naini hau khyh,” napi u.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

AMOS 2:12

Na i py nang ly naziri khumichi ai kreip hang nei hai iy, amochi ai ly kai i leu pei nai thui y ai nai paka u bo.

AMOS 7:13

Bethela mary y jeu iy amo leu thui bi moh jau. Hini meingtym ly samrang mymy kypkyp i chiu nai, cheng theaung achura yhm ne,” napi.

MIKHA 2:11

“Nangchi theung y kreip hang hawi rah neangneang awm ai, nanai li-tapawp reng nai amochi ai, hini khumichi ly ngai u nai ne.

MIKHA 2:6

Khumichi my, “Kaichi teng y leu thui pi moh, huni satangchi thui moh, Tameuh ly kaichi teng y kangji kangai hawi taham si naira tym hai ai ny y leang.

JOHAN 7:7

Khaileaung prichi my nangchi ai ly niu ngai y ai nai awm thai y leang mang; kai naini nichi i atiti sa naichi ly hawi y, nanai thui pi pachai reng nai deaungkho y nichi ly kai ai niu ngai y.

JOHAN 8:45

Kai ly leu meitang thui nai deaungkho y nangchi ly kai ai ym y.

AMTAW 4:17

Na i py khumichi teng y ahei hai rara y ai nai, vai dengdairei ami teng y py hini i amyn y leu thui y ai nai achi nini ai ram sina,” napi.

AMTAW 5:28

“Hini i amyn y leu den py thui moh kang napi khyp be, naibaly khen cham, nangchi i leu patiu nai ly Jerusalem y kawi hai bebe bo:hini khumi i thi py kaichi i tlang tleaung y tym hai ai nai tau u lawh ly,” nanai preng.

ROM AVANGCHI TENG Y PAWLA I CHA PA NAI 16:18

Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.

KALATIA 4:16

Hunaibaly kaimy leu meitang khyp kang thui pi nai deaungkho y nangchi i paleung ka-e ne lawh a?

II TIMOTHEI 4:3

Patiu nai kateng dawn u ngai y nai neng tym ai; nichi i kano patha parai nai deaungkho y mymychi i ngai phi teng y naira ngai nai kamta, patiu nai keung neangneangchi ai mymychi teng y pakheng achu ai;

II TIMOTHEI 4:4

naibaly leu meitang tangai nai mang i nai hi pi vui iy, leuchih mang y tapai nai takan u ai.

AMTENG HAI NAI 11:7

Naibaly nini ly myni i pany hai nai leu thui pajau nai bo y, angawm kalawi by y nai theung i dengdairei theu kalau nai mawi kasi my nini ai tiu iy pajau ai i padei ai.

1 SAMUELA 9:9

Sawla my, “Hawi nai katau ne! ani chei hawi sina,” napi. Hunai deaungkho y nini ly khumi kachai i awm nai meingtym mary y chei hawi bo. Nini ly mary awm nai mawi mang y lyn kalau nai thym khala y, nini ly tui deu ai chei nai anglo phyrei hawi avum. Nini my neampachychi teng y, “Mary theung y niu thai nai keung awm a,” nanai deng. (Huni neng khala y amo ai ly niu thai nai keung, nanai palau; khumi ami py ne sy, Tameuh teng y deng ai nai ngai baly, “Niu thai nai keung teng y chei u sina,” nanai thui u reng nai ne.)