ISAIA 3:24 - Khumi Common Language Bible

²⁴ Nichi ly rimui kamui amseaung y naimy, kaveaung kamui amseaung ai. Apu parai nai khobaichi jeng y, vuinawnchi teaung u ai nai tla ai. Khen apu parai nai samteungchi jeng y, lu tabiuliu nai awm u ai. Apu parai nai ateaung alangchi jeng y, ateaung kamawnchi ateaung u ai nai tla ai. Nichi i khrei ai hawi parai nai areaung py, kangji awm nai mang y amtlau vui ai!

ISAIA 3:24 ပူးပေါင်းရင်းမြစ်များ

ESTHER 2:12

Anglochi i vui y reita kamta anglo asa hai nai ly sanengrei awm na bo. Nichi i tlang tleaung y Mura asitui hawi lo tariurei, thengmui keung asitui hawi lo tariurei tlang panem pi nai ne. Naibaly neampachychi ly ka-thui ka-thui samrang Ahasuru teng y kun u.

JOBA 16:15

Kai ly paisiu kanih amchiu iy, vo tangam bo; sum naimy khaileaung spryh theung y ateh ai nai tla bo.

LEU KACHENG 31:24

Ni ly ateaung alangchi hawi khobaichi aneng iy, ka-pai sa naichi teng y jo bo.

LEU KACHENG 7:17

Huni ira ly mura, kulataruchy hawi sinamon rimuichi mui amseaung yhyh nai ne.

ISAIA 15:2

Dibon mary i khumichi ly myn chiu nai meingtymra y chei u iy, vo tangam ai nai mawi saleung y lyn u. Moba pri i khumichi py Nebo mary hawi Medeba mary i vui paleung si nai deaungkho y vo hang u nai ne. Nichi ly paleung si nai ka-ma-ra sam hawi labeaung muichi vau pawn.

ISAIA 15:3

Lamchira y awm nai khumichi ly paisiu akhiu u nai ne. Khaileaung ka-hochi hawi yhm amphuchi salo y py, paleung si nai patei iy vo u bo.

ISAIA 22:12

Huni thym khala y ati cheaungkhang sa thai nai keung Areng ly nang ai vo hai iy, paleung si nai ka-ma-ra patei ai nai hawi, lu vau tabiuliu iy paisiu amchiu ai nai thui pi yb nai ne.

ISAIA 3:23

angpo dawdi nai ateaungchi, kanih mai ka-syn atamuirachi, lu amym nai pahachi, hunichi taphra pi pawn ai.

ISAIA 4:4

Areng ly Israela chengchi ai tara chih iy, sa thai naira hawimy chai hai ai. Jerusalem mary i kamngo py, huni mary y leaung nai thichi py, pachai pi ai.

ISAIA 57:9

Nangchi ly rimui hang hawi mui kahawichi amjui amthyp iy, Mole tameuh ai chiu ai nai chei u bo. Kamlo kang sa hawi tavau pri y khrairei py, savaichi pato iy tameuhchi ai hau u nai ne.

JEREMIA 4:8

Hunai deaungkho y paisiu akhiu iy vo tangam u. Ati mana nai mo nabaly Areng i khri pa-rei kado theu nai ly Juda pri mang y patyp jo rai nai deaungkho y ne.

JEREMIA 48:37

Khumi luteng ly sam hawi labeaung mui avau u bo. Nichi ly mychi i kiubanchira tamo ajyn iy, paisiu kanih apam u bo.

JEREMIA 49:3

Hesabon mary i khumichi awi, vo u! Nangchi i Ai mary ly phra veng bo! Rabah mary i neampachychi awi, paleung si nai patei u! Paisiu kanih apam iy paleung si nai patei u. Tapai taveang naimy angpreng u. Nangchi i Mole tameuh ly my i pathyp pi nai keungchi, samrang i chapochi hawi vanrei, pri pala nai avum u ai.

JEREMIA 6:26

Areng my mymy i khumichi teng y, “Nangchi ly paisiu akhiu iy maidym theung y jawn y tlawntlai; chanau leaungrei dei keng nai molam y vo tangam nai kamta, paleung ama naimy vo u. Ati mana nai mo nabaly nangchi ai tamyh pawn ai nai keung ly vaimy ang jeu iy ang tiu praw ryp ai nai deaungkho y ne.

TANGAM NAI LEU 2:10

Jerusalem mary i miteaungchi ly paisiu kanih akhiu naimy mymychi i lu tleaung y spryhchi aprawn iy, khaileaung y tynteng y naimy ateh u bo. Mary i anglochi py khaileaung y lu meung naimy awm u nai ne.

Ezekiela 27:31

Nichi ly nang i tlang tleaung y tym nai sai niu u i, sam avau biu iy paleung si paleung mawn nai ka-ma-ra y paisiu apam u. Nichi ly paleung si nai khrikhri pa-rei vo hang u bo.

Ezekiela 7:18

Nichi ly paisiu akhiu iy ngan tlang verei kaso tahyn theu u ai. Lu tabiuliu iy kangji kangai nga u ai.

JOELA 1:8

Nangchi khumichi awi, angam yb nai juvo dei pi veng nai deaungkho y vo tangam nai anglo kamta, vo tangam u.

Levi 26:16

kai ly nangchi ai kang pajeng ai; asi sa iy hawi thai y nai no-na mo, mei paju hai nai hawi atho di hai nai no-na mo, nangchi teng y kang tym hai ai. Nangchi ly amti amjangchi pati i py, kamran by y ai; ati mana nai mo na baly nangchi i paleung ka-echi ly nangchi ai tiu nai pajau ai i, nangchi i pati nai amti amjangchi cha u pawn nai deaungkho y ne.

AMOS 8:10

Nangchi i amo theu nai pawichi ai, sih tla nai pawi lawm hai ai. Nangchi i amo theu sarai iy khulym thui nai raawichi ly vo nai raawichi lawm vui ai. Nangchi ly sam vau chum iy, paisiu kanih akhiu u ai. Chapo leaungrei awm nai dei keng nai deaungkho y, paleung si tapai nanai amhm ampo kamta lawm ai. Huni kani ly tem khala khrairei khri pa-rei hawi y nai kani lawm ai.

MIKHA 1:16

Juda khumichi awi, nangmychi tamen nai cho chanauchi i vui y, nangmychi i sam avau u. Nangchi i cho chanauchi ai, pri takhra mang y langheng y hawi pawn ai nai deaungkho y, nangchi i lu ly langna lu kamta, lu tabiuliu na pa-rei avau u.

Leu Thui Nai 28:22

Areng ly nangchi teng y bau iy keaungno nai chym thai nai no-nachi tym hai ai. Kani khang nai, ali kabi aho nai pajengrachi deaungkho y, nangchi i amti amjangchi py phra ai. Nangchi myh kang ai nai pa-rei hini kamtangchi avum hai ai.

Leu Thui Nai 32:24

Nichi ly kajeu kanglam hawi keaung nosora dei u ai; ka-jei awm nai no-na hawimy dei u bebe ai. Mawi kasichi ly nichi ai kei ai; pavui kangsochi my nichi ai patiu ai.

I PETERA 3:3

Nangchi i akatheng akathi nai ly angam mang y akatheng akathi nai, sam khui nai hawi, muku pahu awi nai hawi, ateaung kahawi amthyp nai ny y naimy,

AMTENG HAI NAI 11:3

Naibaly kai i leu pany hai nai keung nyhrei teng y ly leu kapei ai i, nini ly mawi mui kanih akhiu naimy kani sang atlo chungvai nyh pa-thom kani vui tariu ryrei ly leu thui hawi ai,” ang napi.

AMTENG HAI NAI 16:9

Naibaly khri pa-rei bi nai deaungkho y khumichi ai ly akeaung hai tlau bo; naibaly nichi ly huni patang hai naira peang nai keung Tameuh i amyn thui tamawn iy, mymy ai palo ai nai uikhei nai paleung ngo u y leang.

AMTENG HAI NAI 18:9

“Naibaly mymy hawi angai iy tlamsa ala nai khaileaung pri i samrangchi ly mymy ai kang nai maikhyh angdeang u nai thym khala ly,