ISAIA 29:8 - Khumi Common Language Bible

⁸ Jerusalem mary y tiu u nai khumi cheng cheaungkhangchi ly amang mang y teicha teineichi cha ai nai nga iy, anglaw nai neng khala y kajeu alam kari alam veangveang nai kamta py, amang mang y tui nei iy i anglaw nai neng khala tui ahai nai ly tui ahai veangveang nai khumi hawi py atawm ai.

ISAIA 29:8 ပူးပေါင်းရင်းမြစ်များ

2 NENG SATANG 32:21

Areng ly kani pri amtaw thau ai pato iy, Asuria tavaimi risachi hawi tavai luchi ai padei hai nai ne. Naibaly empara samrang ly kangji nga naimy Asuria pri mang y vawi bo. Kanirei nai khala y ni ly my i tameuh achura yhm y awm nai thym khala, chapo phyreichi my ni ai haisau hawi tleh u bo.

SAM 129:5

Zion mary ai niu ngai y nai khumi bawibawichi ly sum naira hawimy anaw u pawn sy.

SAM 73:20

Nichi ly khawn mang y amang tami vui nai kamta ne; aw Areng nang ang thau nai khala y, nichi ly tama u veng bo.

ISAIA 41:11

Aw, kai i khumichi awi, nangchi ai kado theu hai nai khumichi ly tahm anem iy kangji nga u ai. Nangchi ai tiu nai khumichi ly dei u ai.

ISAIA 41:12

Nichi ly khaileaung salo i nai tama u ai.

ISAIA 44:12

Tamo thip nai keung ly tamo la iy, mai y paawp; naibaly my i ham parai nai kiu pheu iy, chaki hawi tamo ai my i kangai thip nai ne. Ni ly kalop sa akawm iy kajeu alam, tui ahai nai khumi ne.

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

NAHUM 1:15

Khen cham, satang kahawi syn nai khumi savai ly mawichi tako prei bo. Ni ly eaung nai satang thai hai ai nai jeu nai ne. Aw Juda khumichi awi, nangmychi i reita pawi so u. Tameuh teng y talam u. Khumi hawi y naichi ly nangchi i pri y ang jeu u bi ai ny y. Nichi ly angchi khyp, tama u pawn veng bo.

NAHUM 2:1

Aw Ninevi mary, paleung ka-e ly nang ai ang tiu bo! Nang ai tamyh ai nai khumi ly ang tym bo. Nang i amtangrachi ai hawihai lu so! Lam y tamcheaung khai! Atiu ai nai angveirym!