ISAIA 29:7 - Khumi Common Language Bible

⁷ Huna nai khala y Tameuh i maicham mary y tiu u nai tavaimi bawibawichi hawi, nichi i tavai ateaung awm nai ngiereichi ly amang kamta py, vum y paleung adawn pasym atyhtyh nai kamta py, tama vui ai.

ISAIA 29:7 ပူးပေါင်းရင်းမြစ်များ

JOBA 20:8

Ni ly vum y amang amang nai kamta tami veng ai. Khumichi ly mo mang y mana khala py, niu u ai ny y.

SAM 73:20

Nichi ly khawn mang y amang tami vui nai kamta ne; aw Areng nang ang thau nai khala y, nichi ly tama u veng bo.

ISAIA 17:14

Nichi ly khumichi ai dym tengsa neng khala jei hyn hai teu i py, khutawi en neng khala ly by y leang bo. Hini ly kaichi pri y tiu nai khumichi i khym taham ne.

ISAIA 37:36

Huni vum y Areng i kani pri amtaw thau ly Asuria tavaimichi taira y chei iy tavaimi risa leaung 185,000 reichi ai padei pawn bo. Khawn khutawi sum khala ly huni khumi bawibawichi dei be nai ne.

ISAIA 40:17

Khumi cheng cheaungkhangchi ly mymy i mo y ati sai py ny y leang.

NAHUM 1:15

Khen cham, satang kahawi syn nai khumi savai ly mawichi tako prei bo. Ni ly eaung nai satang thai hai ai nai jeu nai ne. Aw Juda khumichi awi, nangmychi i reita pawi so u. Tameuh teng y talam u. Khumi hawi y naichi ly nangchi i pri y ang jeu u bi ai ny y. Nichi ly angchi khyp, tama u pawn veng bo.

NAHUM 2:1

Aw Ninevi mary, paleung ka-e ly nang ai ang tiu bo! Nang ai tamyh ai nai khumi ly ang tym bo. Nang i amtangrachi ai hawihai lu so! Lam y tamcheaung khai! Atiu ai nai angveirym!

ZEKHARIAH 12:9

Naibaly kai ly Jerusalem mary y tiu nai khumi ngiereichi ai tamyh pawn ai.