ISAIA 29:6 - Khumi Common Language Bible

⁶ Ati cheaungkhang sa thai nai Areng ly ali pui khu puichi, kalei theu hai naichi hawimy katyn amsau iy nangchi ai atleu ai. Mymy ly ali kamchaichi hawi mai kadeu py pato ai.

ISAIA 29:6 ပူးပေါင်းရင်းမြစ်များ

2 SAMUELA 22:14

Naibaly Areng ly kani mang dengdairei, kani pajyh hai; ati cheaungkhang sa thai nai Tameuh i raawi ly theu.

SAM 55:8

Kai ly chei kaliki iy, ali kamchai hawi ali pui khu puichira i nai abyhra kahau ai.

ISAIA 10:3

Nangchi i tlang tleaung y Tameuh my pajeng nai khala, nangchi ati mana sa u ai mo? Mymy ly nangchi ai kamlora i dengdairei ang jeu nai ka-jeira avum hai nai khala, nangchi ati mana sa u ai mo? Kasabawmra hnei ai nai ami teng y angpreng u ai mo? Nangmychi i yhmtheaung katuichi ly ma mang y heu u ai mo?

ISAIA 26:14

Huni khumichi ly vai i neng y, dei u pawn veng bo; heng u ali bi ai ny y. Nang ly nichi ai pajeng iy tamyh pawn veng nai deaungkho y, nichi i phailochi py, tapreaung i nai ang thau u ai ny y. Nichi ai ami my py pany u y leang bo.

ISAIA 26:21

Areng ly khaileaung pri i khumichi ai, kamngo pajeng ai nai mymy i awm naira dengdairei ang jeu ai. Khaileaung salo y kangviu y khumi padei nai tamang nairachi ly pheaungrang ai. Tleh naira avum nai khumichi ai khaileaung my ly apha pi vui ai ny y.

ISAIA 28:2

Areng ly nichi ai tiu ai nai atho haiho len nai khumi leaungrei khai pi yb bo. Huni khumi ly ji akawi tla hai nai kamta py, kani satleu hai nai kamta py, paka pajau y nai tavo tui lemheu nai kamta py, jeu iy pri verei y khiu ai.

ISAIA 30:30

Areng ly khumi bawibawichi teng y phum-ang angym nai raawi thai hai iy, mymy i kado theu nai haiho avum hai ai. Mai kadeu kangveaungchi, kani pajyh nai, ji amaichi tla nai hawi, khri pa-rei kani nai hai ai.

ISAIA 31:9

Nichi i samrang py jei i, preang vui ai. Tavailu arengchi ly mychi i tavai tamkhawnchi khai u su ai,” napi. Huni ly Areng my leu pei nai ne. Mymy ly Jerusalem mary y khumichi my chiu nai Areng ne iy, mymy i mai kangveaung py tawnbawichi ai leng patlum ai nai angveaung nai ne.

ISAIA 43:2

Nangchi ly tui thiu mang y tapai nai khala y, kai ly nangchi hawi vanrei awm ai. Ngari kamtangchi ly nangchi ai khiu ai ny y. Nangchi ly mai theung y aleaung nai khala y, mai my kang ai ny y. Khri pa-rei cham nairachi ly nangchi ai no patang nairachi tym hai ai ny y.

Ezekiela 38:22

Kai ly haisau tamo, no michi hawi ni ai parip ai. Ni hawi vanrei, ni i tavaimichi, abang nai khumi cheaungkhangchi tlang tleaung y kan hawi mai raurei, kani hawi ji akawi puichi khrikhri pa-rei nai hai ai.

AMOS 1:14

Hunai deaungkho y kai ly Rabah mary apaichi salo y mai kani nai hai iy, Rabah amtangra yhmchi ai maidym satlawi palawn vui ai. Naibaly tavai atiu nai kani y aeu nai katyn amsau nai thai iy, atiu nai ly ali kamchai kamta, khri pa-rei ho na ai.

NAHUM 1:3

Areng ly kado theu praw vai y leang; na i py mymy ly sa thai naira awm iy kamngo awm nai khumichi ai pajeng y naimy mana khala py khai su y leang. Areng i chei naira tleirei y, ali kamchai theu reng; khupanymchi ly mymy kheu anui i spryhchi ne.

ZEKHARIAH 14:5

Nangchi ly mawi aseih thla nai nyhrei, leaunghawi lam mang preang iy tleaung u ai; Juda samrang Uzia deung y kaleih theu nai thym khala, nangchi i amsi pajochi preang u pawn nai kamta, nangchi py preang u teang ai. Kai i Areng Tameuh ly mymy hawi vanrei, kani pri amtaw thauchi ai hawi iy ang jeu ai.

MATTHAI 24:7

Cheng takhra hawi cheng takhra atiu ai i, pri takhra hawi pri takhra atiu ai; meingtym takhra takhra y takang theu ai i, kaleih py theu ryry ai.

MARKA 13:8

Cheng takhra hawi cheng takhra atiu ai i, pri takhra hawi pri takhra atiu ai; meingtym takhra takhra y kaleih py theu ryry ai; takang py theu ai.

LUKA 21:11

Kaleih py khri pa-rei theu ryry ai i, meingtym takhra takhra y takang py theu ai, no nai michi py aki ai, kani mang i dengdairei atiti ka-jei awm naichi hawi ka-ma-ra lyh parai tlai naichi py awm ai.

AMTENG HAI NAI 11:13

Naibaly huni neng thym khyp khala y ly kaleih khrikhri pa-rei ho i, avang kalen pui phy horei y phyrei ly anawi be bo: naibaly dei nai kamthom ly khri pa-rei jei i Tameuh ai palo u bo.

AMTENG HAI NAI 11:19

Naibaly kani pri mang i Tameuh i achura yhm kalen pui paeaung iy mymy i achura yhm kalen pui y ly mymy i leu maikawm adeu nai pawm amteng bo; naibaly amlosadichi hawi, katynchi hawi, kani pajyh naichi hawi, kaleih ho nai hawi, ji kalen py awm tamangtang bo.

AMTENG HAI NAI 16:18

naibaly amlosadichi hawi, katynchi hawi, kani pajyh naichi py awm iy, kaleih py tlenrei khrikhri pa-rei ho; khaileaung pri y khumichi awm khyp kha i dengdairei huna nai kamta ty nanai hawi khrikhri pa-rei ho nai kaleih ly awm vai y.

1 SAMUELA 2:10

Areng i paleung ka-echi ly tama naira avum ai; nichi i tlang tleaung y kani pajyh hai ai. Areng ly khaileaung pri verei y tara chih ai; mymy ly mymy i vawi takhra nai samrang ai sa thai naira angym hai iy, mymy i khai takhra nai khumi ai eaung naira pei ai,” nanai thui bo.