ISAIA 29:5 - Khumi Common Language Bible

⁵ Aw Jerusalem mary, nang ai tiu nai cheng takhra khumichi ly spryh kamta py, nichi i ka-jei hawi parai nai tavaimichi ly choh ali kamta py, vaimy ahei u pawn ai.

ISAIA 29:5 ပူးပေါင်းရင်းမြစ်များ

JOBA 21:18

Ali my hm nai chohphi, ali lengli my pakheang nai choh ali kamta, nichi teng y mana khala tym ai mo?

SAM 1:4

Na i py khumi hawi y naichi ly mana khala py hunai kamta ny y; nichi ly ali my hm iy ahei phro reng nai choh ali hawi atawm.

SAM 35:5

Areng i kani pri amtaw thau naimy ly nichi ai patiu ai nai hui nai deaungkho y, nichi ly ali my hm naira y ahei phro reng nai, choh ali kamta lawm u sy!

ISAIA 13:11

Areng my, “Kai ly ka-jeira ai khaileaung salo y tym hai iy, khumi hawi y naichi ai mychi i kamngo nai molam y, kamngo pajeng ai. Kai ly amlyh am-e nai khumi ngiereichi ai tahm panem iy, paleung kalen asa nai hawi pahyp y naimy ana nai khumi bawibawichi ai, kamngo pajeng ai.

ISAIA 25:3

Sathai naira haiho len nai khumichi ly nang ai palo u ai. Pahyp y naimy ana nai khumichi awm nai marychi py, nang ai jei naimy awm u ai.

ISAIA 25:4

Khumi kamawnchi hawi jeaungmang nai khumichi ly nangmy teng y abyh u nai deaungkho y, patang naira tym nai neng khala y chymme naira nga u nai ne. Nang ly nichi ai alipui khupuira i nai ama hai nai py, khri pa-rei kabi ango naira i abyh ai nai ka-khui ka-ji py pei bo. Pahyp y naimy ana nai khumichi i tiu naira y kaseih ali kaho hawi py,

ISAIA 25:5

khutaha meingtymra y kani khang nai hawi py, atawm nai ne. Na i py aw Areng, nang ly kaichi i paleung ka-echi raawi anawn hai bo. Khupanym ly bi pahui nai kanito ai savai hai nai kamta, nang ly pahyp y naimy ana nai khumichi i aeu nai katyn anawn hai bo.

ISAIA 29:20

Amichi ai ana iy Tameuh ai mei aniu y nai khumichi ly tama u ai. Kamngo sa nai khumi ngiereichi ly sum naira nga u ai.

ISAIA 30:13

Nangchi ly kamngo pajeng ai ataing naichi ne. Nangchi ly akoprei nanai lengseaung apai ka-sang pui kamta, vaimy anawi u ai.

ISAIA 31:3

Aikupta chengchi ly vawinam arengchi ny y. Khumi mangrichi teu na a. Nichi i keaungngochi py vawinam keaungngochi ny y. Areng my bawi la nai khala y, atho len nai cheng ly dei lawm vui ai. Kasabawmra nga nai khumi chengchi py anawi vui ai. Huni khumi cheng amjy nyhrei py myh kang vui ai.

ISAIA 31:8

Asuria pri ly tavai sum ai. Na i py khumichi i sa thai naira haiho molam y ny y. Asuria chengchi tavai keung i nai angpreng u ai. Nichi i thawndeang deaungdichi py miseaung y achei u ai.

ISAIA 37:36

Huni vum y Areng i kani pri amtaw thau ly Asuria tavaimichi taira y chei iy tavaimi risa leaung 185,000 reichi ai padei pawn bo. Khawn khutawi sum khala ly huni khumi bawibawichi dei be nai ne.

ISAIA 40:15

Areng mo y khumi cheng cheaungkhangchi ly ati sai py ny y. Nichi ly tui paleaungdy nai ryrei khyh. Kamlora i tlawnchi py tamaiham tanrei kaji awm khyh nai ne.

ISAIA 41:11

Aw, kai i khumichi awi, nangchi ai kado theu hai nai khumichi ly tahm anem iy kangji nga u ai. Nangchi ai tiu nai khumichi ly dei u ai.

ISAIA 41:15

Kai ly nangchi ai rawbo chiu parai nai chohchau kangtha kamta, lawm hai ai. Nangchi ly mawi puichi ai ati iy dei lawm hai ai. Mawi aheungchi py, spryh lawm vui ai.

ISAIA 41:16

Hunichi ai nangchi ly pachaw ai i, ali my hm nai pakheang iy. kamchaichi my ahei seaungkhrang hai ai. Naibaly kai ly nangchi i Tameuh ne nai deaungkho y, nangchi ly amo theu u ai. Nangchi py Israela chengchi i chai parai nai Tameuh, napi nai kai ai palo u ai.

ISAIA 47:11

Taham kasi ly nang i tlang tleaung y tym ai. Hini ai nang i atam kakawp my paka pajau ai ny y. Nang ly mana khala py, amang mang y amang vai y nai phra naira avum ai!

ISAIA 48:3

Areng my Israela chengchi teng y, “Jangni y kaimy mo mang y awm ai naichi thui pi yb bo. Naibaly hunichi vaimy tym hai ai.

AMOS 5:9

Mymy ly atho awm nai khumichi hawi nichi i amtangrachi taphra pawn bo.

I THESALONIKA 5:3

Khumichi ly, “Awm nem naira hawi chymme naira awm bo,” na naichi i thui nai thym khyp khala y ly, neampachy i chanau tapen ai nai no nai kamta ly tlenrei khyh my tama ai naira ly nichi i tlang tleaung y tym ai i, tleaung ai naira pipi ngo y ai.