ISAIA 29:14 - Khumi Common Language Bible

¹⁴ Hunai deaungkho y kai ly nichi athang khai y nai patang naira harei chum baly harei tym hai iy, nichi ai jei hyn hai ai. Khumi kachengchi ly khumi hawi y naichi lawm u be iy, nichi i tau cheng nai ngiereichi py, nichi ai ati sai py hawi hai ai ny y,” nanai leu pei bo.

ISAIA 29:14 ပူးပေါင်းရင်းမြစ်များ

JOBA 12:17

Mymy ly peang nai keungchi ai, tau cheng naira dyhp hai iy, mipui i lu sa naichi ai kamthu kamta sa hai bo.

ISAIA 10:12

Na i py Areng my, “Kai ly Zion mawi hawi Jerusalem mary y sa ai awm nai kalop sa pajau bo nabaly, Asuria empara samrang teng y my i amlyh nai hawi paleung len nai molam y kamngo pajeng ai,” napi.

ISAIA 19:3

Kai ly Aikupta chengchi i dawn pasym naichi phra hai iy, nichi i paleung ka-dawn py phra hai ai. Nichi ly mychi i chiu nai mynchi teng y, kasabawmra hnei u ai. Vawinam pakun kawp naichi teng y chei iy leu deng ai i, khumi kadeichi i phailochi teng y katau hnei u ai.

ISAIA 28:21

Areng ly Perazim mawi hawi Kibeon leaunghawira y sa nai kamta tavai thau ai. Mymy ly mymy i sa ai awm nai kalop amcheang pa-rei sa ai. Huni kalop ly aneng parai nai ne.

ISAIA 44:25

Kai ly leung sarachi ai kamthu lawm hai iy, ka-si kamhi pany nai keung i thui naichi phra hai bo. Khumi kachengchi i leu ei vui iy nichi i cheng naira ly ka-khum teu, nanai pany hai bo.

ISAIA 63:17

Kaichi ai ati mana nai y nangmy i reita lam i nai amphri hai vui lawh mo? Ati mana nai y kaichi ai paleung tang hai iy, nang teng i nai hihai vui lawh mo? Nang ai chiu naichi ai dawn pi nai deaungkho y py, nangmy peang jojo nai nangmy i khumichi ai dawn pi nai deaungkho y py, jeu ali teang ba.

ISAIA 65:7

Nichi i kamngolai py, nichi i amsi pajochi i kamngolai py, vawitheung katha hai ai. Nichi ly mawi salo i mynchi ai chiu nai meingtymra y mui katuichi leng patlum iy, kai ai cheh u bo. Hunai deaungkho y nichi ai kamngo ka-taing kapajeng ai,” napi.

JEREMIA 19:7

Kai ly hini meingtym y Juda khumichi hawi Jerusalem mary i khumichi i dawn tau nai ngierei phra hai ai. Nichi ai padei ai hau nai khumichi i kiu y au iy tavai keung y dei hai ai. Nichi i veuchi ly tavochi hawi daichi mawi kasichi i teicha lawm ai.

JEREMIA 49:7

Ati cheaungkhang sa thai nai keung Areng ly Edom pri molam y, “Edom khumichi ly paleung ka-dawn kahawi by y na bo sai a? Nichi i khumi kachengchi py, ati mana sa ai nai avo mo, nanai tau pei pajau y na bo sai a? Nichi i cheng nairachi ly tama be veng bo a?

OBADIA 1:8

“Kai ly Edom pri y pajeng nai thym khala, ni i khumi kachengchi ai tamyh iy, cheng nai ngiereichi ai taphra vui ai.

HABAKKUK 1:5

Naibaly Areng my, mymy i khumichi teng y, “Nangchi ly nangmychi i tengpang sahawi y awm nai khumi cheng cheaungkhangchi ai, ajeng naimy khen patawm u. Naibaly nangchi niu nai leaungsai molam y lyh u ai. Kai ly nangchi thai nai malawn py, ym pajau y nai sai harei sa ai.

LUKA 10:24

kang thui pi, amo neangneangchi hawi areng neangneangchi py nangchi i atiti niu naichi ly niu ai nai ngai, na i py den py niu y; nangchi i kano y thai naichi py thai ai nai ngai, na i py den py thai y,” nanai kangviu y napi.

ROM AVANGCHI TENG Y PAWLA I CHA PA NAI 1:28

Naibaly nichi ly Tameuh ai pany ai ngai u y nai deaungkho y, atiti apu y naichi sa ai nai ly mymy ai ngai y nai paleung awm ai nai au lawh iy, Tameuh my hi pi vui bo;

I KORINTH 3:19

Ati mana nai mo nabaly hini khaileaung pri i cheng naira ly Tameuh i dawn naira y ly pathu nai ne. “Mymy ly khumi kachengchi ai ly mymyychi i cheng tapawp naira y man hai reng,” nanai hawi,