ISAIA 29:13 - Khumi Common Language Bible

¹³ Areng my, “Hini khumichi ly kai ai labeaung mang ly kang chiu bo, nanai thui i py, nichi i leuchi ly ati sai py ny y. Nichi i paleung py meingtym takhra mang y apei vui nai ne. Nichi i reita ly khen y naimy thui kawp nai khumichi i tanyn hawi, reitachi naini lawm bo.

ISAIA 29:13 ပူးပေါင်းရင်းမြစ်များ

SAM 17:1

Aw Areng, adyh adawi ai nai molam y, kai i takeng nai tangai pi kyh ba. Kasabawmra nga ai nai kai i aeu nai raawi dawn pi patyp kyh ba! Kai ly neaung hawi parai naimy hnei takeng nai ne i, kai i chiu sa nai tangai pi kyh ba.

SAM 50:16

Na i py Tameuh ly khumi hawi y nai teng y, “Nang ly ati mana nai y kai i reita leu pei naichi thui lawh mo? Kai i leu maikawm satang thui lawh mo?

LEU KACHENG 30:6

Mymy i leuchira y ati sai py panawi bi moh. Panawi bi lawh baly, mymy ly nang i tlang tleaung y khri pa-rei ang thui ang parip ai i, nang ly ka-chawi ka-hui thui nai khumi, nanai pany hai ai.”

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 29:1

Tameuh i maicham napi nai Jerusalem mary malawn py taham si! Davida i tavai taira mary ly taham si! Huni mary y sanengrei, saneng nyhrei pawichi sa naimy awm u rai sy,

ISAIA 29:12

Cha phain kawp y nai khumi ai phain hai i py, huni khumi my, “Kai mana phain ai mo, pany y,” ang napi ai.

ISAIA 30:11

Kaichi lam i nai aheng u; kaichi i lam paka u moh. Nangchi my chiu iy Israela chengchi i chai parai nai Tameuh satang, kaichi thai ai nai ngai y,” nanai thui u bo.

ISAIA 42:25

Hunai deaungkho y mymy ly achi i tlang tleaung y mymy i kado theu nai py, khri pa-rei ho nanai tavai takai ka-jeira py, avum hai bo. Mymy i kado theu nai ly mai kamta, Israela pri verei y angveaung bo. Na i py ati mana tym mo, nanai achi pany y. Achi ly hunira i amtiura ati sai py ngo u y nai ne.

ISAIA 63:17

Kaichi ai ati mana nai y nangmy i reita lam i nai amphri hai vui lawh mo? Ati mana nai y kaichi ai paleung tang hai iy, nang teng i nai hihai vui lawh mo? Nang ai chiu naichi ai dawn pi nai deaungkho y py, nangmy peang jojo nai nangmy i khumichi ai dawn pi nai deaungkho y py, jeu ali teang ba.

JEREMIA 12:2

Nang ly nichi ai pati nai deaungkho y, nichi ly tangjyn aviu, keung cheang iy athai thawn bo. Nichi ly nang i hawi nai sai thui u jojo i py, nichi ly angchi khyp, nang ai tahm khai u y leang.

JEREMIA 3:10

Hina nai kalopchi sa chum baly Israela i tuicho ka-ym by y nai Juda ly kai teng y ali teang bo. Paleung pipi apei y, ngai ka-awi sa iy jeu nai ne. Hini ly kai, Areng i thui nai leu ne,” napi.

JEREMIA 42:20

Nangchi ly khrikhri pa-rei tamang u bo, nanai vai, nangchi teng y pany hai bo. Nangchi ly ‘Kaichi i vui Areng Tameuh teng y chiu so pi kyh ba. Nang teng y leu pei nai ngiereichi py, kaichi teng y thui pi pateang ba. Kaichi ly mymy i leu pei nai kamta sa ai,’ nanai thui ai nai kai ai nangchi i Areng Tameuh teng y pato u bo.

JEREMIA 5:2

Nangchi my, Areng ly heng nai ne, nanai vaineng abeu u teu i py, nangchi ly teng y nai vaineng abeu u nai ne.

Ezekiela 14:1

Israela cheng lu sa nai phyreichi ly kai teng jeu iy, kai i mo y ateh u.

Ezekiela 33:30

Areng my, “Nang khumicho awi, nang i chengchi ly mary apaichi sahawi y py, nangmychi yhm katheu pa-khochira py avum u nai khala, nang i satang thui u nai ne. Nichi my, ‘Areng ly ati leu pei mo, nanai vai achi chei iy tangai u sina,’ nanai mymychi tengtawi arum u bo.

HOSEA 7:14

Nichi ly ym tatang nai paleung hawi chiu so u y. Amymy ai atlym hai iy, aeu naimy tangam u bo. Nichi ly choh bai palo hawi kreip hang nga ai nai chiu sa nai khala y, myn y chiu nai khumichi kamta, amymy ai tamo kalem nga hai iy, hnei takeng reng. Nichi ly kai ai tiu u lawh ly!

KOLOSA 2:22

“Amkhaw py amkhaw moh, pateng py pateng moh, nam py nam moh,” napi nai kamta ati mana nai leu pei naira y apei u lawh a? Hunai kamta atiti bawibawichi ly teaung nai tarawi y tama ai nai tla.

1 SAMUELA 15:30

Sawla my, “Kai ly kamngo kasa lawh bo; na i py thuitlamsi ly kai i cheng lu sa nai keungchi i mo y py, Israela cheng vereichi i mo y py, kai i tahm awm nai phra hai y naimy, kai ly nang i Areng Tameuh ai chiu pajau ai nai, kai hawi vanrei abang teang kyh ba,” nanai takeng.