ISAIA 28:7 - Khumi Common Language Bible

⁷ Amochi hawi pathyp pi nai keungchi malawn py nei cha ala nai deaungkho y atlym u khikha nai ne. Nichi ly kreip hang hawi mhm-rah nei ala nai deaungkho y, tapai taveang iy atlym u bo. Amochi ly pavui jojo nai deaungkho y, Tameuh my amteng hai naichira i awm nai sai pany thai u y. Pathyp pi nai keungchi py, mychi teng y tym nai atitichi ai tara chih pi thai y nai ne.

ISAIA 28:7 ပူးပေါင်းရင်းမြစ်များ

SAM 107:27

Nichi ly ahm rah pavui naichi kamta, atlym u khikha na; nichi i kawp nai saichi ly ati sai py ny y bo.

LEU KACHENG 20:1

Mhm-rah nei ala nai khumi ly leu raawi len iy sa tamang reng; mhm-rah pavui tapai reng nai ly khumi ka-khum ne.

Parip nai leu 10:17

Na i py amy i cheng naira hawi kalop sa nai samrang my peang iy, cho nei ala y naimy tahm akhai thai nai samrang i bangtangchi awm nai pri ly taham hawi nai ne.

ISAIA 19:14

Areng ly nichi ai dawn pany thai y nai katauchi pei hai nai deaungkho y, Aikupta khumichi ly tamang u iy, amy i amleura y atlym nai pavui tapai nai khumi kamta, atlym u khikha na bo.

ISAIA 22:13

Nang ly huna nai sa ai nai jeng y, pawi sa lawh nai ne. Si, beramchi tleh, cha iy kreip hang nei bo. “Khawndam dei u ai bo i, vai ly achi cho nei u sina,” nanai nang ly thui nai ne.

ISAIA 24:2

Pathyp pi nai keung hawi khumi mipui, miseaung hawi yhmkeung, vang nai khumi hawi jo nai khumi, kalai la nai khumi hawi alai pi nai khumi, khumi kanang hawi khumi kamawn, khumi bawibawichi ly khym taham harei hawi avum u ai.

ISAIA 24:20

Khaileaung ly ali kamchai chawm nai tai kamta py, nei cha ala nai khumi kamta py, atlym khikha ai. Khaileaung pri ly kamngo mynji my tei nai deaungkho y, anawi vui ai; ang thau ali teang pajau ai ny y.

ISAIA 28:1

Israela pri ly taham si! Mychi i cha nei ala nai lu sa nai keungchi i adeung nai kaseaung lukhym kamta, huni pri i phum-ang ly rawm naimy awm nai ne. Huni lu sa nai keungchi ly amlyh am-e naimy, mychi i lu y mui kahawi rimui amthym teu i py, nei cha ala nai y atlym u na bo.

ISAIA 29:11

Paleung mei hawi niu nai ngiereichi i awm nai saichi ly pajawp typ nai cha aeang kamta, nangchi i vui khiu pi vui ai. Cha phain kawp nai khumi leaungrei teng y nangmy phain hai lawh baly, huni khumi my, “Hini cha aeang ai pajawp hai typ nai deaungkho y, kai ly phain ai nai ngo y,” nanai thui ai.

ISAIA 3:12

Tangka paseng nai khumichi ly kai i khumichi ai ana u bo. Paisa tangka ko nai khumichi my, nichi ai li-tapawp u bo. Kai i khumichi awi, nangchi ai lu sa naichi ly nangchi ai lam kateng patei y nai deaungkho y, nangchi ly mani lam mang y tako ai mo, nanai malawn py, pany u pajau y nai ne.

ISAIA 43:27

Nangchi i jangni i amsi pajoly kamngo sa nai ne. Nangchi i lu sa naichi my kai i tlang tleaung y kamngo sa bo.

ISAIA 5:11

Nangchi ly taham si! Nangchi ly mhm-rah nei u ai nai ang thau kasa iy, dym mang py pavui jojo reng nai ne.

ISAIA 5:22

Nangchi ly taham si! Nangchi rah palang soraichi awi! nangchi ly rah katlen naira y vam parai i, jei nai paleung by y lawh ly!

ISAIA 5:23

Na i py nangchi ly un langseaung nga lawh teu baly, sa tamang nai khumichi ai pajeng y naimy patleaung vui iy, tamang y nai khumichi ai ly kataw kateng chih pi u y.

JEREMIA 14:14

Na i py Areng my, “Amochi ly kai i amyn y ka-chawi thui u nai ne. Kai ly nichi ai kapato y leang. Nichi teng y ati sai py kataviu y. Ati sai py amteng hai y. Nichi i thui pi nai paleung mei hawi niu naichi ly kaimy amteng hai naichi ny y. Nichi i thui yb nai leuchi ly ati sai py ny y i, mychi phym atyhtyh nai teu.

JEREMIA 23:13

Samari mary y awm nai amochi i amso ngai nai ly kaniu bo. Nichi ly Bala tameuh i amyn y leu thui iy, kai i khumi Israela chengchi ai lam tamang hai u nai ne.

JEREMIA 23:16

Ati cheaungkhang sa thai nai keung Areng my Jerusalem mary i khumichi teng y, “Amochi my nangchi ai athang khai hai atyhtyh nai deaungkho y, nichi i leu tangai u moh. Nichi ly mychi i paleung theung y dawn nai kamta thui u nai teu, kai i thui nai leu ny y leang.

TANGAM NAI LEU 2:4

Mymy ly paleung ka-e kamta achi ai thailiho hawi ang patyp rym iy, atho nga, amo theu, tahm akhai amlyh nai khumi bawibawichi ai py padei bebe bo. Jerusalem mary theung y achi ly mymy i angveaung nanai kado theu naira avum u bo.

Ezekiela 13:7

Nichi teng y hina nai thui pi; nangchi i paleung mei y niu naichi ly kateng ny y iy, nangchi thui yb nai amo leuchi py, ka-chawi leuchi ne. Nangchi my huni leu ai kai i leu pei naichi ne, nanai thui u teu i py, kai ly huni leu nangchi teng y kang pei y leang,” napi.

Ezekiela 44:21

Pathyp pi nai keungchi ly Achura yhm apai theung i ly-um mang y theu y rai khala, kreip hang nei ai nai tlo y.

HOSEA 7:5

Samrang i sa nai pawi kani y samrang hawi ni i bangtangchi ai kreip hang panei iy, pavui tapai hai u bo.

MIKHA 2:11

“Nangchi theung y kreip hang hawi rah neangneang awm ai, nanai li-tapawp reng nai amochi ai, hini khumichi ly ngai u nai ne.

HABAKKUK 2:15

Nangchi ly taham si u! Nangchi ly kado theu nai deaungkho y, nangmychi i yhm deaungpa prichi ai cheh iy kangji khai u bo. Nichi ai pavui tapai nai kamta atlym hai khikha bo.

HABAKKUK 2:16

Nangchi ly tahm awm ai nai tleaung y, kangji nga ai nai neng tym ai. Nangmychi kypkyp py, neicha iy pavui tapai u ai. Areng ly nangchi ai kamngo pajeng nai khau nei hai ali teang iy, nangchi i tahm awm nai ai ly kangji nga nai mang y tym hai ai.

MATTHAI 24:29

“Na i py huni neng patang nai bo y ly kanito ai ly veng hai ai i, lo py angvang y leang bo, ka-sichi py kani mang i dengdairei tla ai i, kani mang i atiti sa thai nairachi ai ly ahyn hai ai;

LUKA 21:34

“Na i py tau tleaung y awm u, ti y baly cha nai kajeu kawi ala nai hawi, mhm pavui nai hawi, heng nai sala y awm nai sai dawn nai hawi nangchi i paleung y kawi ala ai i, huni kani y ly deaung man nai kamta tlenrei khyh my nangchi i tlang tleaung y tym miu lawh na.

EPHESI 5:28

Hunai kamta khyp teang juvochi ly amymychi i tlang ai atamen nai kamta, amymychi i aju ai tamen ai nai tla. Amy i aju ai tamen nai keung ly amy ai atamen nai ne;