ISAIA 28:4 - Khumi Common Language Bible

⁴ Paleung len amlyh nai lu sa nai keungchi i dyhp nanai phum-ang ly myn nai hawimy jaw iy cha vui nai, neng kamtleh athai nai thaidu athaichi kamta, tama veng ai.

ISAIA 28:4 ပူးပေါင်းရင်းမြစ်များ

ISAIA 28:1

Israela pri ly taham si! Mychi i cha nei ala nai lu sa nai keungchi i adeung nai kaseaung lukhym kamta, huni pri i phum-ang ly rawm naimy awm nai ne. Huni lu sa nai keungchi ly amlyh am-e naimy, mychi i lu y mui kahawi rimui amthym teu i py, nei cha ala nai y atlym u na bo.

ISAIA 8:4

Huni deaungdi ly nei, ngaai, nanai palau kawp nai neng tym y rai khala y, Asuria samrang ly Damaska mary i yhmtheaung katui ngiereichi hawi, Samari mary y tiura i nga nai vawnsaichi la pi vui ai,” nanai kai teng y leu pei nai ne.

HOSEA 13:1

Vaichi khala Ephraim cheng theaungchi i thui nai leu ai, takhra Israela cheng theaungchi ly jei hyn u bo. Takhra Israela cheng theaungchi ly Ephraim cheng theaungchi ai tahm khai u nai ne. Na i py nichi ly Bala tameuh ai chiu u nai kamngo molam y dei u ai.

HOSEA 13:15

Israela chengchi ly acha keungchi kamta angvai i py, kai ly khutaha daichi ka-vym mang dengdairei, nisi mang i ali kabi aho hai nai deaungkho y, nichi i tavo micheaungchi hawi tuikanchi kang hai iy, vang kateng vawnsai ngiereichi chau pawn ai.

HOSEA 6:4

Na i py Areng my, “Israela chengchi hawi Juda chengchi awi, kai ly nangchi ai mana kang sa ai mo? Kai i tlang tleaung y nangchi i tamen nai sai ly khawn kadam kamta py, kadam amai kamta py, tama rai y nai ne.

HOSEA 9:16

Israela khumichi ly tangjyn jei nai deaungkho y, athai thai y nai dengkeaung keung hawi atawm. Nichi teng y cho chanau thawn hai ai ny y. Cho chanau sa lawh teu baly, nichi i thi ngan kamji chanauchi ai kaimy padei vui ai,” napi.

MIKHA 7:1

Athang khai naira by y leang bo! Kai ly kajeu alam nai deaungkho y, thengthai keung i thengthai athai py, kreip keung i kreip athai py, hau teu i py athairei py niu y nai khumi kamta ne. Kreip athai awm nai ngierei hawi, thaidu athai awm nai ngiereichi ai, jaw u be veng bo.

NAHUM 3:12

Nang i amtangra ngiereichi ly athai kangmyn awm nai thaidu keungchi hawi atawm iy, keung tahyn baly cha ai ngai nai khumi i labeaung kho y athaichi athun ai!

AMTENG HAI NAI 6:13

naibaly thaidu keung y ali ho parai nai my hm nai kha y thawn y nai athai vui taru nai kamta, kani ka-sichi ly khaileaung y tla bo.