ISAIA 28:29 - Khumi Common Language Bible

²⁹ Ni ly hini cheng naira ngiereichi ai, ati cheaungkhang sa thai nai keung Areng teng i nga nai ne. Tameuh i sa nai katauchi ly cheng naira ka-dawn angym iy eaung naira nga jojo nai ne.

ISAIA 28:29 ပူးပေါင်းရင်းမြစ်များ

JOBA 37:23

Tameuh i sa thai naira ly len parai nai deaungkho y, achi ly mymy sahawi y ahihawi pajau y; Mymy ly khumichi hawi amkawm naira y, leu meitang adyh adawi hai nai ne.

JOBA 5:9

Kaichi ly mymy i sa nai nang parai nai saichi pany pajau y. Mymy i lyh ai awm parai nai saichi ly kati pajau y leang.

SAM 118:23

Hini ly Areng i sa nai kalop ne; achi i mei ka-niu y lyh ai awm parai na a!

SAM 40:5

Kai i Areng Tameuh, nang ly kai i vui ati cheaungkhangchi sa pi. Nang hawi pata pajau nai khumi leaungrei py by y! Nangmy kaichi i vui dawn pi nai ka-dawnchi ly lyh ai hawi parai nai ne. Huni atitichi ly nawi parai nai deaungkho y, hunichi ai kati pajau y nai ne.

SAM 92:5

Aw Areng, nang i sa nai leaungsaichi ly khri pa-rei lyh parai na a! nang i dawn nai saichi py thiu parai na!

SAM 92:6

Khumi ka-khumchi pany pajau y naira, cheng naira by y nai khumichi pany thai y naira, harei awm.

LEU KACHENG 8:14

Kai ly katauchi sa iy, amlum amcheang hai bo. Kai ly pany thai nai cheng naira hawi, sorai paleung py kawi angym nai ne.

ISAIA 28:28

Ni ly chajai chohneichi phra y ai nai chohvuichi ai avaw by y pa-rei ati y leang. Chajai chohneichi tleu piupa y pa-rei ka-ri hawi mana ati ai mo, nanai pany.

ISAIA 31:2

Mymy ly mymy i sa reng nai kalop ai pany na a! Mymy ly khri pa-rei ka-jeira tym hai bo. Khumi hawi y naichi hawi nichi ai ama hai nai khumichi ai pajeng ai nai leumo pei nai kamta sa nai ne.

ISAIA 41:20

Hini atitichi niu u nai khala y, khumichi my hini ly kai, Areng i sa nai ne, nanai pany u ai. Hini kalop ai Israela chengchi i chai parai nai Tameuh my sa nai ne, nanai pany u ai.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 32:19

Nang i ka-dawnchi ly lyh ai hawi parai iy, sa naichi py len parai tlai nai ne. Nang ly khumichi i sa nai ngiereichi ai niu nai ne i, nichi ai mychi i sa nai kamta kawn vang pei pi bo.

ROM AVANGCHI TENG Y PAWLA I CHA PA NAI 11:33

Aw! Tameuh i cheng naira hawi pany naira ly khri thiu na ly! Mymy i chih nairachi ly pipi pany pajau y, mymy i sa nai sai ly patawm pajau ai nai aveng!