ISAIA 28:2 - Khumi Common Language Bible

² Areng ly nichi ai tiu ai nai atho haiho len nai khumi leaungrei khai pi yb bo. Huni khumi ly ji akawi tla hai nai kamta py, kani satleu hai nai kamta py, paka pajau y nai tavo tui lemheu nai kamta py, jeu iy pri verei y khiu ai.

ISAIA 28:2 ပူးပေါင်းရင်းမြစ်များ

JOBA 22:16

Huni khumichi ly dei kani tym y rai khala my, tui len naira y amjau u pawn ai.

ISAIA 25:4

Khumi kamawnchi hawi jeaungmang nai khumichi ly nangmy teng y abyh u nai deaungkho y, patang naira tym nai neng khala y chymme naira nga u nai ne. Nang ly nichi ai alipui khupuira i nai ama hai nai py, khri pa-rei kabi ango naira i abyh ai nai ka-khui ka-ji py pei bo. Pahyp y naimy ana nai khumichi i tiu naira y kaseih ali kaho hawi py,

ISAIA 27:1

Huni neng khala y Areng ly chiu parai nai haisau hawi a-ieih naimy awm nai pavui pui tuireng nam (Levithan) ai pajeng iy, pangli Naka pui ai py padei ai.

ISAIA 29:6

Ati cheaungkhang sa thai nai Areng ly ali pui khu puichi, kalei theu hai naichi hawimy katyn amsau iy nangchi ai atleu ai. Mymy ly ali kamchaichi hawi mai kadeu py pato ai.

ISAIA 30:28

Mymy ly ali aho hai ai. Huni ali ly ati cheaungkhangchi ai amjau hai pawn nai tavo tui lem nai kamta, khumi cheng cheaungkhangchi ai tama hai pawn iy, nichi i hawi y nai katauchi phra hai ai.

ISAIA 30:30

Areng ly khumi bawibawichi teng y phum-ang angym nai raawi thai hai iy, mymy i kado theu nai haiho avum hai ai. Mai kadeu kangveaungchi, kani pajyh nai, ji amaichi tla nai hawi, khri pa-rei kani nai hai ai.

ISAIA 32:19

(Dengkeaung thengreungchi salo y jichi tla ai; mary py phra ai.)

ISAIA 40:10

Ati cheaungkhang sa thai nai Areng ly mymy atleu nai khumichi aipalau iy, sa thai naira hawi peang ai nai ang jeu ai.

ISAIA 8:6

Mymy ly “Hini khumichi ly leaung kajai nai Siloh tavo micheaungkhai su iy, samrang Rezin hawi samrang Pekah nini i mo y kaso theu nai deaungkho y,

Ezekiela 13:11

Huni mary apai ly anawi takengkei ai, nanai huni mary apai ai theung kangleung pajui nai khumichi teng y thui pi. Kai ly khri pa-rei kani nai hai ai. Zi akawichi ly mary apaira y tla iy, ali kamchai aho nai deaungkho y,

Ezekiela 38:9

Ni hawi my i tavaimi risachi py, ni hawi vanrei abang nai cheng takhra khumi neangneangchi py, huni pri y kamchai kamta tiu iy, khupanym kamta khiu u ai,” napi.

DANIELA 9:26

Naibaly neng kani dym nai khala y, Tameuh my vawi nai miteaung keh ai ly khumi hawi y naimy padei vui ai. Kangkhym y tym iy atho awm nai samrang leaungrei i tavaimichi ly Jerusalem mary hawi Achura yhm taphra u vui ai. Kangkhym y ly Tameuh my sa yb nai kamta, tavai atiu nai hawi taphra naira ly tym iy, tuibai theu nai kamta kangkhym i neng ang tym ai.

NAHUM 1:8

Mymy ly khri pa-rei ho nai tavo tui kamta, paleung ka-echi ai phra hai. Mymy ai ka-awi sa nai khumichi ai, dei khora y tha nai ne.

JOSUA 10:11

Israela risachi my tiu nai deaungkho y, Amori risachi ly mawi aleaung lam mang y preang u nai khala, Azeka mary tym pa-rei, lam jeungrei kani mang i ji amai kalen puichi, nichi i tlang tleaung y Areng my tla hai bo. Ji amai tla hai nai deaungkho y dei naichi ly Israela chengchi my padei iy dei nai tleaung y nawi keh nai ne.

AMTENG HAI NAI 18:8

Hunai deaungkho y kanirei y ly mymy ai patang hai nairachi, dei naira hawi, paleung mawn naira hawi, takang theu nai py tym bawibawi ai:naibaly mymy ai ly mai y kang hai bebe ai; ati mana nai mo nabaly ni ai tara chih pi pawn nai Areng Tameuh my ly ham parai nai ne.

AMTENG HAI NAI 8:7

Naibaly kangman keh nai ly eng i, ji hawi mai, thi hawi abawi paraw para naimy awm tamangtang bo; hunichi ai ly khaileaung y aphi kathiu bo; naibaly khaileaung phy thomrei y phyrei ly kang bebe bo, dengkeaungchi py phy thomrei y phyrei ly kang bebe bo, acha kangheng bawibawi py kang bebe teang bo.