ISAIA 28:19 - Khumi Common Language Bible

¹⁹ Nichi ly nangchi ai khawn tleirei, ang tiu taleang ang tiu taleang bi ai. Nangchi ly vum kanithun patang u ai. Tameuh i leu pei nai tleirei y, jei hyn naimy awm u ai.

ISAIA 28:19 ပူးပေါင်းရင်းမြစ်များ

2 ARENG KEH 17:6

Hosea my peang nai saneng takawrei nai khala y, Asuria empara samrang ly Samari mary ai peang vui iy, Israela chengchi ai Asuria pri mang y langheng hawi vui bo. Hunichi theung i phyreichi ai ly Halah mary theung y khai; phyreichi ai ly Kozan ka-peang Habor tavo sahawi y khai, phyreichi ai ly Media pri i marychira y khai nai ne.

2 ARENG KEH 18:13

Samrang Hezekia i peang nai saneng holai palyhrei saneng y, Asuria empara samrang Sennakheri ly Juda pri i amtangra marychi ai tiu i pajau nai ne.

2 ARENG KEH 21:12

Hunai deaungkho y Israela chengchi i Tameuh, kai Areng ly satang thai nai khumichi lyh ai nai pa-rei, Jerusalem mary hawi Juda pri y ka-jeira tym hai ai.

2 ARENG KEH 24:2

Areng ly mymy i miseaung amochi dengdairei leu pei nai kamta, Juda pri taphra ai nai Babulon, Suria, Moba hawi Ammon tavaimichi ai pato bo.

JOBA 18:11

Ka-jei awm nai patang nairachi ly ni ai takimeuh naimy ajeng iy, ni i tako naira tleirei y hui bo.

JOBA 24:17

Nichi ly kanithun i kangvang ai jei u; na i py kaveng ai ly jei u y.

JOBA 41:9

Tuireng nam ai niu nai ngierei ly jei naimy, khaileaung y atlym nai ne.

JOBA 6:4

Ati cheaungkhang sa thai nai Tameuh ly kai ai thailiho chyn hawi ko nai deaungkho y chyn kamtlau ly kai i ngan tlang theung y num be bo. Tameuh ly khri pa-rei jei ai hawi parai nai patangrachi, kai i tlang tleaung y tym hai ai nai khai yb bo.

SAM 55:4

Kai i paleung ly jei hyn naimy awm; deira ai khri pa-rei jei na bo.

SAM 88:15

Kai ly deaungdichy khala patang naira avum i, deivi deivi nanai ne; nang i pajeng naira nawi parai nai deaungkho y, kai ly atho bai na bo.

ISAIA 33:7

Khumi soraichi ly kasabawmra hnei u lawh bo. Tavai atiu y ai nai atho sa nai savaichi ly khrikhri pa-rei vo u bo.

ISAIA 36:22

Naibaly Elijakim, Shebana hawi Joahchi ly paleung si paleung mawn naimy, mychi i ateaungchi sei iy Asuria tavailu areng i leu ai, samrang teng y chei iy amti pi bo.

ISAIA 37:3

Samrang my, Isaia teng y leu pei nai ly “Vaini ly patang nai kani ne; kaichi ly pajeng naira avum iy kangji kanga u bo. Kaichi ly neng tym i py atho by y nai deaungkho y, deaungdi tapen thai y nai neampachy hawi atawm.

ISAIA 50:4

Atho bai nai khumi ai atho awm teang ai nai mana atho pei ai mo, nanai kai Areng my leu pei nai ne. Mymy thui pi ai naichi tangai ai nai mymy ly kai ai khawn tleirei, awn hai na bo.

JEREMIA 19:3

Areng my, “Juda samrangchi hawi Jerusalem mary i khumichi awi, Israela chengchi i Tameuh, ati cheaungkhang sa thai nai keung kai, Areng i thui nai leu tangai u. Kai ly thai nai khumichi athengra na pa-rei, ka-jei awm parai nai hini meingtym y tym hai ai.

JEREMIA 4:5

Juda pri verei y baw eng u! Raawi amchang iy tao pajeng parai naimy aeu u! Juda mipuichi hawi Jerusalem mary i khumichi ai amtangra marychi mang y angpreng ai nai thui pi u.

JEREMIA 4:9

Areng my, “Huni kani y samrangchi hawi samrang i bangtangchi ly paleung phra atho di u ai. Pathyp pi nai keungchi ly lyh u ai i, amochi ly mynkym u ai,” napi.

JEREMIA 6:24

Jerusalem mary i khumichi my, “Hini satang kaichi thai nai khala y, kaichi i kiubanchi ly tla thlawi veng bo. Kaichi ly deaungdi tapen ai nai achai nai neampachy kamta, khri pa-rei no patang u bo.

TANGAM NAI LEU 2:22

Nang ly paleung ka-echi ai kaichi i tengpang sahawi y, ka-jei awm parai nai pawi sa ai nai palau bo. Nang i kado theu nai huni neng kani y ly amimi py tleaung pajau ai ny y. Nichi ly kaimy khrei iy, pacho panei nai cho chanauchi ai tleh u bo.

DANIELA 7:28

Hini ly tym ai nai leaungsai i tem naira ne. Kai ly khri pa-rei kaso theu nai deaungkho y, meimai takhuisui vui bo. Hini leaungsai bawibawichi ai paleung theung y pateung me jo nai ne.

DANIELA 8:27

Kai, Daniela ly kani neangneang paleung atho di naimy no bo. Naibaly kai ly ang thau iy, samrang my pei nai kalop kasa nai ne. Na i py huni paleung mei hawi niu nai molam y paleung adi-adiu nai deaungkho y, kai ly huni i awm nai sai ai pany thai y na bo.

HABAKKUK 3:16

Kai ly hini leaungsaichi thai baly kaso theu; kai i labeaung teng ly jei nai ahyn thlyhthlyh naimy tlang ly nau vui iy, kheuchi ly atlym khikha na bo. Kaichi ai tiu nai khumichi ai, Tameuh my pajeng nai neng tym pa-rei, kaichi ly awmnem nai my ajeng ai.

1 SAMUELA 3:11

Areng my ni teng y, “Kanirei nai khala y Israela chengchi teng y kai i sa ai nai sai ly khri pa-rei ka-jei awm nai deaungkho y, huni satang thai nai khumi bawibawichi ly athengra na ai.