ISAIA 28:16 - Khumi Common Language Bible

¹⁶ Vai, ati cheaungkhang sa thai nai keung Areng my leu pei nai ly “Kai ly Zion y khaw parai pa-rei langdeng kapala ai. Kai ly ‘Hawihai palai ym naimy athang khai nai khumi ly kham tanga naimy ajeng nai ne,’ nanai tajiu typ nai cha abawi nai, khaw parai nai taki i lengseaung ai py, huni langdengra y khai pi ai.

ISAIA 28:16 ပူးပေါင်းရင်းမြစ်များ

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

ATITI AWM ANGCHEI NAI 49:24

Na i py Jakob i ati cheaungkhang sa thai nai Tameuh i sa thai naira hawi py, Israela ai ama hai nai beram typ nai keung i sabawm nai saho y py, ni i thailiho ly amchyh y iy, ni i kiubanchi py ham nai ne.

2 NENG SATANG 20:20

Huni bo i kani khawn angthodyh khala, khumichi ly Tekoa sahawi daichi ka-vym mang y theu u. Theu u enten nai khala Jehoshapha my khumichi teng y, “Juda khumichi hawi Jerusalem mary i khumichi awi!, nangchi ly nangmychi i Areng Tameuh ai ym u baly, angdo u pajau ai. Mymy i amochi my thui nai leu ym u baly eaung naira nga u ai,” napi.

SAM 118:22

Yhm sa nai khumichi my khai su nai lengseaung ly aly len keh nai taki i lengseaung lawm bo.

SAM 87:1

Areng ly chai parai nai mawi salo y, mymy i mary pui sa nai ne.

ISAIA 14:32

Philistin pri i dengdairei ang jeu nai savaichi teng y, achi ati mana pathang ai mo? Areng ly Zion mary ai palum bo i, huni maryra y patang naira avum nai mymy i khumichi ly chymme naira nga u ai, nanai satang nichi teng y thui pi u sina.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 54:11

Areng my, “Aw Jerusalem mary, patangra tym iy jeaungmang nai mary ne nai, awm hai nem nai keung leaungrei py by y nai mary awi, kai ly langdengchi ai, vang kateng lengseaungchi hawi sa palai teang ai.

DANIELA 2:45

Mawi i nai lengseaung pui harei ly alyly naimy amli iy tamo, kheupaja, laikan, muku, tangka hawi sa nai myn pui y amli hai nai ly nang niu nai ne. Nang parai nai Tameuh ly nang ai mo mang y tym ai nai saichi pany hai nai ne. Kai ly nang i niu nai kamta amang kang thui pi khyp iy, amang i awm nai sai py, nang ai pany hai pi chum bo,” napi.

ZEKHARIAH 10:4

Kai i khumichi ai peang ai nai nichi theung i dengdairei samrangchi, lu sa naichi, tavailu areng napi nai khumichi amthawn ai.

ZEKHARIAH 3:9

Amhi mawi saryhrei awm nai lengseaung ai py, Josua i mo y kakhai ai. Huni lengseaung salo y cha mawi katajiu iy, hini pri i kamngochi ly kanirei y my, kala pi vui ai.

MATTHAI 21:42

Isu my ly nichi teng y, “Yhm sa nai keungchi i lengseaung ngai y nai ly, Huni kypkyp ly taki i lengseaung avo keh nai palawn bo: Huni ly Areng i sa nai ne i, Achi i mei ka-niu y rengrang tlai nai ne,’ nanai ly Tameuh i cha-iu y phai u vai y a?

MARKA 12:10

‘Yhm sa nai keungchi i lengseaung ngai nai ly, Huni kypkyp ly taki i lengseaung avo keh nai palawn bo;

ROM AVANGCHI TENG Y PAWLA I CHA PA NAI 10:11

Tameuh i cha-iu ly, “Ami py mymy ai ym nai ngierei ly amthang leaung y ai,” napi nai ne.

ROM AVANGCHI TENG Y PAWLA I CHA PA NAI 9:33

“Khen cham, Zion y ly atlym naira lengseaung hawi paka naira lengseaung pui kakhai i, Ami py mymy ai ym nai ngierei ly amtheaung leaung y ai,” nanai tajiu nai kamta.

I KORINTH 3:11

Leng angchi nai lengseaung ny y baly, lengseaung takhra ami py leng thai y leang bo, huni ly Isu Krista ne.

EPHESI 2:20

Krista Isu kypkyp ly taki i lengseaung avo keh nai lawn iy, nangchi ai amtaw thau naichi hawi amochi i lengseaung leng nai tleaung y ang sa hai nai ne;

II TIMOTHEI 2:19

Na i py Tameuh i lengseaung leng nai kakhaw my ly awm jojo iy, hini pajawp typ nai ka-ma-ra ne i, “Areng ly mymy i khumichi ai ly ang pany,” nanai hawi, “Areng i amyn palau nai ngiereichi ly hawi y sa naira aheng u sy,” nanai py ne.