ISAIA 27:13 - Khumi Common Language Bible

¹³ Huni neng kani tym nai khala y Asuria pri hawi Aikupta pri y pri pala nai avum nai Israela cheng bawibawichi ai palau nai baw eng ai. Nichi py Jerusalem mary y awm nai, mymy i mawi kachai salo y Areng teng jeu iy chiu ai.

ISAIA 27:13 ပူးပေါင်းရင်းမြစ်များ

2 ARENG KEH 17:6

Hosea my peang nai saneng takawrei nai khala y, Asuria empara samrang ly Samari mary ai peang vui iy, Israela chengchi ai Asuria pri mang y langheng hawi vui bo. Hunichi theung i phyreichi ai ly Halah mary theung y khai; phyreichi ai ly Kozan ka-peang Habor tavo sahawi y khai, phyreichi ai ly Media pri i marychira y khai nai ne.

SAM 47:5

Tameuh ly mymy i atehra bailang mang y lyn kalau bo; Areng lyn kalau nai khala, amo theu aeu nai raawichi hawi baw eng nai katynchi thai u nai ne.

SAM 81:3

Losi kani hawi lo-um kani pawi sa ai nai molam baw eng u.

SAM 89:15

Khulym thui naimy nang ai chiu nai khumichi hawi, nang i pahen nai kangvang y awm nai khumichi ly khri pa-rei taham hawi na a!

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 11:12

Mymy ly amprei phro nai Israela khumichi ai py, ahei phro nai Juda khumichi ai khaileaung taki palyh dengdairei kachu ali teang nai ai py, pany hai ai nai Areng my patei nai tamkhawn theaung ai.

ISAIA 11:16

Aikupta pri dengdairei Israela chengchi theu u nai thym khala i kamta, Asuria pri y awm rai nai, mymy i khumichi theu u ai nai i vui y, lam manglai pui harei lawm hai ai.

ISAIA 18:3

Khaileaung pri y awm nai khumi bawibawichi awi, khaileaung salo y awm u nai khumi bawibawichi awi, tangai u! Mawi saleungra y pado ai nai ka-ma-ra tamkhawn ai khen angdeang u!

ISAIA 19:21

Areng ly mymy ai Aikupta chengchi my pany ai nai sa ai. Huna nai khala y nichi ly mymy ai pany iy chiu u ai. Mymy teng y tawnbawi hawi kapathyprachi syn u ai. Nichi ly mymy i mo y leu meitang adeu iy, huni leu meitang adeu nai kamta sa u ai.

ISAIA 19:22

Areng ly Aikupta chengchi ai pajeng ai nai ne teu i py, nichi i tamo kalemchi tama hai ai. Nichi ly Areng teng y ali teang nai deaungkho y, nichi i hnei takeng nai raawi tangai pi iy, nichi i no-na tama hai ai.

ISAIA 2:11

Khumichi i haiho jum nai neng, paleung len am-e naira dyhp nai neng tym ai. Huna nai khala Areng leaungrei naini, tahm asang naira avum ai.

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

ISAIA 2:3

Nichi my, “Areng i mawi salo y Israela chengchi i Tameuh i Achura yhm mang y, achi lyn u sina. Mymy i kangai amtiu u sina. Mymy i vawi takhra pi nai lam y achi tako u sina,” nanai thui u ai. “Areng i reita leu ly Jerusalem mary i dengdairei py, mymy i leu ly Zion mawi salo i dengdairei py theu ai.”

ISAIA 25:6

Ati cheaungkhang sa thai nai keung Areng ly Zion mawi salo y, khaileaung pri y awm nai khumi cheng cheaungkhangchi i vui, hawi keh nai teicha teineichi hawi, hawi keh nai kreip hangchi hawi, dym biu cha pawi pui sa pi ai.

ISAIA 43:6

Nichi theu u ai nai tosyh mang py, nichi ai paka y ai nai tokalawi mang py, kaimy thuipi ai. Khaileaung pri meingtym tleirei y awm nai pri kamlora i, kai i khumichi vawi u ali teang ai.

ISAIA 49:7

Khumi cheng cheaungkhangchi my niu ngai y nai khri pa-rei avum iy, samrang hawi y naichi i miseaung teng y, Israela chengchi i chai parai nai Tameuh, atleu keung my, “Pri peang nai samrangchi ly nang ai law tleaung hai iy tahm ang khai u ai. Samrang i chapochi my py nang ai niu iy, tahm khai nai lu meung u ai.” Ati mana nai mo nabaly ka-ym awm nai Areng napi nai Israela chengchi i chai parai nai Tameuh ly nang ai vawi takhra nai deaungkho y ne,” napi.

ISAIA 56:8

Mymy i khumichi ai pri pala naira i dengdairei, mychi i pri y palau ali teang nai Areng ly takhra khumichi ai py, huni khumichi hawi vanrei amkawm iy awm ai nai pahawi ai.

ISAIA 66:18

Nichi i sa nai, dawn naichi kai pany. Kai ly pri tlei tleireichira i khumichi ai kachu ai nai kang jeu ai. Nichi ly akachu u nai khala y kai i sa thai naira mana tanrei ham na mo, nanai niu u ai. Mymychi ai pajeng nai keung ly kai naini ne, nanai py pany u ai. Na i py kai ly phyreichi ai tlamsa naira pei ai. Kai ly nichi ai kai i satang thai vai y, kai i sa thai naira len parai nai niu vai y nai

ISAIA 66:23

“Losi pawi kanichi hawi anawn kani tym nai tleirei, khumi cheng cheaungkhangchi ly Jerusalem mary y jeu iy, kai ai chiu u ai,” nanai Areng my leu pei bo.

JEREMIA 31:6

‘Jeu u, achi i Areng awm naira Zion mawi y chei u sina,’ nanai Ephraim mawichi saleung i tamcheaungchi my aeu nai neng kani ly ang tym angchi khyp ai,” napi.

JEREMIA 43:7

Nichi ly Areng i leu pei nai tangai y naimy Tapaneh mary y tym pa-rei, Aikupta pri theung y kun u bo.

JEREMIA 44:28

Na i py nangchi theung i maidenreichychi ly dei y naimy, Aikupta pri i dengdairei Juda pri y vawi u ai. Huna nai khala y Aikupta pri y tym u nai Juda khumi heng rai naichi ly mychi i leu hawi kai i leura y, ami i leu ly teng keh mo, nanai pany u ai.

Ezekiela 20:34

Nangchi ai pri tlei tleirei hawi, ahei akyhkyh nai pri cheaungkhangra i nai palau ali teang nai neng khala, nangchi i tlang tleaung y atho len parai nai sa thai naira hawi kiu pheu iy, kado theu nai sai patei ai.

Ezekiela 20:41

Nangchi ai ahei akyhkyh nai prichira i dengdairei, kaimy nangchi ai pangym ali teang nai bo y, nangchi leng patlum nai mui katui hawi vanrei nangchi ai kang kawn pi ai. Kai ly chai parai nai ne, nanai khumi cheng cheaungkhangchi my niu u ai.

Ezekiela 39:25

Sa thai naira angym nai Areng my, “Na i py vai kai ly Jakob i katu chanau ne nai Israela chengchi ai pahen iy, nang chawn hai ali teang ai. Kai i amyn kachai ai ama hai ai.

DANIELA 11:45

Ni ly Achura yhm awm nai mawi hawi, pangli sala y mymy i vui kanih yhm kalenchi sa ai. Na i py mymy ai sabawm ai nai keung by y nai deaungkho y dei ai,” napi.

HOSEA 11:11

Tavochi kamta Aikupta pri i dengdairei py, buhu kamta Asuria pri i dengdairei py, akheang u kaliki ai. Kai ly nichi ai mychi i saleaung khuteng y hawi ali teang ai. Hini ly kai, Areng my pei nai leu ne.”

HOSEA 8:13

Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

HOSEA 9:3

Israela khumichi ly Areng i pri y awm ai nai ngo y i, Aikupta pri mang y vawi u ali teang ai nai tla ai. Asuria pri y py cho ngau y nai teicha teinei cha u ai.

Levi 25:9

Naibaly saryh lo, kani horei kani y ly kamngo pahen nai kani ne i, pri verei y khumi leaungrei ai amki hai ly, baw eng hai.

MIKHA 7:14

Aw Areng, nangmy vawi takhra nai khumichi ai, beram typ nai keung kamta kry kyh ba. Nichi ly daichi theung y ahei akyhkyh teu i py, huni meingtym i paitiu khuta hawi nai khaileaung my, nichi ai taki teungtareung na sy. Nichi ai jangni khala y achachi peung nai Basan pri hawi Kilead prichira y sui tlai hai nai kamta, vai py hini pri y awm hai ba.

ZEKHARIAH 14:16

Naibaly Jerusalem mary ai tiu u nai khumichi theung i, dei kamthum khumi bawibawichi ly ati cheaungkhang sa thai nai Areng i peang nai anui y awm u iy, mymy ai chiu u ai nai py, Taichy Pawi sa u ai nai py, huni mary y saneng tleirei tym u ai.

ZEKHARIAH 8:7

Kai ly kaimy i khumichi teng y, nichi tym naira tleirei y atleu i,

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MATTHAI 24:31

Naibaly baw katym pajeng parai nai eng iy, mymy i kani pri i amtaw thau naichi ai ly pato ai; naibaly nichi ly mymy i vawi takhra naichi ai ly khuteng taki palyhrei i dengdairei, kani katem i nai katem y khrairei pangym achu ai.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

ROM AVANGCHI TENG Y PAWLA I CHA PA NAI 10:18

Na i py kai ly napi, Nichi ly thai u y nai sai a? Thai u chy y; “Nichi i katyn ly meingtym tleirei y amthang iy Nichi i leu ly khuteng taki y tym pa-rei amthang bo,” napi nai ne.

I THESALONIKA 4:16

Areng mymy kypkyp ly aeu nai katyn hawi, kani pri i amtaw thau nai salo keh i raawi hawi, Tameuh i baw katyn hawi kani mang i dengdairei ang satla kathiu ai; naibaly Krista y dei chum naichi ly angthau u man ai;

HEBRAI 12:22

Na i py nangchi ly Zion mawi teng y hawi, Tameuuh kangheng i avang kani mang i Jerusalem teng y hawi, tep rep ma pany y nai kani pri i amtaw thau nai kamkawmchi teng y hawi,

AMTENG HAI NAI 10:7

kani hawi huni theung y awm naichi ai hawi, khaileaung hawi huni theung y awm naichi ai hawi, pangli hawi huni theung y awm naichi ai py sa nai keung, deungtasarei heng jojo nai i amyn y tauh iy vaineng abeu bo.

AMTENG HAI NAI 8:2

Naibaly Tameuh i mo y angdo reng nai kani pri i amtaw thau nai leaung saryhreichi ai kaniu:naibaly nichi teng y baw saryhrei au bo.

AMTENG HAI NAI 8:6

Naibaly baw saryhrei syn nai kani pri i amtaw thau nai saryhreichi ly eng ai nai angvei u rym bo.

AMTENG HAI NAI 9:14

Huni raawi ly baw syn nai kani pri i amtaw thau nai tariu i nai teng y ly, “Euphratis jang pang pui mang y kani pri i amtaw thau nai kawm angchi nai leaung palyhreichi ai su jau,” napi.