ISAIA 27:11 - Khumi Common Language Bible

¹¹ Dengkeaung changpichi ly aheng iy deirawm nai deaungkho y, neampachychi ly chei i, theng ei u nai ne. Khumichi ly pany thai naira by y nai deaungkho y, nichi ai sa nai keung Tameuh ly nichi ai pahen nai, tamen nai awm ai ny y.

ISAIA 27:11 ပူးပေါင်းရင်းမြစ်များ

SAM 106:40

Hunai deaungkho y Areng ly mymy i khumichi ai kado theu hai; nichi ai paso nai ne.

ISAIA 1:3

Si hawi painochi ly yhmkeung ai pany; keaungngo kano kasauchi py yhmkeung i keaungngo hai, mychi i yhmkeung my teicha patlai nai meingtymchi pany. Na i py kai i khumi Israela chengchi ly huna tanrei pany u y. Nichi ly pany thai u y na ly” napi.

ISAIA 18:5

Kreip athaichi pakym y rai khala y, pauchi vui i athaichi myn nai neng khala y, haisau hawi kreip changpichi ai jadeu naimy ateng pawn nai kamta, Ethiopia chengchi ai paleung ka-e my tamyh pawn ai.

ISAIA 43:1

Israela chengchi awi, nangchi ai sa nai keung Areng my, “Jei u moh, nangchi ai kaimy atleu ai. Kaimy nangchi ai amyn pathi iy kang palau bo; nangchi ai kaimy peang.

ISAIA 43:7

Nichi ly kaimy peang nai khumichi, kai i nang parai nai amthang hai ai nai, kaimy sa nai khumichi ne,” napi.

ISAIA 44:2

Kai ly nangchi ai sa nai keung Areng ne. Nangchi tapen khyp khala i dengdairei, nangchi ai kang sabawm bo. Jei u moh, nangchi ly kai i miseaung, kai my kang tamen iy, vawi takhra nai khumichi ne.

ISAIA 44:24

“Kai ly nangchi ai sa nai keung hawi atleu pi nai keung Areng ne. Kai ly ati cheaungkhangchi ai sa nai keung Areng ne. Kani khusang ai kaimy leaungrei khiu khyh nai ne. Khaileaung ai kaimy sa nai khala y, ami py kai ai sabawm u y leang.

ISAIA 5:13

Hunai deaungkho y nangchi ly patiu iy langheng hawi nai avum u ai. Nangchi i lu sa naichi ly kajeu kanglam y dei u ai. Khumi bawibawichi ly tui kanghai y dei u ai.

ISAIA 9:17

Hunai deaungkho y Areng ly mani thawndeang deaungdi ai py, law tleaung naira pei ai ny y. Lumai cheaungtichi hawi nuro nukaichochi ai py, pahen pi ai ny y. Ati mana nai mo nabaly khumi bawibawichi ly tameuh by y iy kamngo sa u nai bo y, chai y nai leuchi naini katheu u nai deaungkho y ne. Hunai deaungkho y Areng ly kado katheu rym y naimy, kamngo pajeng ai nai kiu pheu jojo nai ne.

JEREMIA 11:16

Vaichi khala Areng ly huni khumichi ai, ngamchi angvairu iy athai kahawichi athai pasu nai olive keung, nanai amyn pathi nai ne. Na i py vai, kai ly kani pajyh nai katyn hawi huni keung i ngamchi mai leng iy changpichi khei pawn ai.

JEREMIA 13:14

Naibaly kai ly chy-ychi tengtawi adeng hai iy kawi nai kamta, nichi ai katheang kalen takhawi y naimy kataphra ai. Mani pahen naira, tamen naira hawi neaung hawi naira my ly nichi ai padei ai nai molam y kai ai paka pajau ai ny y,” napi.

JEREMIA 16:5

Areng my, “Nang ly vo tangam nai yhm y kun moh. Ami i vui py paleung si hai moh, pahen moh. Vai ly nichi ai tlamsa naira kapei ai ny y. Tamen nai pahen nai py patei ai ny y.

JEREMIA 4:22

Areng my, “Kai i khumichi ly akhum parai; nichi ly kai ai pany u y. Nichi ly hawi y nai deaungdichi hawi atawm; nichi teng y pany thai naira by y. Nichi ly hawi y sa naira y kyh chawn u teu i py, kahawi sa ai nai ly kawp u y,” napi.

JEREMIA 8:7

Kani mang y akheang nai obeaung asang malawn py, vawi teang nai neng pany. Amprym buhu, phengphi hawi obeaung-a puichi py, mychi i teicha tlai nai meingtym, ang pyn nai neng pany. Na i py kai i khumi nangchi ly nangmychi i Areng my khai pi yb nai reita pany u y.

Ezekiela 19:12

Na i py huni kreip keung ly kado theu nai khumichi my tangjyn akheaung na pa-rei akyn vui i, khaileaung y atlym vui bo. Nisi ali deaungkho y kreip athaichi jei pawn bo. Kreip changpichi py dei i, mai y kang nai avum bo.

Ezekiela 20:47

Tokalawi ngan mang i dengkeaung thengreung teng y sa thai naira angym nai Areng my leu pei nai ly khen angdeang cham! Kai ly mai paeng bo. Huni mai ly nang i dengkeaung kadei ngierei hawi, dengkeaung kangheng ngiereichi ai kang hai ai. Huni mai kangveaung ai mani my py pathym pajau ai ny y. Huni mai ly tokalawi mang i dengdai tosyh mang y khrairei, khaileaung verei kang hai ai.

Ezekiela 9:10

Na i py kai ly nichi ai kapahen ai ny y, kangheng patleaung ai ny y. Huni khumichi my khumi takhra ai sa nai kamta nichi ai kaimy kasa ai,” napi.

HOSEA 4:14

Na i py kai ly nichi ai kapajeng y ai. Ati mana nai mo na baly nangmychi naimy tameuh takhra ai chiu nai meingtym i bimanuchi hawi amkawm iy, tameuh takhra teng y vanrei, apathyp u nai deaungkho y ne. ‘Tau cheng naira by y nai khumi ly phra ai’ nanai thui achih nai kamta ne.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

MATTHAI 13:15

Ati mana nai mo nabaly hini chengchi i paleung ly kyh chawn veng bo, Nichi i kano py pang panang veng i, Nichi i mei py pasym teang. Ti y baly nichi i mei my niu lawh iy, Nichi i kano my thai lawh ai i, Nichi i paleung my pany thai lawh ai, Naibaly nichi ly hi ali teang lawh iy Nichi ai hawi kaso pi vui lawh na,’ napi.

MATTHAI 13:19

Ami py kani pri i leu ly thai iy dawn nai pany y pui baly, kamngo sa reng nai keung ly jeu iy, mymy i paleung y hei nai angchih ly lawm pi ry veng, huni ly lam teng y hei nai ne.

MATTHAI 3:10

Vai py dengkeaung pakeung tleirei y atiu khai yb bo; hunaibaly dengkeaung tleirei athai kahawi athai y nai ngierei ly paliu iy mai y aphi nai ne.

JOHAN 15:6

Ami py kaimy teng y awm jo y baly changpi aphi nai kamta aphi iy jei ai; naibaly phawm iy mai y aphi ai i kang ai.

ROM AVANGCHI TENG Y PAWLA I CHA PA NAI 1:28

Naibaly nichi ly Tameuh ai pany ai ngai u y nai deaungkho y, atiti apu y naichi sa ai nai ly mymy ai ngai y nai paleung awm ai nai au lawh iy, Tameuh my hi pi vui bo;

ROM AVANGCHI TENG Y PAWLA I CHA PA NAI 1:31

pany thai naira by y naichi, leu adeu nai taphra nai keungchi, tapen ahawi nai tamen naira by y naichi, pahen nai paleung by y naichi ne;

Leu Thui Nai 4:6

Nangchi ly huni leu pei naichi ai takhawi y pa-rei tangai u baly, cheng takhrachi i mo y nangchi i cheng nai sai amteng ai. Nichi ly huni reita leu pei nai bawibawichi thai nai khala y, ‘Hini khumichi ly cheng naira kawi angym nai khumi cheng kalen ne lawh ly! nanai palo u ai.

I THESALONIKA 2:16

Cheng Takhrachi ly hengra nga u thai ai nai nichi teng y leu thui ai nai ang paka lawh veng; huni ly mymychi i kamngo ne naira kawi hai jojo ai nai chy bo; na i py kado theu naira ly angym pa-rei mymychi i tlang tleaung y tym bo.

JAKOB 2:13

Ami i tlang tleaung y pahen naira by y nai khumi ai ly, pahen naira abawi y nai tara chih pi ai:pahen naira my tara chih naira ai pajau ai.