ISAIA 27:10 - Khumi Common Language Bible

¹⁰ Khaw parai pa-rei apai tapang nai mary ly phra seaungkhrang nai ne. Huni mary ly khumi angso by y nai daichi ka-vym kamta, savai tlang na veng bo. Huni ly si, painochi teicha cha iy anawn nai sui tlai naira meingtym lawm bo.

ISAIA 27:10 ပူးပေါင်းရင်းမြစ်များ

ISAIA 17:2

Suria mary ly khumi angso savai tlang jojo nai mary lawm ai. Huni marychi ly beramchi hawi si, painochi i vui sui tlai naira lawm ai. Huni tawnbawichi ai paryh pawn ai nai khumi awm ai ny y.

ISAIA 17:9

Huni kani tym nai khala, khaw parai nai lengseaung apai tapang nai marychi ly Hivit hawi Amori chengchi ly Israela chengchi teng i preang u nai khala y khai su nai marychi kamta, khumi angso savai tlang nai lawm iy phra seaungkhrang ai.

ISAIA 24:10

Mary theung y ati cheaungkhang ahei seaungkhrang na bo. Khumichi kun thai y ai nai yhm tleireichi py, katheu akho typ veng bo.

ISAIA 25:2

Nang ly marychi ai phra seaungkhrang hai iy, mary apai katheuchi ai py taphra pawn bo. Kaichi i paleung ka-echi my sa pi nai samrang yhmchi ly deungtasarei tama veng nai ne.

ISAIA 32:19

(Dengkeaung thengreungchi salo y jichi tla ai; mary py phra ai.)

ISAIA 35:1

Daichi ka-vym ly amo theu ai; khaileaung khutachira y kaseaung pau ai.

ISAIA 49:21

Naibaly nang ly amymy ai, ‘Kai ly hini cho chanauchi ai ami hawi nga nai mo? Kai i cho chanauchi ly dei pawn nai iy, kai ly cho chanau by y leang bo. Kai ly kamlora y pri pala nai avum i, hini cho chanauchi ai ami my, tleaungri pacheang pi mo? Kai ly kaimy leaungrei naini kaawm khyh bo. Hini cho chanauchi ly ma mang i nai tym u nai mo?,” nanai ang deng ai.

ISAIA 64:10

Nang i chai parai nai marychi ly khutaha daichi ka-vymchi lawm iy Jerusalem mary py, phra seaungkhrang naimy khumi angso by y naira lawm bo.

ISAIA 7:21

“Huni neng tym nai khala, li sa nai khumi leaungrei teng y sicho nu harei hawi mi-i nyhrei nai awm khyh teu i py,

ISAIA 7:25

Vaichi khala y thengthai keungchi ui mang nai mawi aheung ngiereichi py, aleng reaung cheaungkhang beng mang nai deaungkho y, huni meingtymchira y ami py chei u ai ny y. Sichi, beramchi i vui sui tlaira naini lawm ai,” napi.

JEREMIA 26:18

“Juda samrang Hezekia deung y Morise avang i amo Mikha ly khumi bawibawichi teng y ati cheaungkhang sa thai nai keung Areng my, ‘Zion mawi ly li khaileaung kamta, thawn piu nai avum ai; Jerusalem mary ly lengseaung ka-nawi pakheng achu nai lawm iy, Achura yhm mawi py thengreung lawm ai,’ nanai ang thui pi bo.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

JEREMIA 52:27

samrang ly Hamath khu ka-peang Riblah mary y, nichi ai khyh pakhau iy padei hai bo. Hunai deaungkho y Juda khumichi ai ly langheng y palawn iy mymychi pri i nai hawi vui nai ne.

TANGAM NAI LEU 1:4

Khai takhra nai pawi neng kani khala, chiu sa ai nai Achura yhm y chei nai khumi py by y. Achura yhm y khulym thui nai anglochi py, paleung si paleung mawn naimy awm u bo. Naibaly pathyp pi nai keungchi py, vo tangam nai ny y baly ati sai py so u thai y. Mary katheuchi ly khumi savai angau na bo. Zion mary ly patang naira avum bo.

TANGAM NAI LEU 5:18

Zion mawi ly khumi angso by y nai deaungkho y, khivachi ly mary kaphrara y aki aleaung nai ne.

Ezekiela 36:4

Hunai deaungkho y Israela mawichi awi, sa thai naira angym nai kai, Areng i leu pei nai tangai u. Tengpang sahawi i prichi my tiu nai, panui hai naichi avum iy khumi angso savai tlang nai marychi, phra seaungkhrang nai meingtymchi, mawichi, tavo micheaungchi hawi leaunghawichi teng y, sa thai naira angym nai kai, Areng my hina nai leu pei nai ne.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.