ISAIA 26:19 - Khumi Common Language Bible

¹⁹ Kaichi khumichi theung i dei chum naichi ly heng u ali teang ai! Nichi i ngan tlangchi ly heng teang ai. Tapreaung angawm y aseaung nai khumi kadeichi ly amo theu naimy khulym thui u ai. Reaung amchang nai kadamchi ly khaileaung y apu hai ali teang nai kamta, neng kra parai nai khala i dei chum nai khumichi ai, Areng ly heng hai ali teang ai.

ISAIA 26:19 ပူးပေါင်းရင်းမြစ်များ

JOBA 14:8

Khaileaung theung y tangjynchi ly tangym iy, miukhiu dei teu i py,

JOBA 29:19

Kai ly tangjynchi tui avawrei nga iy, changpichi py kadam tui sui nanai pa-rei nga nai dengkeaung keung hawi atawm.

SAM 110:3

Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

SAM 22:15

Kai i tao ly spryh kamta phuirawm i, kai i palai py dangkang y akau vui bo. Nang ly kai ai dei hai ai nai spryhra y khai su bo.

SAM 22:29

Paleung len nai khumi bawibawichi ly nang teng y lu meung u ai. Dei nai amjy khumi bawibawichi ly nang i mo y lu meung u ai.

SAM 71:20

Nang ly kai ai khri pa-rei patang nairachi avum hai teu i py, nang ly kai ai atho awm hai teang iy, deira i nai atleu pi bo.

SAM 88:11

Nang i khaw parai nai tamen nai satang ai tapreaung angawm theu y py, nang i ka-ym awm nai satang ai tama nai meingtymra y thui nai awm a?

ISAIA 18:4

Baw eng nai katyn kano patheung u! Areng my kai teng y, “Amti amjang tyn nai neng i bi pahui nai dym y, kadamchi tla rypsy nai kamta py, khri pa-rei bi nai neng kani khala kanito ly chai pan naimy angvang phang nai kamta py, kai ly kani pri mang dengdairei chymme naimy khen kathiu ai.

ISAIA 25:8

Areng ly dei naira ai deungtasarei taphra vui ai. Khumi cheng cheaungkhangchi i mei katuichi tamui pi iy, khaileaung pri verei y mymy i khumichi avum nai kangji kangaichi ai py, tama hai vui ai. Hini ly Areng mymy kypkyp my thui nai leu ne!

ISAIA 51:17

Aw Jerusalem mary, anglaw jau! Amymy ai apalaw ly ang thau jau! Areng my kado theu nai deaungkho y, nang ai pei nai khaura i pajeng nai kreip hang nang ly nei bo. Huni ai nei nai deaungkho y pavui tapai nai ne.

DANIELA 12:2

Dei chum nai khumi neangneangchi ly heng u ali teang ai. Nichi theung i phyrei khumichi ly deungtasarei hengra nga u ai. Phyreichi ly deungtasarei tahm anem naira avum u ai.

HOSEA 13:14

Kai ly hini khumichi ai tavau pri i nai py, dei areng i sa thai naira i nai py, atleu ai ny y. Aw dei areng, nang teng i no kanghawi tym hai ba. Aw tavau pri, nang teng i phra naira tym hai ba. Kai ly hini khumichi ai pahen y, tamen y leang bo.

HOSEA 14:5

Kani tui ly jengha nai khaileaung y suino hai nai kamta, kai ly Israela khumichi ai tlamsa hai ai. Nichi ly kaseaung kamta pau amthym u ai. Lebanon mawi i dengkeaung keung kamta, tangjyn aviu ai.

HOSEA 6:2

Achi ai kani nyh, kani thomrei sala y atho awm iy ham hai teang ai i, mymy i mei keung y awm hai ai.

ZEKHARIAH 8:12

Nichi ly mychi i amti amjangchi tlamsa naimy pati u ai. Nichi i kreip keungchi ly athaichi pasu ai. Khaileaung ly amti amjangchi thawn hai iy, kani my py khri pa-rei nai hai ai. Awm rai nai kai i khumichi teng y, hini amtheaung nairachi kapei pi ai.

MATTHAI 27:52

angawmchi py am-eaung iy, i ngym chum nai khumi kachaichi i tlang neangneangchi ai py pathau bo;

MATTHAI 27:58

huni khumi ly Pilata teng y chei i, Isu i veu hnei. Naibaly Pilata my ly au ai nai leu pei.

AMTAW 24:15

naibaly khumi kahawichi py, hawi y naichi py angthau bi ai, nanai Tameuh teng y athang khai nai, hinichi py huni ly ym teang makho;

I KORINTH 15:20

Na i py Krista ai ly kadeichi theung i dengdairei pathau nai awm khyp nai bo i, i ngym naichi theung i angthau man nai keung lawn bo.

EPHESI 5:14

Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.

Leu Thui Nai 32:2

Kai i patiu pi naichi ly kani amai kamta tla iy, khaileaung salo y kadam amai kamta angdeang ai. Kai i leu ly keung dichychi tleaung y kani nai hai nai kamta py, acha tleaung y kani nai hai sym nai kamta py lawm ai.

Leu Thui Nai 33:13

Josepha theaung ai patyp iy thui nai ly: “Areng ly nichi i khu ka-peang theung y kanikhu hawi hai ai nai py, khaileaung theung mang tui theu hai ai nai py sabawm pi na sy.

Leu Thui Nai 33:28

Hunai deaungkho y Jakob i kangpreangchi ly kani mang dengdairei kadam tla hai nai pri, choh hawi kreip hang nang nai pri y tlamsa naimy awmnem u bo.

PHILIPI 3:10

mymy i dei nai ka-tawm dei iy, mymy ai hawi mymy i angthau bi naira i atiti sa thai naira hawi, mymy i patang nairachi amtawm hai nai py kapany thai ai nai hawi,

PHILIPI 3:21

Mymy ly mymy i sa nai kamta sa iy, ati cheaungkhang ai py mymy ngaingai anui y khai pajau, achi i tahm anem nai thym kha i tlang ai ly mymy i nang parai nai tlang kamta awm ai nai sa palai bi ai.

1 SAMUELA 2:6

Areng ly dei nai hawi heng nai py, mymy i khumichi ai tavau pri y tha nai hawi palau teang nai py sa nai ne.