ISAIA 26:17 - Khumi Common Language Bible

¹⁷ Aw Areng, nang ly kaichi ai deaungdi tapen nai neampachy kamta, no patang naimy aeu hai bo.

ISAIA 26:17 ပူးပေါင်းရင်းမြစ်များ

ATITI AWM ANGCHEI NAI 3:16

Naibaly Tameuh my neampachy teng y, “Deaungdi aniu nai khala patang ai nai, deaungdi tapen nai khala y py khri pa-rei patang hai ai. Nang ly juvo i kangai awm iy, juvo i anui y leu tangai naimy awm jojo ai nai tla,” napi.

SAM 48:6

Nichi ly deaungdi tapen ai nai neng kasa nai neampachy kamta py, khri pa-rei aho nai ali kamchai avum nai deaungkho y,

ISAIA 13:8

Nichi bawibawi malawn py jei hyn naimy deaungdi tapen nai neampachy kamta, khri pa-rei patang naira avum u ai. Nichi ly leaung leaungrei ka-jei paleung hawimy akhen u leungtang ai. Nichi i meimai py kangji thi amteng naimy awm u ai.

ISAIA 21:3

Paleung mei y niu nai, thai naichi deaungkho y kai ly deaungdi tapen nai neampachy kamta athengra iy, patang naira avum nai ne.

ISAIA 37:3

Samrang my, Isaia teng y leu pei nai ly “Vaini ly patang nai kani ne; kaichi ly pajeng naira avum iy kangji kanga u bo. Kaichi ly neng tym i py atho by y nai deaungkho y, deaungdi tapen thai y nai neampachy hawi atawm.

JEREMIA 30:6

Adeng ahui iy adawn pasym u! Neampacho ly deaungdi tapen thai a? Huna lawh teu baly, neampacho nai iy deaungdi tapen nai kamtang avum nai neampachy kamta, ati mana nai y mychi i kajeu y kiu hawi panem nai kaniu lawh mo? Khumi luteng ly ati mana nai y, meimai kadaupa lawh mo?

JEREMIA 4:31

Deaungdi tapen ai achai nai neampachy i raawi, chanau chalu tapen nai neampachy i hang nai raawi ka-tawm katyn thai nai ne. Huni raawi ly akawm iy ahyn thlyhthlyh nai Jerusalem mary i katyn ne. Ni my, “Kai ly taham si! Nichi ly kai ai tleh ai nai jeu u dudu bo!

JEREMIA 6:24

Jerusalem mary i khumichi my, “Hini satang kaichi thai nai khala y, kaichi i kiubanchi ly tla thlawi veng bo. Kaichi ly deaungdi tapen ai nai achai nai neampachy kamta, khri pa-rei no patang u bo.

JOHAN 16:21

Mymy i neng tym nai deaungkho y neampachy ly chanau tapen nai no iy paleung mawn; na i py deaungdi tapen bo nabaly khaileaung pri y khumi tapen iy kawn nai deaungkho y ni i phailo seaung nai ly dawn ali y leang bo.

I THESALONIKA 5:3

Khumichi ly, “Awm nem naira hawi chymme naira awm bo,” na naichi i thui nai thym khyp khala y ly, neampachy i chanau tapen ai nai no nai kamta ly tlenrei khyh my tama ai naira ly nichi i tlang tleaung y tym ai i, tleaung ai naira pipi ngo y ai.

AMTENG HAI NAI 12:2

naibaly ni my deaungdi anui i, tapen ai nai achai iy aeng nai tarawi y hang kalanga.