ISAIA 25:9 - Khumi Common Language Bible

⁹ Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 25:9 ပူးပေါင်းရင်းမြစ်များ

ATITI AWM ANGCHEI NAI 49:18

“Aw Areng, kai ly nang i atleu naira ajeng jo nai ne.

SAM 100:1

Aw khaileaung pri i khumi bawibawichi awi, khulym thui naimy Areng i nang parai nai ai palo u!

SAM 20:5

Hunaibaly kaichi ly nang i eaung pawi molam y, amo theu parai naimy aeu u ai. Areng ai palo naimy nang i eaung pawira y abawi u ai. Tameuh my nang i hnei takeng nai ngierei pei pi sy.

SAM 21:1

Aw Areng, nang ly samrang teng y atho haiho pei nai deaungkho y ni ly amo theu; nang ly tavai eaung hai nai deaungkho y, ni ly khri pa-rei amo theu bo.

SAM 27:14

Areng ai ly ym ba. Paleung phra moh; ym naira awm. Areng ai ly ym.

SAM 33:20

Achi ly Areng ai ajeng u bo. Mymy ly achi ai sabawm iy, ang kry nai ne.

SAM 33:21

Achi ly mymy deaungkho y amo theu u nai ne. Achi ly mymy i amyn kachai ai ym u bo.

SAM 40:17

Aw Areng, kai ly atho di iy, jeaungmang nai khumi ne i py, nang ly kai ai pany pi jo nai ne. Nang ly kai i atleu keung, kai i Tameuh ne; kai ai sabawm ai nai jeu kaliki ba!

SAM 9:14

Huna nai khala naini kai ly Jerusalem mary khumichi i mo y angdo iy, nang i nang parai nai sai bawibawi amteng hai pajau ai. Nang i atleu pi nai sai molam y kai ly amo theu ai.

SAM 95:1

Jeu u, Areng ai palo u sina! Achi i abyh naira Tameuh i nang parai nai ai amo theu parai naimy khulym thui u sina!

ISAIA 33:2

Aw Areng, kaichi ai pahen kyh ba. Kaichi ly nang ai kadeaung nai ne. Kani tleirei kaichi ai ama hai iy, patang naira tym nai neng khala atleu kyh ba.

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

ISAIA 35:1

Daichi ka-vym ly amo theu ai; khaileaung khutachira y kaseaung pau ai.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 35:2

Daichi ka-vym ly amo theu nai deaungkho y khulym thui nai aeu u ai. Lebanon mawi kamta apu parai naimy, Karamela hawi Sharon mawi aheung li khaileaungchi kamta, amti amjang thawn ai. Khumi bawibawichi ly Areng i nang parai nai ai py, mymy i sa thai naira phum-ang py niu u ai.

ISAIA 35:4

Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

ISAIA 37:20

Aw, kaichi i Areng Tameuh, vaimy kaichi ai Asuria chengchi kiu i nai atleu pi kyh ba. Hunaibaly nangmy leaungrei naini Tameuh ne, nanai khaileaung pri y awm nai khumi cheng bawibawichi my pany u ai,” nanai takeng bo.

ISAIA 40:9

Aw Jerusalem mary, mawi ka-sang y lyn iy, satang kahawi amthang hai ba! Aw Zion mawi, raawi pajeng parai naimy satang kahawi amthang hai ba! Jei moh, paleung theung y khai y naimy katheu keng ba. Juda marychi teng y nichi i Tameuh jeu ai,” nanai thui pi!

ISAIA 41:16

Hunichi ai nangchi ly pachaw ai i, ali my hm nai pakheang iy. kamchaichi my ahei seaungkhrang hai ai. Naibaly kai ly nangchi i Tameuh ne nai deaungkho y, nangchi ly amo theu u ai. Nangchi py Israela chengchi i chai parai nai Tameuh, napi nai kai ai palo u ai.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

ISAIA 51:3

“Kai ly Jerusalem mary hawi huni mary i phra seaungkhrang nai yhm hlaura y awm nai khumichi ai kapahen ai. Jerusalem mary ly daichi ka-vym lawm teu i py, kai ly huni ai Eden akho kamta, Areng i akho lawm hai ai. Huni meingtym y awm nai khumichi ly amo theu naimy, palo nai khulym thui nai tarawi y, kai ai kawn nai leu thui u ai.

ISAIA 52:10

Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

ISAIA 60:16

Amhm ly chanau ai kanu panei nai kamta, khumi cheng cheaungkhangchi i samrangchi ly nang ai ang kry u ai. Kai, Areng ly nang ai atleu bo, nanai py, Israela chengchi i ati cheaungkhang sa thai nai Tameuh ly nang ai miseaungra i nai alaw hai bo, nanai py, nang ly pany ai.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

ISAIA 64:4

Nangmy ai kadeaung u nai khumichi i vui y, hina nai kalopchi ai nang kamta sa pi nai Tameuh ai ly ami py niu vai y. Huni Tameuh satang thai py thai vai y.

ISAIA 65:18

Kai i sa nai kalopra y amo theu u jojo ba. Kai i sa nai Jerusalem mary kangtha ly khri pa-rei amo theu iy, huni mary i khumichi py amo theu u ai.

ISAIA 8:17

Areng ly mymy i khumichi teng y meimai patei pi y; na i py kai ly mymy ai ym iy athang khai ai.

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

HABAKKUK 3:18

Aw Areng Tameuh, nang ly kai i atleu keung ne nai deaungkho y, kai ly amo theu naimy awm ai.

ZEKHARIAH 10:7

Israela khumichi ly tavaimi risachi kamta, atho awm naimy kreip hang nei nai khumichi kamta amo theu u ai. Nichi i katu chanauchi ly hini eaung naira pany u jo iy, Areng i sa pi nai saho y amo theu u ai.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

LUKA 2:25

Naibaly khen cham, Jerusalem y ly amyn Simeon khumi leaungrei awm: huni khumi ly khumi kahawi hawi, Tameuh ai dawn parai nai khumi ne: Israelachi ai awm hai nem nai keung ai ly ajeng: mymy teng y Phailo Kachai awm.

PHILIPI 3:1

Kangkhym i naira y ly amjo amnauchi awi, Areng y kawn u. Nangchi teng y huni atiti tajiu anawi bi nai ly kai i vui palei ai awm nai ny y leang, nangchi i vui chawn lawh veng.

PHILIPI 3:3

Achi, Tameuh i Phailo i saho y Tameuh ai chiu nai hawi Krista Isu ai amlyh nai, achi i tlang y ym naira den py by y naichi ly lengkhym takip naichi tatang ne lawh veng.

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

I PETERA 1:6

Nangchi ly huni naira y khri pa-rei amo theu nai ne; ne mang ly mai y cham reng nai phra thai nai muku tleaung y teng keh nai nangchi i ym naira ai cham nai ly,

I PETERA 1:8

Nangchi ly mymy ai niu vai y iy py tamen u bo; nangchi ly mymy ai niu vai y iy py ym u iy kawn naira thui pajau y nai hawi nang parai naimy khri pa-rei amo theu u reng;

II PETERA 3:12

Huni neng deaungkho y kani ai ly kang iy tama ai i, atiti pakeungchi py khri pa-rei angngo nai mai y ang kang bebe ai bo.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.

AMTENG HAI NAI 22:20

Hini leu thui pi nai keung ly, “Ne, kai kang jeu praw ai,” napi. Amen. p Areng Isu awi, jeu jau ba.