ISAIA 25:6 - Khumi Common Language Bible

⁶ Ati cheaungkhang sa thai nai keung Areng ly Zion mawi salo y, khaileaung pri y awm nai khumi cheng cheaungkhangchi i vui, hawi keh nai teicha teineichi hawi, hawi keh nai kreip hangchi hawi, dym biu cha pawi pui sa pi ai.

ISAIA 25:6 ပူးပေါင်းရင်းမြစ်များ

SAM 36:8

Kaichi ly nangmy lem phraiphreaung nai pa-rei pala pi nai teicha teinei cha ai nai kanga u bo. Nang ly kaichi ai nang i hawi naira, napi nai tavora i tui nei ai nai pei ba.

SAM 63:5

Kai i phailo ly tuinem nai teicha cha ai ngai nai khumi kamta, paleung tienem naimy kaawm ai. Nang ai amo theu parai naimy palo nai khulym thui ai.

SAM 78:68

Nichi ai vawi takhra ai nai tleaung y ly Juda cheng theaungchi hawi, mymy khri pa-rei tamen nai Zion mawi ai vawi takhra nai ne.

Solomon i khulym 1:2

Kai ly nangmy pachawm nai avawrei avum nai ne; nang i khrei nai ly kreip hang tleaung y py hawi keh.

Solomon i khulym 1:4

Kai ai nang hawi vanrei hawi jo kyh ba, ani tako hawi kaliki sina; kai i samrang lawm ba, kai ai nang i yhm takun theung mang y pahawi ba. Ani ly amo theu naimy awm ahawi ai; kreip hang nei iy akhrei ahawi sina. Neampachy luteng my nang ai khrei nai ly lyh ai nai by y leang!

Solomon i khulym 5:1

Kai i aju angam nai khrei nai awi, kai ly kaimy i akho theung y kun bo. Kai ly rimui hawi mura pakym achu bo; kai ly khawi hang hawi khawi byn cha iy kreip hang hawi kanu kanei nai ne. Khrei naichi awi, cho u, nei u; khrei nai hawimy pavui na pa-rei nei u.

ISAIA 1:19

Nangchi ly kai i leu tangai lawh teu i khyly, khaileaung i theu nai amti amjang kahawichi cha ai nai nga u ai.

ISAIA 25:10

Areng ly Zion mawi ai ama hai ai. Na i py Moba pri khumichi ly sieichi hawi angtlen nai chohphi kamta, ati piupa nai avum ai.

ISAIA 56:7

“Kai ly kaimy i chai parai nai mawi mang y, nangchi ai pahawi ai. Kai ai chiu nai yhm y nangchi ly amo theu naira nga u ai. Kai i maichamra y nangchi i talam nai leng patlum nai kapathyprachi kakawn pi ai. Kai i Achura yhm ai khumi cheng cheaungkhangchi my chiu sa nai yhm, nanai palau u ai,” napi.

JEREMIA 48:11

Areng my, “Moba pri i khumichi ly chymme naimy awm jo reng nai deaungkho y, pri pala naira avum u vai y nai ne. Moba pri ly laawm harei i nai laawm harei mang y patlai y; tahawi py tahawi y iy angdeang jo nai kreip hang hawi atawm; mui hawi kalum kathau phra y naimy, hawi veangveang nai ne.

DANIELA 7:14

Naibaly cheng leu cheaungkhang katheu nai khumi ngiereichi ly ni i kalop sa hai ai nai mymy ly ni teng y, peang ai naira hawi sa thai naira py, samrang i sa thai naira py, pei pi nai ne. Ni i sa thai naira haiho ly deungtasarei khaw jo ai i, ni i pri ly mana khala py phra ai ny y.

ZEKHARIAH 8:3

Kai ly kaimy i chai parai nai Jerusalem mary y kavawi teang ai. Huni mary y kaawm ai. Huni mary ly ka-ym awm nai mary nanai py, ati cheaungkhang sa thai nai Areng i mawi ly mawi kachai nanai py, amyn pathi ai.

MATTHAI 26:29

Na i py kang thui pi, Ngaai i peang naira y nangmychi hawi kangtha kanei ai nai kani tym y ryrei ly, vai i dengdairei kreip angjyn athai hang ly kanei ali y leang bo,” napi.

MATTHAI 8:11

Naibaly kai ly kang thui pi nidym nisi mang i dengdairei khumi neangneang ang jeu ai i, kani pri y Abraham hawi Isaka hawi Jakob hawi vanrei ateh u ai:

MARKA 16:15

Naibaly mymy ly nichi teng y, “Khaileaung pri verei y chei u ly, Tameuh i sa naichi bawibawi teng y Satang Kahawi thui u.

LUKA 22:30

Ngaai my kai ai peang naira ang sa pi rym nai kamta, peang naira kang sa pi rym mang:hunaibaly Israela cheng holai nyhreichi ai tara chih pi nai areng atehra y nangchi ateh ai.

LUKA 5:39

Naibaly ami py kreip athai hang kam-i nei nai bo y kangtha ly ngai vai y leang: ‘Kam-i nai hawi keh,’ napi veng,” napi.

HEBRAI 12:22

Na i py nangchi ly Zion mawi teng y hawi, Tameuuh kangheng i avang kani mang i Jerusalem teng y hawi, tep rep ma pany y nai kani pri i amtaw thau nai kamkawmchi teng y hawi,

AMTENG HAI NAI 19:9

Naibaly mymy ly, “Beram Cho i apom nai pawi y heang naichi ly taham hawi, nanai tajiu,” ang napi. Naibaly mymy ly kai teng y, “Hunichi ly Tameuh i leu kateng ne,” napi.