ISAIA 25:4 - Khumi Common Language Bible

⁴ Khumi kamawnchi hawi jeaungmang nai khumichi ly nangmy teng y abyh u nai deaungkho y, patang naira tym nai neng khala y chymme naira nga u nai ne. Nang ly nichi ai alipui khupuira i nai ama hai nai py, khri pa-rei kabi ango naira i abyh ai nai ka-khui ka-ji py pei bo. Pahyp y naimy ana nai khumichi i tiu naira y kaseih ali kaho hawi py,

ISAIA 25:4 ပူးပေါင်းရင်းမြစ်များ

SAM 107:41

Na i py mymy ly khumi kamawnchi ai ngari kamtangra i nai atleu iy, nichi i yhm dengtheungchi ai, beram kanghuchi kamta peung hai ai.

SAM 119:31

Aw Areng, kai ly nang i leu pei naichi tangai bo mang; kai ai kangji ngo hai mo kyh ba.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 121:5

Areng ly nang ai ang kry ai; mymy ly nang i sahawi y awm nai nang ai ama hai nai ka-khui ne.

SAM 35:10

“Nang hawi ami atawm mo? Ami nai ly nang kamta, atho di nai khumi ai atho awm nai khumi my patang hai naira i nai py, ngari kamtang avum nai khumi ai ana nai khumi teng i nai py, ami my ama hai mo,” nanai Areng teng y kaimy i avum nai ka-dawn hawimy amti pi ai.

SAM 55:8

Kai ly chei kaliki iy, ali kamchai hawi ali pui khu puichira i nai abyhra kahau ai.

SAM 72:13

Patang palai nai khumichi ai tamen iy, nichi i tlang ai atleu bo.

SAM 72:4

Samrang ly khumi kamawnchi ai adyh adawi naimy tara chih pi sy; khumi kamawnchi ai sabawm pi sy; ana pumpi nai khumichi ai pasum pi sy.

SAM 9:10

Aw Areng, nang ai pany nai khumichi ly nang ai ym u ai; nang ly nangmy teng y ahihawi nai ngiereichi ai khai su y leang.

SAM 91:1

Areng teng y abyh ai nai ahihawi nai khumi py, ati cheaungkhang sa thai nai keung i ama hai nai anui y awm nai khumi py,

ISAIA 11:4

Khumi kamawnchi ai leu meitang naimy tara chih pi iy, tahm anem naichi i nga ai avo naichi ama hai ai. Ni i pei nai leu haiho hawimy, khumi mipuichi ly pajeng naira avum u ai. Khumi hawi y naichi py dei u ai

ISAIA 14:32

Philistin pri i dengdairei ang jeu nai savaichi teng y, achi ati mana pathang ai mo? Areng ly Zion mary ai palum bo i, huni maryra y patang naira avum nai mymy i khumichi ly chymme naira nga u ai, nanai satang nichi teng y thui pi u sina.

ISAIA 16:3

Nichi my Juda mipuichi teng y, “Kaichi ai tau pei u kyh; kaichi ly tavai kapreangchi ne. Kani thunteng nai khala, savairu nai dengkeaung keung i ka-khui kamta, nangchi ly kaichi ai amo hai pi u. Ami py hau iy niu pajau y ai nai kaichi ai heu pi veng ba.

ISAIA 17:10

Aw Israela pri, nang ly nang ai atleu iy lengseaung pui kamta ama hai nai Tameuh ai tami veng lawh bo. Nang ly cheng takhra khumichi i tameuh ai chiu ai nai apu parai nai keungchi ui nai ne.

ISAIA 27:5

Na i py kai i khumichi i paleung ka-echi ly kai i ama hai nai ngai lawh teu baly, kai hawi aly naira nga ai nai sa u ai nai tla. Nichi ly kai hawi aly naira nga ai nai, meitang khyp sa u ai nai tla,” nanai leu pei ai.

ISAIA 28:6

Mymy ly tara chih nai keung sa nai khumichi teng y, ka-dyh ka-dawi sa thai nai paleung ka-dawn py, paleung ka-echi ai mary apai katheu pa-khochi ra i nai patheu vui nai khumichi teng y, sorai paleung py pei pi ai.

ISAIA 29:19

Khumi kamawnchi hawi tahm anem nai khumichi ly Israela chengchi i nang parai nai Areng Tameuh my pei nai, amo theu naira nga u ali teang ai.

ISAIA 29:20

Amichi ai ana iy Tameuh ai mei aniu y nai khumichi ly tama u ai. Kamngo sa nai khumi ngiereichi ly sum naira nga u ai.

ISAIA 29:5

Aw Jerusalem mary, nang ai tiu nai cheng takhra khumichi ly spryh kamta py, nichi i ka-jei hawi parai nai tavaimichi ly choh ali kamta py, vaimy ahei u pawn ai.

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

ISAIA 33:16

Huna i naini nangchi ly ka-dawn eaung iy, khaw parai nai lengseaung yhm y awm nai kamta chymme ai. Cha nei ai nai teicha teineichi py nga u ai.

ISAIA 33:2

Aw Areng, kaichi ai pahen kyh ba. Kaichi ly nang ai kadeaung nai ne. Kani tleirei kaichi ai ama hai iy, patang naira tym nai neng khala atleu kyh ba.

ISAIA 37:36

Huni vum y Areng i kani pri amtaw thau ly Asuria tavaimichi taira y chei iy tavaimi risa leaung 185,000 reichi ai padei pawn bo. Khawn khutawi sum khala ly huni khumi bawibawichi dei be nai ne.

ISAIA 49:25

Areng my, “Vai tym ai nai leaungsai ly hina nai kamta ne. Tavaimi risa my patiu iy langheng hawi naichi ai kaimy patleaung vui ai. Samrang hawi y naichi i nga nai vawnsaichi ai, kaimy pakym vui ai. Kai ly nang ai tiu nai khumichi ai tiu iy, nang i cho chanauchi ai atleu ai.

ISAIA 57:13

Nangmychi ai ang sabawm ai nai nangchi aeu u nai khala y, huni mynchi my nangchi ai atleu pi na sy! Hunichi ly ali tlenrei aho baly akheang pawn ai nai teu! Na i py kai ai ym nai khumichi ly mychi i saleaung khutengra y awm ai nai nga iy, kai i Achura yhm kachaira y kai ai chiu u ai,” napi.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

ISAIA 8:14

Kai i chai parai nai sai ly lyh ai hawi nai deaungkho y, kai ly khumichi pathuikhe iy atlym hai ai nai lengseaung hawi atawm. Juda khumichi, Israela khumichi hawi Jerusalem mary i khumichi ai patiu ai nai deaung hawi py atawm nai ne.

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

Ezekiela 38:9

Ni hawi my i tavaimi risachi py, ni hawi vanrei abang nai cheng takhra khumi neangneangchi py, huni pri y kamchai kamta tiu iy, khupanym kamta khiu u ai,” napi.

ZEPHANIAH 3:12

Paleung apanem, neaung hawi nai khumichi ai, huni meingtym y kaimy khai ai. Nichi ly kai teng y jeu iy, abyh u ai.

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?