ISAIA 25:10 - Khumi Common Language Bible

¹⁰ Areng ly Zion mawi ai ama hai ai. Na i py Moba pri khumichi ly sieichi hawi angtlen nai chohphi kamta, ati piupa nai avum ai.

ISAIA 25:10 ပူးပေါင်းရင်းမြစ်များ

SAM 83:10

tavai sum u nai deaungkho y, nichi i veuchi ly tavai atiu nai meingtym y veaung tlawn nai kamta, huni amsawi amnai asa nai kamkawm ai py, huna nai khaileaung y veaung tlawn naira vum hai ba.

ISAIA 10:31

Madmanah mary i khumichi hawi Kebim mary i khumichi ly mychi law tleaung ai nai preang u pawn bo.

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 11:10

Samrang Davida kangpreang theung i amthawn nai samrang ly khumi cheng cheaungkhangchi i vui aly len nai ka-ma-ra harei lawm nai neng tym ai. Nichi ly ni i mary pui y jeu achu iy, ni ai tahm pasang ai.

ISAIA 11:14

Huni pri nyhreichi ly amkawm iy nidym mang y awm nai Philistin chengchi ai tiu iy, nisi pri mang y awm nai khumichi i yhmtheaung katuichi lawm u ai. Nichi ly Edom chengchi hawi Moba chengchi ai pajau iy, Ammon chengchi ai py mychi i sa thai naira anui y awm hai ai.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 14:19

Na i py nang i vui ly tapreaung by y. Veaung tlawn hai ai nai nang i veu ly aphi u su bo. Huni veu ly tavai keung y dei nai tlaiveuchi hawi ataphum naimy, haisau hawi thun nai avum iy, lengseaung angawm theung y aphi su nai, chiu piupa nai avum bo.

ISAIA 16:14

Vai ly Areng my, “Saneng thomrei awm khyp nai khala, Moba pri i yhmtheaung katuichi ly tama pawn ai. Mipui neangneangchi theung i khumi maidenreichy naini, dei kamthum awm ai. Nichi py atho bai naimy awm u ai,” napi.

ISAIA 16:6

Juda mipuichi my, “Moba mipuichi ly mana tanrei paleung len na mo, nanai kaichi thai bo. Nichi ly paleung len amlyh u naimy mymychi ai tahm apasang u teu i py, nichi i amlyh naichi ly atyhtyh teu, nanai kaichi pany bo,” napi u.

ISAIA 18:4

Baw eng nai katyn kano patheung u! Areng my kai teng y, “Amti amjang tyn nai neng i bi pahui nai dym y, kadamchi tla rypsy nai kamta py, khri pa-rei bi nai neng kani khala kanito ly chai pan naimy angvang phang nai kamta py, kai ly kani pri mang dengdairei chymme naimy khen kathiu ai.

ISAIA 25:6

Ati cheaungkhang sa thai nai keung Areng ly Zion mawi salo y, khaileaung pri y awm nai khumi cheng cheaungkhangchi i vui, hawi keh nai teicha teineichi hawi, hawi keh nai kreip hangchi hawi, dym biu cha pawi pui sa pi ai.

ISAIA 26:6

Ana naira avum u nai khumichi py, vai ly huni mary ai kheu hawi chiu iy tako u ai.

ISAIA 5:25

Areng ly mymy i khumichi tlang tleaung y kado theu i, pajeng ai nai kiu pheu nai deaungkho y, mawichi ly amchyh neung na ai. Khumi kadei veuchi ly lamchi salo y anyn angso kamta awm jo ai. Huna teu i malawn py Areng i kado theu nai ly rym ai ny y. Mymy ly kamngo pajeng ai nai kiu pheu naimy awm ai.

JEREMIA 48:1

Moba pri molam y ati cheaungkhang sa thai nai keung Areng i leu pei nai ly hina nai ne: Nebo mary i khumichi ai palau u; nichi i mary ly phra veng bo! Kiriathaim mary ai ly tiu iy la vui bo i, huni mary i amtangrachi ly taphra vui nai y, mary i khumichi ly kangji nga u nai ne.

JEREMIA 48:2

Moba pri i phum-ang ly tama veng bo. Paleung ka-echi ly Hesabon mary peang vui iy, Moba pri ai tamyh vui ai nai tau u nai ne. Madmanah mary ly tyn kryh y naimy awm ai. Tavaimi risachi ly huni mary y tavai tiu u ai.

TANGAM NAI LEU 1:15

“Areng ly kai ai asa hai nai, atho ham parai nai risa bawibawichi ai panui hai. Mymy ly kai i thawndeangchi ai, tamyh pawn ai nai tavaimi kamkawm pato bo. Mymy ly kai i khumichi ai kreip hang nip ra theung i kreip athaichi kamta, teih hai pui nai ne.”

Ezekiela 25:8

Sa thai naira angym nai Areng my, “Juda chengchi ly cheng takhrachi hawi atawm, nanai Moba pri hawi Sera mary i khumichi my thui u nai deaungkho y,

Ezekiela 48:35

Mary ai tapang meuh nai mary apai makeng palyhrei i jeng kasau bawibawi ly miu meaungkateaung atlo sang tajarei awm. Huni mary ai vai i dengdairei “Areng ly hi y awm!” nanai thui u ai.

MIKHA 4:13

Areng my, “Jerusalem mary i khumichi awi, paleung ka-echi ai tiu ai nai chei u! Kai ly nangchi ai tamo taki hawi kheupaja muikenchi awm nai si katai kamta, atho awm hai ai. Nangchi ly pri neangneangchi ai ati piupa pajau nai deaungkho y, ta-li ta-pang hawimy nichi i nga nai yhmtheaung katuichi ai lawm vui iy, kani khaileaung peang nai keung kai, Areng teng y talam u,” napi.

ZEPHANIAH 2:9

Kai ly meitang khyp, Israela chengchi i, heng nai Areng Tameuh ne nai kamta, Moba pri hawi Ammon pri ly Sodom hawi Komora marychi kamta, taphra naira avum ai, nanai vaineng abeu bo. Huni prichi ly palawi tai nai meingtym lawm i, deungtasarei phra iy acha keungchi kawi biu ai. Kai i khumichi theung i dei kamthumchi ly huni khumichi ai tiu iy, nichi i pri peang vui ai.”

Kati Nai 24:17

Kai ly mo mang i satang dawn nai khala, Israela pri ai kaniu. Huni pri y samrang leaungrei ly angvang parai nai ka-si kamta amteng ai. Huni samrang ly ka-si tempo kamta Israela pri y amteng ai. Ni ly Moba chengchi i lu sa nai keungchi ai tiu iy Setha theaungchi ai pajau vui ai.