ISAIA 24:6 - Khumi Common Language Bible

⁶ Hunai deaungkho y Tameuh ly khaileaung y vaineng lawi hai bo. Khaileaung i khumi bawibawichi py, mychi i sa tamang nai kamngo vang amtym u bo. Dei kamthumchi py di tleaung dira nai ne.

ISAIA 24:6 ပူးပေါင်းရင်းမြစ်များ

2 ARENG KEH 24:12

Samrang Jehojakhin ly my i amhm, chapochi, tavai luchi, samrang yhm miteaung kehchi hawi vanrei, Babulon tavaimichi teng y tamawi aseih bo. Nebukhadnezar ly my i peang nai saneng tajarei awm nai khala y, Jehojakhin ai langheng hawi i,

2 ARENG KEH 25:12

Na i py khumi kamawn phyreichi ai ly Juda pri y kreip akhochi hawi li, hlauchira y kalop sa ai nai daw jo bo.

ISAIA 1:31

Dengkeaung kadei ly mai kali deaungkho y, mai amtawi nai kamta phum-ang len nai khumichi py, mychi i kamngochi deaungkho y phra u ai. Huna nai phra naira ai ly ami py paka ai nai nga ai ny y,” nanai thui bo.

ISAIA 1:9

Ati cheaungkhang sa thai nai keung Areng my naini, mary i khumi phyreichi ai dei kamthum khai pi mailai y lawh teu i khyly, Jerusalem mary ly Sodom mary hawi Komora mary kamta, taphra naira avum ai nai ne.

ISAIA 34:5

Areng ly kani pri mang y haisau pa yb iy, taphra ai nai angchi yb nai Edom khumichi tlang tleaung y tym hai ai.

ISAIA 43:28

Nangchi i samrangchi ly kai i Achura yhm y chai hai ynai ne. Hunai deaungkho y kai ly Israela pri ai phra hai iy, kai i khumichi ai kangji nga hai bo,” napi.

ISAIA 5:24

Hunai deaungkho y chohphi hawi acha kajeichi ly mai kangveaung y kang nai kamta, nangchi i tangjynchi ly rawp iy pauchi py jei pawn ai. Ati mana nai mo nabaly nangchi ly kaichi teng y Israela chengchi i chai parai nai, ati cheaungkhang sa thai nai Areng my leu pei nai khai u su nai deaungkho y ne.

ISAIA 9:19

Ati mana nai mo nabaly ati cheaungkhang sa thai nai Areng ly kado theu bo. Mymy i pajeng nai ly pri verei y mai kamta angveaung iy, khumichi ai tamyh pawn ai. Huna nai khala khumi luteng ly amy i vui tleaung ai nai atho sa u ai.

JEREMIA 12:4

Kaichi i pri ly jengha nai mana tanrei kra iy, li hlauchira i achachi py, mana tanrei kakra ngamchi ajawi ai mo? ‘Kaichi i sa nai ly Tameuh my niu y leang,’ nanai thui u nai hini pri khumichi i hawi y nai molam y, tavochi hawi daichi mawichi dei nai ne.

JEREMIA 5:14

Ati cheaungkhang sa thai nai keung Areng Tameuh my, “Jeremia awi, huni khumichi ly hina nai thui nai deaungkho y, kai i leu ly nang i labeaung y mai kamta lawm iy, nichi ly theng kamta lawm ai; mai ly nichi ai kang ai,” napi.

Ezekiela 5:3

Sam maidenrei ai ly nang i kanih tawnra y tapau iy kry me ba.

Levi 26:22

Kai ly nangchi i awm naira y mawi kasichi kapato ai i, nangchi i cho chanauchi, si, beramchi ai kei hai ai. Khumi maidenreichy awm khyh nai y, aki aleaung nai khumi angso awm ai ny y.

MALAKHI 2:2

Nangchi ly kabo kaja, amhi amtlau nai dengdairei, kai ai tahm khai naimy palo u ai nai tla. Kai i leu ai nangchi tangai u y lawh baly kai ly nangchi ai vaineng lawi hai ai. Nangchi i paleung pado nairachi ai py, vaineng lawi hai ai. Meitang khyp, hunichi ly vaimy vaineng lawi u bo. Ati mana nai mo na baly nangchi ly kai i reita leu ai tahm khai u y nai deaungkho y ne.

MALAKHI 3:9

Pri vereichi malawn py kai ai li-tapawp u nai deaungkho y, nangchi bawibawi ly vaineng lawi u bo.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

MALAKHI 4:6

Ni ly ampochi hawi cho chanauchi ai, pangym pi ali teang ai; huti y baly kai kang jeu iy nangchi i pri taphra ai,” napi.

MATTHAI 27:25

Naibaly khumi humchi bawibawi ly, “Ni i thi ly kaimychi i tlang tleaung y hawi, kaichi i chanauchi i tlang tleaung y py awm sy,” napi nai pathang.

MATTHAI 7:14

Heng naira y tym ai nai lam ly amchei i, katheu pa-kho py amchei teang, naibaly niu naichi ly maiden chy khyh.

ROM AVANGCHI TENG Y PAWLA I CHA PA NAI 9:27

Naibaly Isaia my py Israelachi i molam y aeu hai nai “Israela kangpreangchi ly pangli spryh jirei nawi iy py, nichi theung i nai phyreichi hengra nga ai khyh.

Leu Thui Nai 28:62

Nangchi ly kani mang i ka-sichi tanrei vuikanai nawi u teu i py, Areng Tameuh i leu tangai u y nai deaungkho y, khumi maidenreichy naini heng u ai khyh.

Leu Thui Nai 4:27

Areng ly nangchi ai pri tleirei y ahei hai ai; huni pri y nangchi i khumi maidenreichy naini heng u ai.

II PETERA 3:10

Na i py Areng i kani ly kangviu khumi kamta ang tym takengkei ai; huni neng y ly kani ly khrikhri pa-reityn naimy tama ai i, atiti pakeungchi ly khri pa-rei angngo nai mai y kang nai tama ai, khaileaung hawi huni theung y atiti sa naichi ly mai y kang hai bebe ai.