ISAIA 24:5 - Khumi Common Language Bible

⁵ Khumichi ly Tameuh i reita leu pei naichi khai su nai molam py, mymy i deungtasa Leu Maikawm ngai y nai molam py, khaileaung ai chai hai y nai ne.

ISAIA 24:5 ပူးပေါင်းရင်းမြစ်များ

2 SAMUELA 23:5

Hunai kamta teang, Tameuh ly kai i katu chanauchi ai amtheaung naira pei ai; ati mana nai mo nabaly mymy ly phra pajau y, athli vui thai y nai deungtasa Leu Maikawm ly kai hawi asa nai deaungkho y ne. Hunaibaly kai i kangai angym bo; hini ly kai i eaung naira ne; huna nai kamta tym hai ai nai Tameuh ly dawn pi khyp ai.

2 ARENG KEH 21:12

Hunai deaungkho y Israela chengchi i Tameuh, kai Areng ly satang thai nai khumichi lyh ai nai pa-rei, Jerusalem mary hawi Juda pri y ka-jeira tym hai ai.

2 ARENG KEH 21:15

Kai i khumichi ly nichi i amsi pajochi Aikupta pri i nai theu u nai neng khala i dengdai vaini khrairei, kai i tlang tleaung y kamngo sa iy kado patheu u nai deaungkho y, nichi ai kaimy pajeng ai,” napi.

2 NENG SATANG 33:9

Manase ly Israela chengchi kun u nai thym khala y, Areng my patheu pi pawn nai khumichi tleaung y khri pa-rei kamngo sa ai nai, mymy i khumichi ai lam patei bo.

SAM 105:10

“Kai ly nang ai kanan pri kang pei ai; nang ly huni pri amtym ai,” nanai

SAM 55:5

Jei hyn nai hawi khri pa-rei kaso theu nai awm bo.

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 30:9

Nichi ly Tameuh ai avawrei tiu naimy, avawrei tapawp naimy, Areng i leu ai avawrei akhi naimy awm u nai ne.

ISAIA 33:8

Lam manglai puichi ly ka-jeira khri pa-rei nawi nai deaungkho y, ami py tako u vam y. Amsawi amnai asa naichi taphra iy, leu meitang adeu naichi py phra veng bo. Ami my py tahm khai nai avum u y leang bo.

ISAIA 50:1

Areng my, “Aju akhai vui nai neampacho kamta kai ly kaimy i khumichi ai kapatheu pawn bo, nanai nangchi athang khai u a? Huna nai akhai lawh baly, akhai nai chachi ly ma mang y awm mo? Amy i cho chanauchi ai miseaung y jo vui nai kamta, kai ly nangchi ai langheng palawn iy jo vui bo, nanai nangchi athang khai u a? Nangchi ai patiu iy hawi pawn nai avum u nai ly nangmychi i kamngolai ne. Nangchi ly nangmychi hawi y sa nai molam y ang patheu nai ne.

ISAIA 9:17

Hunai deaungkho y Areng ly mani thawndeang deaungdi ai py, law tleaung naira pei ai ny y. Lumai cheaungtichi hawi nuro nukaichochi ai py, pahen pi ai ny y. Ati mana nai mo nabaly khumi bawibawichi ly tameuh by y iy kamngo sa u nai bo y, chai y nai leuchi naini katheu u nai deaungkho y ne. Hunai deaungkho y Areng ly kado katheu rym y naimy, kamngo pajeng ai nai kiu pheu jojo nai ne.

JEREMIA 11:10

Kai i leu tangai y naichi ly mychi i amsi pajochi i sa nai kamngochi sa u ali teang bo. Nichi ly tameuh takhrachi ai chiu u lawh. Israela chengchi hawi Juda chengchi ly kai hawi mychi i amsi pajochi asa nai Leu Maikawm ai taphra u mei nai ne.

JEREMIA 50:5

Nichi ly Zion mary mang y chei nai lam deng iy, huni mary mang y chei u tapai ai. Nichi ly kai hawi deungtasarei Leu Maikawm asa iy, huni Leu Maikawm ai mana khala py taphra u ai ny y.

Ezekiela 16:59

Sa thai naira angym nai Areng my, “Nang ly nangmy i adeu nai leuchi ai tahm khai y, Leu Maikawm py taphra nai deaungkho y nang, nga ai ataing nai kamngolai kang pajeng ai.

Ezekiela 20:13

Na i py nichi ly daichi ka-vym y my kai ai amtang u nai ne. Kai i leu pei nai tangai nai ngiereichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Hunai deaungkho y kai ly nichi ai daichi ka-vym y, kai i kado katheu pajeng naira avum hai iy tamyh pawn ai nai adawn vai nai ne.

Ezekiela 20:24

Huna nai kasa nai ly nichi kai i leu pei naichi khai su iy, kai i Reita py taphra; Anawn kani ai tahm khai y iy amsi pajochi chiu nai mynchi chiu lawh nai deaungkho y ne.

Ezekiela 37:26

Kai ly nichi hawi deungtasarei aly ai nai Leu Maikawm asa ai. Nichi ai kapalum iy khumi peung hai ai i, kai i Achura yhm ly nichi pri y khaw hai jojo ai.

DANIELA 7:25

Ni ly tahm asang parai nai Tameuh ai ka-awi leu katheu iy, mymy i khumichi ai ana ai. Ni ly Tameuh i khumichi i reita pawichi hawi reita leaungsaichi py, takhra hai vui ai nai atho sa ai. Tameuh i khumichi py, ni i sa thai naira anui y saneng thomrei bo y lo tariurei awm u ai.

DANIELA 9:10

Aw kaichi i Areng Tameuh, nang ly kaichi ai nangmy i miseaung amochi dengdairei pei nai reitachi kamta, tangai ai nai leu pei teu i py, kaichi ly tangai u y nai ne.

DANIELA 9:5

“Kaichi ly kamngo sa tamang u. Teng y naichi kasa u lawh. Amso ngai naichi ne iy ka-awi sa u lawh bo. Kaichi ly nang i leu pei naichi khai su iy, nang i sa pi nai reitachira i nai en vui lawh bo.

HOSEA 6:7

“Na i py nichi ly kai hawi sa nai Leu Maikawm ai Adam kamta taphra iy, kai i tlang tleaung y ka-ym by y bo.

Levi 20:22

Naibaly Areng my, “Kaimy pahawi iy nangchi tym u ai nai Kanan pri i dengdairei, nangchi ai patheu y ai nai kai i reitachi hawi leu kang pei nai bawibawichi patawm u ai nai tla.

MIKHA 2:10

Angthau ly tako u; hini pri ly nangchi i vui chymme naira meingtym ny y leang bo. Nangchi i kamngo nai molam y hini pri ly phra bo.

LUKA 1:6

Nini leaung nyhrei ly cheh ai nai by y pa-rei my Areng i leu pei nai hawi reita bawibawi patawm iy, Tameuh i mei ka-niu y awm nai sai hawi parai nai ne.

Leu Thui Nai 32:15

“Areng i khumichi ly nang ra nang ra nai ne, na i py tiu u lawh; nichi ly veung tlang hawi u, teicha teinei kajeu kawi pa-rei cha ai nai nga; mychi ai sa nai keung Tameuh ai khai su iy, sa thai naira awm nai keung ai hi u vui bo.

Leu Thui Nai 32:20

Areng my, ‘Hini khumichi ly paleung tang iy, ka-ym by y naichi ne; kai ly nichi ai kasabawm y leang bo,’ ‘Naibaly nichi ati lawm u na mo, nanai kakhen cham ai.

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,

HEBRAI 9:1

Naibaly kangman i leu maikawm ly Tameuh ai chiu ai nai reita hawi hini khaileaung pri i Meingtym Kachai py nga khyp bo.

JOSUA 23:16

Nangchi ly Leu Maikawm patawm ai nai, nangchi i Areng Tameuh my leu ang pei i py, so patawm y naimy tameuh takhrachi ai chiu u lawh baly, mymy ly kado theu iy, ang pei nai hini pri kahawi ra y nangchi myh kang nai pa-rei, nangchi ai ang pajeng ai,” napi.

JOSUA 24:25

Hunai deaungkho y Josua ly huni kani y, khumichi hawi Leu Maikawm asa chum baly, Sekhem mary y nichi sa patawm ai nai reitachi khai pi bo.