ISAIA 24:20 - Khumi Common Language Bible

²⁰ Khaileaung ly ali kamchai chawm nai tai kamta py, nei cha ala nai khumi kamta py, atlym khikha ai. Khaileaung pri ly kamngo mynji my tei nai deaungkho y, anawi vui ai; ang thau ali teang pajau ai ny y.

ISAIA 24:20 ပူးပေါင်းရင်းမြစ်များ

ATITI AWM ANGCHEI NAI 41:31

Ka-jei hawi parai nai takang ho nai sai ly ang tym ai i, choh palo hawi nai nengchi tami pawn ai.

JOBA 12:25

Nichi ly kaveng theung y patham iy, mhm-rah nei ala naichi kamta, tapai tamang naimy tako u bo.

SAM 107:27

Nichi ly ahm rah pavui naichi kamta, atlym u khikha na; nichi i kawp nai saichi ly ati sai py ny y bo.

SAM 38:4

Kamngo tui my um naira y kai ly anum nai ne. Hunichi ly khri pa-rei ji nai kamngo mynji ne i, kai ly pho pajau y na bo.

ISAIA 1:28

Na i py mymy ly kamngo sa nai khumi hawi mymy ai tiu nai khumi bawibawichi ai tamyh pawn ai. Mymy ai khai su nai khumi ngiereichi ai tamyh ai.

ISAIA 1:8

Katanmeuh naira avum nai Jerusalem mary harei naini awm khyh bo. Huni mary ly mymy i vui amtang pajau y nai kreip akho typ nai tai kamta py, pajawi bai typra tai kamta py lawm nai ne.

ISAIA 19:14

Areng ly nichi ai dawn pany thai y nai katauchi pei hai nai deaungkho y, Aikupta khumichi ly tamang u iy, amy i amleura y atlym nai pavui tapai nai khumi kamta, atlym u khikha na bo.

ISAIA 24:1

Areng ly khaileaung pri phra hai iy, khumi angso savai tlang nai lawm hai ai. Mymy ly khaileaung adym a-i-eih hai iy, khumichi ai ahei hai ai.

ISAIA 28:7

Amochi hawi pathyp pi nai keungchi malawn py nei cha ala nai deaungkho y atlym u khikha nai ne. Nichi ly kreip hang hawi mhm-rah nei ala nai deaungkho y, tapai taveang iy atlym u bo. Amochi ly pavui jojo nai deaungkho y, Tameuh my amteng hai naichira i awm nai sai pany thai u y. Pathyp pi nai keungchi py, mychi teng y tym nai atitichi ai tara chih pi thai y nai ne.

ISAIA 29:9

Nangchi ly tau akhum naimy awm u! Mei paju naimy awm u! Kreip hang nei y naimy pavui u! Amjawnreichy py nei y naimy atlym khikha u!

ISAIA 38:12

Taphra vui nai tai kamta py, pe anengra i nai oh iy ajiu vui nai kanih kamta py, kai i heng nai deung ly leu baw iy tem veng bo.

ISAIA 43:27

Nangchi i jangni i amsi pajoly kamngo sa nai ne. Nangchi i lu sa naichi my kai i tlang tleaung y kamngo sa bo.

ISAIA 66:24

Huni khumichi ly mychi i pri y vawi u teang nai khala y, kai ai tiu nai khumichi i tlaiveuchi niu u ai. Huni tlaiveuchi ai cha nai kaleungchi ly mana khala py dei ai ny y. Tlaiveu ai kang nai mai ly mana khala py, rym ai ny y. Khumi bawibawichi ly huna naichi ai niu iy paso u ai.

JEREMIA 25:27

Naibaly Areng my kai teng y, “Israela chengchi i Tameuh, ati cheaungkhang sa thai nai keung Areng ly huni khumichi ai pavui iy paleu nanai pa-rei, nichi teng y kaimy pato nai tavai ka-jeira molam y atlym iy ang thau pajau y na pa-rei, huni kado theu naira hang nei u ai nai leu ang pei, nanai thui pi.

JEREMIA 4:24

Kai ly mawichi mang y khen bi nai khala, mawi katheang kalenchi ly ahyn ka-lau nai ne.

JEREMIA 51:29

Areng ly mymy i dawn tau naichi sa khyp nai deaungkho y, khaileaung ly amchyh na nai ne. Mymy ly Babulon mary ai khumi angso savai tlang nai meingtym lawm hai ai.

JEREMIA 8:4

Khumichi teng y thui pi ai nai Areng i leu pei nai ly “Atlym iy ang thau teang y nai ly ami awm ai mo? Lam tamang iy ali teang y nai ly ami awm ai mo?

TANGAM NAI LEU 1:14

“Mymy ly kai i kamngo bawibawichi pany pi jo nai ne. Hunichi ai pateungchup iy, kai i kaneaung y awi hai i, kai ly kamngo myn ji parai nai deaungkho y, atho bai na bo. Areng ly kai ai paleung ka-echi teng y au bo; kaimy py nichi ai tlau teang pajau y.

DANIELA 11:19

Samrang ly my i pri y awm nai amtangra meingtym mang y vawi teang ai. Na i py ni ly sum ai i, tama vui ai.

AMOS 8:14

Samari tameuh mynchi napi nai, ‘Dan tameuh’ ai py, ‘Beraseba mary i tameuh’ ai py, tau iy vaineng abeu reng nai khumichi ly ang thau teang pajau y na pa-rei atlym u ai,” napi.

NAHUM 1:5

Areng i mo y mawi puichi ly ahyn iy, mawi katheangchi ly tlawn pawn ai. Areng jeu nai khala kaleih theu iy, khaileaung pri hawi vanrei, khaileaung pri i khumi bawibawichi ly jei hyn u bo.

AMTENG HAI NAI 18:21

Naibaly kani pri i amtaw thau nai ham parai nai my ly choh nip naira lengseaung kalen pui ka-tawm lengseaung la iy, pangli y aphi vui bo i, “Babulon avang pui ly huna nai kamta ty nanai ly aphi vui nai ne ai i, ami py tlen py niu ali ai ny y leang bo.