ISAIA 24:18 - Khumi Common Language Bible

¹⁸ Ka-jeira awm nai patangra i nai lawira nga ai nai atho sa nai khumi ly humra y tla ai. Humra i tleaung nai khumi ly deaungra y man ai. Kani mang dengdairei khri pa-rei kani nai iy, khaileaung i langdengchi anghyn ai.

ISAIA 24:18 ပူးပေါင်းရင်းမြစ်များ

ATITI AWM ANGCHEI NAI 19:24

Areng my Sodom hawi Komora mary salo y tlenrei khyh my kan mai kani nai hai bo.

ATITI AWM ANGCHEI NAI 7:11

Nova i saneng chungvai tariurei saneng, pa-nyh lo kani holai saryhrei khala y, suida pangli tuino bawibawi py am-eaung iy kanitui pa-khochi py am-eaung hai bo.

2 ARENG KEH 7:2

Samrang ai typ nai tavailu leaungrei ly Elisa teng y, “Areng kypkyp my, vaimy kani nai hai teu i malawn py, tuna nai ly tym pajau ai ny y leang!,” napi. Elisa my, “Nang ly hina nai tym nai niu i py, cha ai nai ngo y ai,” nanai pathang.

JOBA 20:24

Ni ly tamo haisau bo i nai tleaung ai nai angpreng nai khala, kheupaja thailiho hawi ko nai, prileu nai avum ai.

SAM 18:15

Aw Areng, nang ly paleung ka-echi ai kado katheu hang hai nai raawi hawimy parip nai khala, suida pangli paichi khaileaung py, khaileaung i sangum langdengchi py, am-eaung seaungkhrang na bo.

SAM 18:7

Naibaly Tameuh i kado theu nai molam y, khaileaung amchyh na pa-rei kalei theu hai. Mawichi ly kheutang mang dengdairei amchyh. Sabawmra nga ai nai kai i aeu nai raawi, mymy ly thai bo.

SAM 18:8

Mymy i notareang theung i dengdairei maikhyhchi py, labeaung mang dengdairei kang hai thai nai mai kadeu hawi mai-aichi py theu nai ne.

Parip nai leu 9:12

Nang i vui neng kamki ly nangmy pany khyp pajau y leang; deaung y man nai tavochi kamta mo, paleupy y man nai ngochi kamta mo, achi ly taham si nai neng khala ly pany y naimy deaung y man reng nai ne.

ISAIA 13:13

Ati cheaungkhang sa thai nai keung kai, Areng my kado theu hai nai khala, kani khusang ly amchyh neung ai i, khaileaung py awm kari ra i nai asyh vui ai.

ISAIA 2:19

Khaileaung amchyh hai ai nai, mymy jeu nai khala y khumichi ly Areng i kado theu nai, mymy i sa thai naira hawi nang parai naira i nai law tleaungra nga ai nai lengseaung tapiuchi ra y py, khaileaung angawm tai i py aheu u ai.

ISAIA 2:21

Khaileaung amchyh hai ai nai Areng jeu nai khala y, khumichi ly mymy i kado theu nai, sa thai naira hawi nang parai naira i nai law tleaung ai nai khaileaung angawmchi hawi lengseaung tapiuchira y aheu u ai.

ISAIA 42:22

Na i py vai, mymy i khumichi ly tiu lawm nai avum u bo. Nichi ai kaveng takunchira y, saw atleang iy heu vui bo. Atleu ai nai khumi leaungrei py by y i, nichi ly tiu lawm nai avum u nai ne.

ISAIA 8:14

Kai i chai parai nai sai ly lyh ai hawi nai deaungkho y, kai ly khumichi pathuikhe iy atlym hai ai nai lengseaung hawi atawm. Juda khumichi, Israela khumichi hawi Jerusalem mary i khumichi ai patiu ai nai deaung hawi py atawm nai ne.

JEREMIA 48:43

Moba pri i khumichi ai jei hyn hai naichi, hum angawmchi hawi, deaungchi my ly ajeng rym nai ne. Hini ly Areng i thui nai leu ne.

JEREMIA 48:44

Jei hyn ai hawi naira i law tleaung ai nai atho sa naichi ly huni angawm theung y tla u ai. Hum angawmra i lyn kalau nai khumichi ly deaungchira y man u ai. Ati mana nai mo nabaly Moba pri ai tamyh ai nai neng ly kaimy khai takhra yb nai deaungkho y ne.

TANGAM NAI LEU 3:47

Kaichi ly phra seaungkhrang naichi ka-vum u bo. Kaichi ly paka naira hawi, ka-jeirachi theung y kaheng u nai ne.

Ezekiela 11:8

Nangchi ly haisau jei u a? Nangchi ai haisau hawi ang tleh ai nai khumichi ai kaimy hawi ai, nanai Areng my leu pei bo.

Ezekiela 12:13

Na i py kai ly py kajang iy huni py ra man hai i, Babulon mary mang y kahawi vui ai. Ni ly huni mary ai niu y naimy, huni mary y dei ai.

Ezekiela 15:7

kapajeng ai. Nichi ly mai i nai tleaung u i py vai, mai harei my kang vui ai. Huni khumichi pajeng naira avum nai khala, kai ly Areng ne, nanai nangchi pany u ai.

AMOS 5:18

Areng i neng kani ajeng nai khumi i vui ly khri pa-rei ka-jei hawi parai na ly! Huni neng kani ly nangchi ai ati kahawi ang sa pi thai ai mo? Kangvang by y naimy kaveng khiu nai neng kani naini tym ai.

AMOS 5:19

Huni kani ly nangchi i vui khrangsi ai jei i, angpreng nai khala, tavym hawi avum lawh nai khumi kamta lawm ai. Ti y baly yhm y tym nai khala angpang y amkhaw i, pavui my patiu lawh nai khumi kamta lawn ai.