ISAIA 23:1 - Khumi Common Language Bible

¹ Hini leu pei nai ly Turu mary i vui ne. Pangli mang y tym u nai nangchi samphora y kalop sa u naichi awi, paleung si naimy vo tangam u! Nangchi i khuteng lawm nai sampho khenra Turu mary ly phra veng bo. Hunira i yhmchi hawi tuivumchi ly phra pawn bo. Huni satang ai nangchi ly Kuparu pri i nai vawi ali teang nai khala thai u nai ne.

ISAIA 23:1 ပူးပေါင်းရင်းမြစ်များ

ATITI AWM ANGCHEI NAI 10:4

Javan i kangpreangchi ly Elisa, Spain, Kupru hawi Rhode y awm nai khumichi ne.

1 ARENG KEH 10:22

Samrang ly Hiram i sampho kamkawmchi hawi vanrei, ka-sum ka-pai sa ai nai pangli samphochi awm. Huni samphochi ly saneng thomrei y tlenrei mychi pri y vawi teang iy muku, tangka, kasai nuh, khumi kalai hawi kalaichi py syn pi reng nai ne.

1 ARENG KEH 22:48

Samrang Jehoshapha ly Ophira pri i muku la ai nai pangli samphochi sa i py, huni samphochi ly Ezijokeba ra y phra nai deaungkho y, sampho theu pajau y bo.

1 ARENG KEH 5:1

Turu samrang Hiram ly Samrang Davida hawi amsawi amnai asa iy awm jo nai ne. Naibaly ampo Davida i meingtym y Solomon amtym iy samrang lawm, nanai thai nai khala y ni ly Solomon teng y savaichi pato bo.

2 NENG SATANG 9:21

Ni teng y samrang Hiram i sampho kamkawm hawi vanrei, pangli y chei nai samphochi awm. Ni i samphochi ly muku, tangka, kasai nuh, khumi tavym hawi kalaichi tang iy, saneng thomrei y tlenrei vawi teang nai ne.

SAM 48:7

liliu nanai sampho puichi kamta py, jei hyn u bo.

ISAIA 15:8

Moba pri khujyh tengtangra y vo tangam nai raawi thai u bo. Huni raawi ly Ekalaim mary hawi Berelim mary mang malawn py thai u nai ne.

ISAIA 2:16

Mymy ly len keh, apu keh nai samphochi ai py, tup hai pawn ai.

ISAIA 23:12

Aw Sidon mary, nang ly amo theu naira awm bi ai ny y. Nang i khumichi py ana naira avum u bo. Nichi ly Kuparu pri mang y preang iy tleaung u lawh teu i py, phrumai by y naimy awm u ai ny y.

ISAIA 23:6

Aw Phoenisia mipuichi awi, paleung si naimy vo tangam u! Spain pri mang y preang ai nai atho so u!

ISAIA 24:10

Mary theung y ati cheaungkhang ahei seaungkhrang na bo. Khumichi kun thai y ai nai yhm tleireichi py, katheu akho typ veng bo.

ISAIA 60:9

Huni samphochi ly pri kamlo mang i dengdairei, Tameuh i khumichi ai, mychi pri mang y tang nai samphochi ne. Hunichi ly Israela chengchi i chai parai nai Tameuh ai palo ai nai muku hawi tangkachi syn u. Mymy ly mymy i khumichi ai tahm pasang nai ne.

JEREMIA 2:10

Khitem tlawn awm nai nidym mang y chei; Kidar pri mang y khumi pato iy khen hai ba. Hina naichi mana khala py tym vai y nai ly niu u ai.

JEREMIA 25:15

Israela chengchi i Areng Tameuh my kai teng y, “Nang ly kai i kado theu naira kawi nai hini kreip hang khau ai, kai teng i nai la iy nang ai kang pato nai khumi cheng cheaungkhangchi ai panei.

JEREMIA 47:4

Turu mary hawi Sidon mary mang y pei pajau nai tavai kasabawmra awm rai nai ngiereichi ai khanglang vui nai kani hawi, Philistin pri ai tamyh vui ai nai neng kani ly tym dudu bo. Kai, Areng ly Kariti tavo peang mang ang jeu nai Philistin cheng bawibawichi ai katamyh ai.

Ezekiela 26:1

Kaichi pri pala naira avum nai saneng holai harei saneng, lo si kani harei kani y Areng i leu pei nai ly kai teng y tym nai ne.

Ezekiela 26:2

Mymy ly “Nang khumicho awi, Turu mary i khumichi my, ‘Jerusalem mary i katheu pa-kho ly phra vui bo! Huni mary i katheuchi ly am-eaung naimy awm bo! Huni mary ly kaichi hawi acham nai mary ny y leang bo!,” nanai amo theu naimy aeu u nai ne.

Ezekiela 27:30

Nichi ly mymychi i lu tleaung y spryhchi aphui iy speung y jawn u i, nang i vui khrikhri pa-rei vo tangam u bo.

Ezekiela 27:6

Ta-paichi sei ai nai Bashan daichi i ngopraibiu keungchi syn u; nang i sampho pangkan kangbai ly Kuparu tlawn i nga nai maicha keung hawi sa iy kasainuhchi hawi ka-pu sa nai ne.

DANIELA 11:30

Rom chengchi ly samphochi hawi jeu iy, ni ai tiu nai deaungkho y, ni ly jei hyn ai. “Naibaly ni ly khri pa-rei kado theu naimy nithun mang y anaw teang chum baly, Tameuh i khumichi ym nai reita taphra ai nai atho sa ai. Huni reita khai su nai khumichi i tau pei naichi py, tangai ai.

JONA 1:3

Na i py Jona ly Areng teng i dengdairei preang vui ai nai Joppa sampho tuivum y chei. Joppa mary y tym baly Spain pri mang y chei ryp ai nai sampho apeh khyp. Jona ly sampho atang nai vang pei iy, Areng hawi palo nai Spain mary mang y, sampho i khumichi hawi vanrei abang ai nai, sampho atang bo.

Kati Nai 24:24

Kupra tlawn i dengdairei paleung ka-e samphochi jeu iy, Asuria pri hawi Eber prichi ai eaung vui ai, na i py nichi ly phra naira avum teang ai,” napi.

LUKA 10:13

“Aw Korazin awi, nang ly taham si! Aw Bethsaida awi, nang ly taham si! Nangni i meingtym y atiti rengrang sa naichi ly Tura hawi Sidon avang y sa nai ne i khyly, nini ly jangni ks-so paisiu kanih akhiu nai, maiphu theung y ateh iy uikhei pawn ai bo.

JOSUA 19:29

Hu i nai bi baly Ramah mary mang y ami iy, khaw parai nai apai awm nai Turu mary y tym. Naibaly Hosah mary mang y amhi iy, Mrithe pangli y tem. Khu ka-peang theung y Mahalab mary, Akhazi mary,