ISAIA 22:14 - Khumi Common Language Bible

¹⁴ Ati cheaungkhang sa thai nai keung Areng mymy kypkyp my kai teng y, “Huni khumichi ly hini hawi y naira molam y heng nai sala ryrei, mana khala py kamngo lawi naira nga u ai ny y. Hini ly ati cheaungkhang sa thai nai keung kai, Areng my thui pi nai leu ne,” napi.

ISAIA 22:14 ပူးပေါင်းရင်းမြစ်များ

2 SAMUELA 6:23

Sawla i chaniu Mikhala ly mymy deungrei, cho chanau ngo y bo.

ISAIA 13:11

Areng my, “Kai ly ka-jeira ai khaileaung salo y tym hai iy, khumi hawi y naichi ai mychi i kamngo nai molam y, kamngo pajeng ai. Kai ly amlyh am-e nai khumi ngiereichi ai tahm panem iy, paleung kalen asa nai hawi pahyp y naimy ana nai khumi bawibawichi ai, kamngo pajeng ai.

ISAIA 26:21

Areng ly khaileaung pri i khumichi ai, kamngo pajeng ai nai mymy i awm naira dengdairei ang jeu ai. Khaileaung salo y kangviu y khumi padei nai tamang nairachi ly pheaungrang ai. Tleh naira avum nai khumichi ai khaileaung my ly apha pi vui ai ny y.

ISAIA 30:13

Nangchi ly kamngo pajeng ai ataing naichi ne. Nangchi ly akoprei nanai lengseaung apai ka-sang pui kamta, vaimy anawi u ai.

ISAIA 31:2

Mymy ly mymy i sa reng nai kalop ai pany na a! Mymy ly khri pa-rei ka-jeira tym hai bo. Khumi hawi y naichi hawi nichi ai ama hai nai khumichi ai pajeng ai nai leumo pei nai kamta sa nai ne.

ISAIA 5:9

Ati cheaungkhang sa thai nai Areng my, “Hini apu parai nai yhm puichi ly khumi angso by y nai yhm kaphrachi lawm ai.

ISAIA 65:20

Kanu kanei deaungdichi py, tleaungri cheng y naimy dei u ai ny y. khumi luteng py saneng syp pa-rei heng u ai. Saneng chungvairei heng nai khumichi ai malawn py, saneng theang nai khumichi, nanai palawn u ai. Saneng chungvairei heng y nai khumichi ai ly kaimy pajeng nai ka-ma-ra ne, nanai dawn pany u ai.

ISAIA 65:7

Nichi i kamngolai py, nichi i amsi pajochi i kamngolai py, vawitheung katha hai ai. Nichi ly mawi salo i mynchi ai chiu nai meingtymra y mui katuichi leng patlum iy, kai ai cheh u bo. Hunai deaungkho y nichi ai kamngo ka-taing kapajeng ai,” napi.

Ezekiela 24:13

Aw Jerusalem mary, nang ly kaja hawi y nai molam y, nangmy ai chai hai y bo. Kai ly nang ai chai pa-rei sa teu i py, nang ly chai y naimy awm nai ne. Kai i kado katheu pajeng naira avum y ryrei ly nang ly chai lawh ai ny y.

AMOS 3:7

Sa thai naira angym nai Areng ly mymy i dawn nai ai, mymy i miseaung amochi teng y thui pi y naimy, ati sai py so y leang.

AMOS 8:7

Israela i Areng Tameuh my vaineng abeu nai ly: “Kai ly hini khumichi i hawi y sa naichi ai, mana khala py tami vui pajau y leang.

1 SAMUELA 3:14

Hunai deaungkho y mani kapathypra, mani katalamra py, hini hawi y parai nai kamngo lawi pa-rei sa pajau ai ny y, nanai kai ly Eli i dengtheungchi teng y thui pi kheng bo,” napi.

1 SAMUELA 9:15

Sawla tym y rai nai kanirei nai khala y, Areng my Samuela teng y,