ISAIA 22:12 - Khumi Common Language Bible

¹² Huni thym khala y ati cheaungkhang sa thai nai keung Areng ly nang ai vo hai iy, paleung si nai ka-ma-ra patei ai nai hawi, lu vau tabiuliu iy paisiu amchiu ai nai thui pi yb nai ne.

ISAIA 22:12 ပူးပေါင်းရင်းမြစ်များ

2 NENG SATANG 35:25

Amo Jeremia ly samrang Josia molam y vo khulym harei tajiu iy, khulym kawp nai neampacho, neampachychi my, Josia dei nai i vui y paleung si nai ka-ma-ra, hini khulym thui u. Hina nai khulym thui nai ly Israela chengchi i reita lawm i, huni vo khulym ly vo khulym cha-iu pui theung y abawi nai ne.

EZARA 9:3

Kai ly huni leu thai nai khala y kaimy i ateaungchi kasei iy sam hawi labeaung mui py ka-kyn i, paleung si naimy ka-teh su bo.

NEHEMIA 9:9

“Kaichi i amsi pajochi ly Aikupta pri y patang naira avum nai nang ly niu; pangli kamsenra y nichi aeu iy kasabawmra hnei nai raawi py nang ly thai.

JOBA 1:20

Huna nai khala Joba ly mymy i ateaungchi sei vui bo. Sam py avau vui iy, khaileaung y ambeu i chiu sa.

Parip nai leu 3:11

Mymy ly ati cheaungkhang i vui avo nai neng khai pi bo. Mymy ly achi teng y mo mang i satang pany ai ngai nai paleung ang pei; na i py mymy i sa nai atitichi pany angym ai nai pei y.

Parip nai leu 3:4

Paleungsi ai nai neng hawi amo theu ai nai neng py, vo tangam ai nai neng hawi lam ai nai neng py,

ISAIA 15:2

Dibon mary i khumichi ly myn chiu nai meingtymra y chei u iy, vo tangam ai nai mawi saleung y lyn u. Moba pri i khumichi py Nebo mary hawi Medeba mary i vui paleung si nai deaungkho y vo hang u nai ne. Nichi ly paleung si nai ka-ma-ra sam hawi labeaung muichi vau pawn.

ISAIA 26:10

Nang ly khumi hawi y naichi ai pahen teu i py, nichi ly kateng sa ai nai pany u y. Khumi kahawichi i awm nai hini pri y malawn py, nichi ly hawi y naichi sa u. Nang i nang parai nai ai py, dawn dang u y nai ne.

ISAIA 29:1

Tameuh i maicham napi nai Jerusalem mary malawn py taham si! Davida i tavai taira mary ly taham si! Huni mary y sanengrei, saneng nyhrei pawichi sa naimy awm u rai sy,

ISAIA 3:24

Nichi ly rimui kamui amseaung y naimy, kaveaung kamui amseaung ai. Apu parai nai khobaichi jeng y, vuinawnchi teaung u ai nai tla ai. Khen apu parai nai samteungchi jeng y, lu tabiuliu nai awm u ai. Apu parai nai ateaung alangchi jeng y, ateaung kamawnchi ateaung u ai nai tla ai. Nichi i khrei ai hawi parai nai areaung py, kangji awm nai mang y amtlau vui ai!

ISAIA 32:11

Nangchi ly paleung kabi paleung ka-mawn by y iy, paleung savairu naimy awm u bo. Na i py vai ly jei hyn naimy awm u! Nangchi i ateaungchi aleng iy akeng y kanih kamawnchi apam u.

ISAIA 37:1

Huni khumichi i amti pi nai leu thai phai thai baly, samrang ly paleung bi i, my i ateaungchi sei iy paisiu kanih akhiu naimy, Areng i Achura yhm mang y chei bo.

ISAIA 37:2

Samrang ly samrang yhm y kalop pacheang nai keung Elijakim, samrang yhm secretary Shebana hawi saneng kalen pathyp pi nai keungchi ai Amoz i chapo Isaia teng y pato bo. Huni khumichi py paisiu kanih akhiu u nai ne.

ISAIA 58:3

Huni khumichi my, “Areng ly achi ai mana khala py niu y lawh baly, achi ly ati mana nai y biu hai u ai bo? Mymy ly achi i tahm apanem nai ai pany pi y lawh baly, ati mana nai achi ly biu hai patang atyhtyh ai mo?,” napi. Areng my nichi teng y, “Meitang khyp nangchi ly biu hai nai thym khala, amy i vui kamran hau iy, nangmychi i vui kalop sa nai khumichi ai ana u bo.

JEREMIA 16:6

Kamawn kanang patleh y naimy huni pri i khumichi ly dei u ai. Na i py ami py nichi i veu up ai ny y. Nichi i vui py vo tangam u ai ny y. Paleungsi nai ka-ma-ra amymy ai tamo kalem nga hai nai, sam avau nai py sa u ai ny y.

JEREMIA 16:8

“Nang ly nichi cha nei pawi sa nai yhm y kun moh. Huni khumichi hawi vanrei ateh ahawi iy cho nei moh.

JEREMIA 4:8

Hunai deaungkho y paisiu akhiu iy vo tangam u. Ati mana nai mo nabaly Areng i khri pa-rei kado theu nai ly Juda pri mang y patyp jo rai nai deaungkho y ne.

JEREMIA 7:29

“Jerusalem mary i khumichi awi, vo tangam u; Nangchi i sam vau iy aphi u pawn. Kai, Areng ly kaimy i kado theu hai nai khumichi ai nyn kava veng bo i, nangchi ly mawi aheungchira y tlaiveu pavum nai khulymchi thui u.

Ezekiela 27:31

Nichi ly nang i tlang tleaung y tym nai sai niu u i, sam avau biu iy paleung si paleung mawn nai ka-ma-ra y paisiu apam u. Nichi ly paleung si nai khrikhri pa-rei vo hang u bo.

DANIELA 5:1

Dymrei nai khala y samrang Belshazar ly my i cha nei pawi pui sa naira y bangtang leaung sangreichi ai thangkau kau iy, nichi hawi vanrei kreip hang nei u nai ne.

HOSEA 9:1

Israela khumichi awi, cheng takhra khumichi kamta, amo theu naira pawichi so u moh. Nangchi ly nangmychi Tameuh i leu tangai u y bo. Nangchi ly pri vereira y amymy ai bima lawm ai nai, bala tameuh teng y jo u. Amti amjang thengthaichi thawn nai ly Bala tameuh my tamen nai saho y ne, nanai nangchi dawn u lawh!

JOELA 1:13

Maichamra amsi nai nangchi pathyp pi nai keungchi awi, paisiu kanih akhiu iy vo tangam u! Kai i Tameuh mo y kalop sa nai keungchi awi, Achura yhm theung y kun iy, vumtorei vo tangam u! Nangchi i Tameuh teng y talam ai nai chohpui chomaw hawi, kreip hangchi by y leang bo.

JOELA 1:8

Nangchi khumichi awi, angam yb nai juvo dei pi veng nai deaungkho y vo tangam nai anglo kamta, vo tangam u.

JOELA 2:12

Areng my, “Na i py nangchi ly vaimy uikheih u tatang. Biu hai nai hawi vo tangam naimy, kai teng y vawi u ali teang.

JOELA 2:17

Maicham hawi Achura yhm katheu pa-kho sala y Areng i kalop sa nai pathyp pi nai keungchi ly vo naimy chiu sa ai; “Aw Areng, nang i khumichi ai pahen pi kyh ba. Cheng takhrachi ly ‘Nichi i Tameuh ly ma y mo?’ nanai thui i, kaichi ai niu ngai y iy panui hai u moh sy,” nanai chiu sa u ai nai tla ai.

AMOS 8:10

Nangchi i amo theu nai pawichi ai, sih tla nai pawi lawm hai ai. Nangchi i amo theu sarai iy khulym thui nai raawichi ly vo nai raawichi lawm vui ai. Nangchi ly sam vau chum iy, paisiu kanih akhiu u ai. Chapo leaungrei awm nai dei keng nai deaungkho y, paleung si tapai nanai amhm ampo kamta lawm ai. Huni kani ly tem khala khrairei khri pa-rei hawi y nai kani lawm ai.

JONA 3:6

Huni satang ai Ninevi samrang my thai nai khala y, samrang atehra i nai ang thau i, samrang ateaung aleng vui iy paisiu amchiu bo. Naibaly maidym theung y ateh nai ne.

MIKHA 1:16

Juda khumichi awi, nangmychi tamen nai cho chanauchi i vui y, nangmychi i sam avau u. Nangchi i cho chanauchi ai, pri takhra mang y langheng y hawi pawn ai nai deaungkho y, nangchi i lu ly langna lu kamta, lu tabiuliu na pa-rei avau u.

JAKOB 5:1

Khumi kanangchi awi, khen cham, nangchi i tlang tleaung y ngari ang tym dudu nai deaungkho y vo py vo u ly, hang py hang u lengleang.