ISAIA 22:11 - Khumi Common Language Bible

¹¹ Tuikan kangngym dengdairei leaung nai tuichi ai mary theung y kadeng ai nai, tui kadengra harei py sa u bo. Na i py nichi ly huni kalop ai jangni khala my pasym pi yb nai keung, hina nai tym hai nai keung Tameuh ai ly tahm khai u y.

ISAIA 22:11 ပူးပေါင်းရင်းမြစ်များ

2 ARENG KEH 20:20

Samrang Hezekia i ham parai nai, tuikan sa nai, mary theung y tui lam sa nai hawi ni i atiti sa naichi ai, Juda razavang cha-iu theung y tajiu pi typ nai ne.

2 ARENG KEH 25:4

Huna nai khala tavaimi risa bawibawichi ly mary apai taphra iy, vum y preang u. Nichi ly samrang i akho bai lam mang tako prei nai, mary apai nyhrei sala i katheu pa-kho mang theu u iy, Jordan leaunghawi mang y angpreng u.

2 NENG SATANG 6:6

Na i py vai kai ly Jerusalem mary y kai ai chiu ai nai meingtym palawn nai py, kai i khumichi ai peang ai nai keung y nang Davida ai kang vawi takhra nai ne,’ nanai leu pei bo,” napi.

NEHEMIA 3:16

Azabu i chapo Betzura ka-peang ka-hyhrei ai peang nai keung Nehemia ly huni bo i mary apai phyrei ai Davida i tapreaung, tuikan hawi tavaimichi awmra yhm kasauchi ryrei sa nai ne.

ISAIA 17:7

Huni neng kani tym nai khala y khumichi ly mychi ai sabawm ai nai Israela chengchi i chai parai nai Tameuh, napi nai atiti sa nai keung ai avum u ai.

ISAIA 31:1

Aikupta pri mang y kasabawmra hnei ai nai chei naichi ly taham si! Nichi ly keaungngochi, tavai ka-richi hawi keaungngo atang nai risachi, napi nai Aikupta pri i tavai atho len nai ai ym u nai ne. Na i py Israela chengchi i chai parai nai Areng Tameuh ai ly ym u y. Kasabawmra nga ai nai mymy teng y py hnei u y.

ISAIA 37:26

“Jangni khala my, hini atitichi ai kaimy pasym yb nai ne, nanai nang ly mana khala py thai vai y nai sai a? Vai, huni atitichi ai kaimy tym hai bo. Amtangra marychi ai anyn angso pakheng achu nai meingtym palawn vui ai nai, nang ai sa thai naira kang pei bo.

ISAIA 7:3

Areng ly Isaia teng y, “Nang i chapo Shear Jashub ai palau iy samrang Ahaz hawi ka-vum so. Nang ly ni ai salo tuikan tui paleaung nai tui lam katemra i, kanih aneng nai keungchi i kalop sa nai meingtym sahawi i lam salo y avum ai.

ISAIA 8:17

Areng ly mymy i khumichi teng y meimai patei pi y; na i py kai ly mymy ai ym iy athang khai ai.

JEREMIA 39:4

Hina naichi ai Juda samrang Zedekiah hawi tavaimi risachi my niu baly, vum y mary theung i dengdairei preang ai nai atho sa u bo. Nichi ly akho bai lam mang, mary apai nyhrei sala i katheu pa-kho mang theu iy, Jordan leaunghawi mang y preang u bo.

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.