ISAIA 21:9 - Khumi Common Language Bible

⁹ keaungngo atang nai risachi ly leaungnyh ka-bom, leaungnyh ka-bom vaimy theu u bo. Hunaibaly tamcheaung my, “Babulon mary anawi veng bo. Nichi i chiu nai myn ngiereichi py, khaileaung y tleu piupa veng bo,” nanai satang thai hai nai ne.

ISAIA 21:9 ပူးပေါင်းရင်းမြစ်များ

ISAIA 13:19

Babulon pri ly pri leilachi theung y apu keh iy, mary i khumichi i vui amlyh naira lawm bo. Na i py kai, Areng ly Sodom hawi Komora mary y sa nai kamta, Babulon ai py phra hai ai!

ISAIA 14:4

Huna nai kamta mymy sa nai khala y, nichi ly Babulon samrang ai panui hai iy, “Pahyp y naimy ana nai samrang ly dei bo! Ni ly vai mo mang y amimi ai py ana ai nai nga bi ai ny y!

ISAIA 21:7

Leaungnyh ka-bom, leaungnyh ka-bom keaungngo atang nai risachi ang jeu nai py, keaungngo kano kasauchi, kula-iuchi atang nai khumichi ang jeu u nai py niu lawh baly, huni khumichi ai khen patawm ai nai tamcheaung teng y taviu kheng ba,” nanai leu pei bo.

ISAIA 47:5

Areng my Babulon mary teng y, “Tyn teng y nai vengra y ateh. Khumichi ly nang ai, khumi cheng cheaungkhangchi i samrangnu, nanai palau u bi ai ny y!

ISAIA 47:9

Na i py nang ly kanirei y my, tanarei sala y my, hini amjy nyhrei avum ai. Atam kakawp bawibawichi ai teaung i py, cho chanauchi dei nai my lumai lawm ai.

ISAIA 48:14

“Nangchi bawibawi ly jeu achu iy, kai i thui nai tangai u! Kaimy vawi takhra nai khumi ly Babulon pri y tiu ai, nanai py, kai i kangai sa pi ai nanai py, mani tameuh my py thui pi yb thai y leang.

JEREMIA 50:29

“Babulon mary y tiu ai nai thailiho pa nai khumichi ai thui pi u. Thailiho teaung kawp nai khumi ngiereichi ai pato u. Mary ai katan u meuh; leaungrei py tleaung moh sy. Huni mary i khumichi ai vawitheung tha u. Nichi ly khumi takhrachi ai sa nai kamta, nichi ai py so u teang. Ati mana nai mo nabaly nichi ly Israela chengchi i chai parai nai keung kai ai amlyh am-e naimy ka-awi sa u nai ne.

JEREMIA 50:38

Huni pri y kani heang hai iy, tavo tuichi kang hai u. Babulon pri ly jei hyn ai hawi nai mynchi kawi nanai pri ne. Huni mynchi saho y, khumichi ly ka-khum lawm u bo.

JEREMIA 50:42

Nichi ly mychi i thailihochi hawi haisauchi atheu u bo. Nichi ly pahyp y naimy ana iy kapahenra by y nai khumichi ne. Nichi i keaungngo muiken katynchi ly pangli tui kamsau katyn hawi atawm nai ne. Nichi ly Babulon mary y tiu ai nai aeng u yb bo.

JEREMIA 50:9

Kai ly tosyh ngan mang i atho len nai prichi ai kachyh iy, Babulon pri y tiu hai ai. Nichi ly tavai pasau iy huni mary ai tiu iy peang u vui ai. Nichi ly patyp naira y avawrei chawm khyp pa-rei ko pajau nai mawi sarachi kamta, mymychi i thailihochi ko u thai nai ne.

JEREMIA 51:27

“Atiu ai nai pany hai nai ka-ma-ra patei u! Khumi cheng cheaungkhangchi thai u ai nai baw eng u! Babulon mary y tiu ai nai khumi cheng cheaungkhangchi ai angveirym hai u! Ararat pri, Minni pri hawi Ashakena prichi ai tiu ai nai thui pi u. Lu sa iy tiu pajau ai nai tavailu areng keh vawi takhra u. Akhu kanghuchi kamta tavai thau hai u.

JEREMIA 51:44

Kai ly Babulon mary i Bela tameuh ai kamngo pajeng iy, paviu nai vawnsaichi py pei ali teang hai ai. Khumi cheng cheaungkhangchi ly ni ai mo mang y chiu u ali bi ai ny y. “Babulon mary apaichi ly anawi pawn bo.

JEREMIA 51:47

Hunai deaungkho y Babulon pri i mynchi taphra ai nai neng kani tym ai. Huni pri verei ly kangji nga ai. Mipui bawibawichi py padei nai avum ai.

JEREMIA 51:52

Hunai deaungkho y Babulon pri i mynchi ai kaimy pajeng iy, pri verei i tamo kalem nga nai khumichi i tangam u nai neng kani tym ai.

JEREMIA 51:64

Hunaibaly, ‘Babulon mary ly hina nai kamta tym ai. Areng my phra hai ai nai deaungkho y huni mary ly tup jo ai i, amteng ali teang ai ny y,’ nanai thui pi,” napi. Hini ly Jeremia i taviu nai leuchi tem bo.

JEREMIA 51:8

Babulon mary ly vaimy phra seaungkhrang ryrau veng bo! Huni mary i vui vo hai u! Ni i tamo kalemchi vui asi hau u. Ni i tamo kalemchi hawi sa baly, hawi tan hawi pajau lym ai.

AMTENG HAI NAI 14:8

Naibaly huni bo y kani pri i amtaw thau nai takhra pa-nyh i nai ly, “Babulon avang kalen pui, cheng bawibawichi ai mymy i angai naira deaungkho y kado theu naira kreip athai hang nei hai nai ly anawi veng bo, anawi veng bo,” napi.

AMTENG HAI NAI 18:2

Naibaly mymy ly tao pajeng parai naimy, “Babulon avang pui ly anawi veng bo, anawi veng bo; vawinamchi i awm naira hawi phailo chai y nai cheaungkhangchi i awm reng naira hawi, chai y nai hawi amso awm nai tavo cheaungkhang i awm reng naira py lawn bo.

AMTENG HAI NAI 18:21

Naibaly kani pri i amtaw thau nai ham parai nai my ly choh nip naira lengseaung kalen pui ka-tawm lengseaung la iy, pangli y aphi vui bo i, “Babulon avang pui ly huna nai kamta ty nanai ly aphi vui nai ne ai i, ami py tlen py niu ali ai ny y leang bo.