ISAIA 19:23 - Khumi Common Language Bible

²³ Huni neng tym nai khala y Aikupta pri hawi Asuria pri sala y, lam manglai pui harei sa ai. Huni prichi ra i khumichi ly pri harei hawi pri harei ly, vanrei chiu sa achu u ai.

ISAIA 19:23 ပူးပေါင်းရင်းမြစ်များ

SAM 87:4

Mymy i leu pei nai ly “Kai i leu tangai nai prichi amyn la nai khala, Aikupta pri hawi Babulon pri tabawi ai; Philistin pri, Turu pri hawi Ethiopia pri i khumichi py, Jerusalem mary i khumichi amyn la naira y tabawi ai.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 11:16

Aikupta pri dengdairei Israela chengchi theu u nai thym khala i kamta, Asuria pri y awm rai nai, mymy i khumichi theu u ai nai i vui y, lam manglai pui harei lawm hai ai.

ISAIA 19:24

Huni neng tym nai khala y Israela pri ly Aikupta pri, Asuria pri hawi paleang chakyh ahyh ai. Huni pri thomreichi ly khaileaung pri vereichi i vui hawi naira lawm ai.

ISAIA 2:3

Nichi my, “Areng i mawi salo y Israela chengchi i Tameuh i Achura yhm mang y, achi lyn u sina. Mymy i kangai amtiu u sina. Mymy i vawi takhra pi nai lam y achi tako u sina,” nanai thui u ai. “Areng i reita leu ly Jerusalem mary i dengdairei py, mymy i leu ly Zion mawi salo i dengdairei py theu ai.”

ISAIA 27:13

Huni neng kani tym nai khala y Asuria pri hawi Aikupta pri y pri pala nai avum nai Israela cheng bawibawichi ai palau nai baw eng ai. Nichi py Jerusalem mary y awm nai, mymy i mawi kachai salo y Areng teng jeu iy chiu ai.

ISAIA 49:11

“Kai ly mawi aheungbanchira y, lampui lamlen kasa prei ai. Kai i khumichi i vui y khuleaung lam sa pi rym ai.

ISAIA 49:7

Khumi cheng cheaungkhangchi my niu ngai y nai khri pa-rei avum iy, samrang hawi y naichi i miseaung teng y, Israela chengchi i chai parai nai Tameuh, atleu keung my, “Pri peang nai samrangchi ly nang ai law tleaung hai iy tahm ang khai u ai. Samrang i chapochi my py nang ai niu iy, tahm khai nai lu meung u ai.” Ati mana nai mo nabaly ka-ym awm nai Areng napi nai Israela chengchi i chai parai nai Tameuh ly nang ai vawi takhra nai deaungkho y ne,” napi.

ISAIA 62:10

Jerusalem mary i khumichi awi, mary theung i nai theu u; amychi i pri y vawi nai nangchi i khumichi i vui lam so pi u! Lam pui lam len so u; lengseaungchi aphi u pawn! Khumi mipuichi pany hai ai nai ka-ma-ra tamkhawnchi theaung u.

ISAIA 66:23

“Losi pawi kanichi hawi anawn kani tym nai tleirei, khumi cheng cheaungkhangchi ly Jerusalem mary y jeu iy, kai ai chiu u ai,” nanai Areng my leu pei bo.

MIKHA 7:12

Nangchi i khumichi ly nisi mang Asuria pri dengdairei py, tokalawi mang Aikupta pri dengdairei py, Euphrat tavo jawnbai dengdairei py, palo parai nai panglichi hawi mawichi dengdairei py, nangchi teng y vawi u teang ai.