ISAIA 19:19 - Khumi Common Language Bible

¹⁹ Huni neng tym nai khala y Aikupta pri y Areng i vui maicham harei sa ai. Mymy ai tahm pasang iy leng nai leungcheng harei ly pri khujyhra y awm ai.

ISAIA 19:19 ပူးပေါင်းရင်းမြစ်များ

ATITI AWM ANGCHEI NAI 12:7

Areng ly Abram teng y amteng i, “Hini pri ly nang i kangpreangchi teng y kapei ai,” napi. Naibaly Abram ly mymy teng y amteng hai nai Areng i vui maicham sa bo.

ATITI AWM ANGCHEI NAI 28:18

Jakob ly khawn angthodyh ang thau iy lu tleang nai lengseaung la i pany jo ai nai leng bo. Naibaly mymy ly huni lengseaung salo y olive asitui lei i, Tameuh teng y au nai ne.

SAM 68:31

Aikupta pri i savaichi ly nang teng y ang jeu u ai; Ethiopia pri khumichi ly kiu pheu iy, Tameuh teng y chiu sa hnei takeng u ai.

THEU NAI 24:4

Mosi ly Areng i leu pei naichi tajiu typ bo. Kani pa-nyh khawn angthodyh Mosi ly mawi kheutangra y maicham sa i, Israela cheng holai nyhreichi i vui leungcheng holai nyhrei leng bo.

ISAIA 56:7

“Kai ly kaimy i chai parai nai mawi mang y, nangchi ai pahawi ai. Kai ai chiu nai yhm y nangchi ly amo theu naira nga u ai. Kai i maichamra y nangchi i talam nai leng patlum nai kapathyprachi kakawn pi ai. Kai i Achura yhm ai khumi cheng cheaungkhangchi my chiu sa nai yhm, nanai palau u ai,” napi.

ISAIA 60:7

Kedar pri hawi Nebaioth pri i beram ngiereichi ai kapathypra tawnbawichi lawm ai nai nang teng y ang syn pi iy, Areng my kawn ai nai, maicham salo y apathyp u ai. Areng ly mymy i Achura yhm y mani hawi py atawm y pa-rei, phum-ang nang parai hai ai.

ISAIA 66:23

“Losi pawi kanichi hawi anawn kani tym nai tleirei, khumi cheng cheaungkhangchi ly Jerusalem mary y jeu iy, kai ai chiu u ai,” nanai Areng my leu pei bo.

JEREMIA 46:2

Aikupta pri satang molam y mymy ly hina nai kamta leu pei bo. Areng ly Josia i chapo, Juda samrang Jehojakim i samrang atheng nai palyh saneng y Euphrat tavo sahawi Kakhemish meingtym y, Babulon samrang Nebukhadnezar my tiu nai Aikupta samrang Pharoniko i tavaimichi molam y leu pei nai ne.

Ezekiela 29:1

Achi pri pala naira avum nai saneng horei, lo horei, lo si kani holai nyhrei kani y Areng i leu ly kai teng y tym bo.

Ezekiela 30:1

Naibaly Areng i leu ly kai teng y tym bi bo.

Ezekiela 31:1

Achi pri palara avum nai saneng holai harei saneng, pa-thom lo, lo si kani harei kani y Areng i leu ly kai teng y tym.

Ezekiela 32:1

Achi pri palara avum nai saneng holai nyhrei saneng, lo holai nyhrei, lo si kani harei kani y, Areng i leu ly kai teng y tym.

ZEKHARIAH 6:15

Kamlora y awm u nai khumichi ly jeu iy, Areng i Achura yhm sa palum naira y sabawm u ai. Huni Achura yhm sa palum nai cheang nai khala y, nangchi ly nangmychi teng y kai ai ati cheaungkhang sa thai nai Areng my pato nai ne, nanai pany u ai. Nangchi ly nangmychi i Areng Tameuh i leu pei naichi ai, hawihai palai tangai u lawh baly hina naichi tym ai.

HEBRAI 13:10

Achi ly maicham harei awm i, hunira y ly achura yhm y kalop sa nai keungchi ly cho ngau y.

JOSUA 22:10

Ruben theaung, Kad theaung hawi nisi Manase theaungchi ly Jordan tavo nidym mang i Keliloth meingtym mang y tym u nai khala, khri pa-rei apu parai nai maicham sa u.

JOSUA 22:26

Kaichi maicham sa nai ly kapathypra hawi katalamrachi leng patlum ai nai ny y.

JOSUA 22:27

Kaichi i khumichi i vui py, nangchi i khumichi hawi mo mang deung kangthauchi i vui py, pany hawi nai ka-ma-ra lawm ai nai sa nai ne. Kaichi ly kapathypra hawi katalamrachi ai leng patlum nai katalamra dengdairei, katalamra cheaungkhang hawi Tabynako mo y naini Areng ai chiu ai, nanai hini maicham my pany hai ai. Hini molam y nangchi i kangpreangchi my, kaichi i kangpreangchi teng y, ‘Nangchi ly Areng hawi amtawn abi y leang,’ nanai thui u pajau ai ny y.

JOSUA 22:28

Leu kabeaung y thui lawh baly. kaichi i kangpreangchi my, ‘khen cham, kaichi i amsi pajochi ly Areng i maicham kamta, maicham harei sa u bo. Huni maicham ly leng patlum nai napi nai kapathyprachi talam ai nai ny y. Nangchi i khumichi hawi kaichi i khumichi i vui, pany nai ka-ma-ra naini ne,’ nanai thui pajau ai nai athang khai.

JOSUA 22:34

Ruben theaung, Kad theaungchi my, “Areng ly Tameuh ne, nanai hini maicham ly kaichi i pany hai nai ne sy,” nanai thui naimy huni maicham ai “Pany hai nai” nanai amyn pathi u bo.