ISAIA 18:7 - Khumi Common Language Bible

⁷ Tavochi kangpreira y awm nai huni pri i dengdairei py, kho-ban atho len nai huni khumi chengchi teng i dengdairei py, mo-cha hawi jeng asang nai huni pri khumichi teng i dengdairei py, khaileaung pri vereichi my jei hyn nai khumi teng i dengdairei py, kapathyprachi ai, ati cheaungkhang sa thai nai keung Areng my kawn pi nai neng kani tym ai. Huni khumichi ly ati cheaungkhang sa thai nai keung Areng ai chiu ai nai Zion mawi y jeu u ai.

ISAIA 18:7 ပူးပေါင်းရင်းမြစ်များ

2 NENG SATANG 32:23

Khumi neangneangchi ly Areng i vui katalamrachi hawi, samrang Hezekia i vui langseaungchi py, Jerusalem mary y syn pi u bo. Huni neng dengdairei Hezekia ly pri takhrachi i mo y, tahm asang nai ne.

SAM 68:32

Khaileaung pri bawibawichi awi, Tameuh ai khulym thui naimy palo u; Areng ai khulym thui naimy palo u.

ISAIA 16:1

Tui by y nai daichi ka-vymra y awm nai Selah mary i Moba chengchi ly Zion mawi i chaniu teng y beram harei langseaung pei pi u.

ISAIA 18:2

Huni pri i savaichi ly japang uipo hawi sa nai paleaungchi hawi, Naing tavo ahu kathiu u nai ne. Nangchi rang parai nai savaichi awi, nangmychi i saleaung khuteng mang y vawi u! Naing tavo syh mang y awm nai khaileaung pri vereichi my jei iy sa thai naira awm nai, mo-cha hawi iy jeng asang nai, nangchi i pri khumichi teng y hini satang syn u.

ISAIA 18:4

Baw eng nai katyn kano patheung u! Areng my kai teng y, “Amti amjang tyn nai neng i bi pahui nai dym y, kadamchi tla rypsy nai kamta py, khri pa-rei bi nai neng kani khala kanito ly chai pan naimy angvang phang nai kamta py, kai ly kani pri mang dengdairei chymme naimy khen kathiu ai.

ISAIA 45:14

Areng my Israela chengchi teng y leu pei nai ly “Aikupta pri hawi Ethiopia pri i yhmtheaung katuichi ly nangchi nga u ai. Seba pri i khumi len ka-sangchi ly nangchi teng y miseaung achei u ai. Nichi ly sengkry hawi pakheng naimy, nangchi nithun abang u ai. Nichi ly nangchi i mo y lu meung naimy, hina nai thui pi u ai; ‘Tameuh ly nangchi hawi vanrei awm bo; mymy leaungrei naini Tameuh ne.

MIKHA 4:13

Areng my, “Jerusalem mary i khumichi awi, paleung ka-echi ai tiu ai nai chei u! Kai ly nangchi ai tamo taki hawi kheupaja muikenchi awm nai si katai kamta, atho awm hai ai. Nangchi ly pri neangneangchi ai ati piupa pajau nai deaungkho y, ta-li ta-pang hawimy nichi i nga nai yhmtheaung katuichi ai lawm vui iy, kani khaileaung peang nai keung kai, Areng teng y talam u,” napi.

HABAKKUK 1:7

Khumichi ai jei hyn hai iy paleung len amlyh naimy, reita kateng lam so u y ai.

ZEPHANIAH 3:10

Ahei dan nai kai i khumichi ly palo parai nai Ethiopia pri dengdairei malawn py, kai teng y katalamrachi ang syn u ai.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MATTHAI 2:11

Naibaly nichi ly angtheung y kun u iy amhm Mari teng y deaungdicho ai niu, naibaly ambeu iy mymy ai chiu bo: naibaly mymychi i yhmtheaung khai naira paeaung u i, mymy teng y muku, kathan, mura talam iy pei u bo.