ISAIA 17:8 - Khumi Common Language Bible

⁸ Nichi ly mymychi my sa nai maichamchi ai py, Aser kani anglo ai chiu ai nai mychi kiu hawi sa patyp nai tamkhawnchi hawi rimui muikatuichi patawi naira maichamchi ai py, ym u ai ny y.

ISAIA 17:8 ပူးပေါင်းရင်းမြစ်များ

2 SAMUELA 22:42

Nichi ly atleu ai nai keung hau i py, atleu nai keung by y; Areng ai palau u teu i py, pathang pi y.

2 NENG SATANG 14:5

Juda pri mary tleirei i myn chiu nai meingtymchi hawi rimui patawi nai maichamchi taphra nai deaungkho y, huni samrang i peang nai deung y, pri ly tlamsa nai ne.

2 NENG SATANG 31:1

Pawi lui nai bo y Israela cheng bawibawichi ly Juda pri mary tleirei y chei iy, lengseaung leungchengchi hawi tameuhnu Asherah i tamkhawnchi taphra u. Maichamchi hawi myn chiu nai maichamchi py panawi u bo. Nichi ly Juda khu ka-peang, Benjamin khu ka-peang hawi Manase khu ka-peangchira py, hina nai kamta sa u chum baly, mymychi i yhm mang y vawi u nai ne.

2 NENG SATANG 34:4

Ni i leu pei nai kamta Bala tameuh ai chiu nai maichamchi taphra pawn iy, tameuhnu Asherah mynchi hawi takhra mynchi py taphra piupa pawn chum baly, huni maichamchira apathyp nai khumichi i tapreaungchi salo y hei u phro bo.

THEU NAI 34:13

Nangchi ly nichi i maichamchi panawi pawn ai nai tla; nichi i tameuh leungchengchi taphra ai nai tla; nichi i tameuh nu Aser i mynchi py, paliu pawn ai nai tla.

ISAIA 1:29

Nang ly dengkeaung keungchi ai chiu lawh nai deaungkho y, chiu ai nai akho baichi sa lawh nai deaungkho y, paleung si naira avum ai.

ISAIA 10:20

Dei kamthum Israela khumichi ly mymychi ai myh kang vi pa-rei taphra nai khumichi teng y paleung pado y ai nai neng kani tym ai. Nichi ly Israela chengchi i chai parai nai Areng Tameuh ai meitang khyp, ym u tatang ai.

ISAIA 17:9

Huni kani tym nai khala, khaw parai nai lengseaung apai tapang nai marychi ly Hivit hawi Amori chengchi ly Israela chengchi teng i preang u nai khala y khai su nai marychi kamta, khumi angso savai tlang nai lawm iy phra seaungkhrang ai.

ISAIA 2:8

Nichi i pri ly mynchi hawi kawi na i, khumichi ly mychi kiu hawi sa naichi ai chiu u bo.

ISAIA 27:9

Myn chiu naira maicham lengseaung ngierei ly lengseaung kangleung kamta, deng piupa iy, Aser tameuh nu i mynchi, ti y baly mui katuichi leng patlum nai maichamchi pipi by y na pa-rei khei pi pawn nai khala, Israela chengchi ly mychi kamngora i nai law tleaung naira nga u ai.

ISAIA 30:22

Nangchi ly tangka hawi sa nai mynchi, muku hawi paleaung nai mynchi la iy, “Kaichi mei keung i nai theu u la!,” nanai thui iy chainem y nai kamta aphi vui ai.

ISAIA 37:19

Nichi i tameuhchi ai ly mai veang pawn nai ly kaichi pany. Huni tameuhchi ly tameuh tatang ny y. Khumi i kiu y sa nai dengkeaung myn hawi lengseaung mynchi teu.

ISAIA 41:29

Hini tameuh bawibawichi ly ati sai py ny y. Nichi ly ati sai py so u thai y. Nichi i mynchi py jy iy, sa thai naira by y.”

ISAIA 44:15

Khumi ly dengkeaung keung phyreichi ai theng palawn iy, phyrei ai ly myn sa ai nai teaung bo. Dengkeaung phyreichi ai mai a-awm ai nai hawi, tako paawp ai nai mai paeng iy, takhra phyreichi ai ly tameuh myn sa iy chiu nai ne.

JEREMIA 17:2

Mawi aheungchira y awm nai heng-yh nai dengkeaung keung ngiereichi sahawi y py, mawi saleungchi salo y py, Asherah tameuh myn i vui pado pi nai leungchengchi hawi maichamchira y, nangchi i cho chanauchi my chiu u nai ne. Nangchi ly nangmychi i pri verei y sa tamang u nai kamngochi molam y,nangchi i yhmtheaung katui muku, tangka, vang katengchi ai, nangchi chiu u nai mawi aheungchi hawi vanrei, paleung ka-echi teng y kaimy kapei vui ai.

Ezekiela 36:25

Kai ly nangchi ai tui kachai hawi katheng iy, nangchi i mynchi hawi nangchi ai chai hai y nai ngiereichi ai py chai hai bawibawi ai.

HOSEA 14:8

Israela khumichi ly mynchi hawi atakai u ai. Kai ly nichi i chiu sa nai tangai iy, nichi ai kry ai. Kai ly heng-yh jo nai keung kamta, nichi ai ama hai ai. Kai ly nichi i vui amtheaungra lem phraiphreaung pa-rei leaung naira lawm ai.

HOSEA 14:9

Tau cheng nai khumi hawi dawn pasym thai nai khumichi ly hini cha-iura tajiu nai ngiereichi ai dawn pany thai iy, paleung theung y pateung u me na sy. Areng my khai pi nai reitachi ly teng nai deaungkho y khumi kahawichi ly huni reita lamchi kamta tangai iy, heng u bo. Na i py kamngo sa nai khumichi ly huni reita lamchira y tako u y nai deaungkho y, athei thleaung iy atlym u nai ne.

ZEKHARIAH 13:2

Huna nai khala kai ly hini pri y awm nai mynchi amyn taphra vui ai i, hunichi ai mo mang y ami py pany u ali bi ai ny y. Amymy ai amo ne, nanai thui nai ngiereichi ai, kaimy tama hai vui ai. Myn y chiu ai ngai nai paleung ka-dawn ai py taphra vui ai.

Leu Thui Nai 7:5

Hunai deaungkho y nichi i maichamchi taphra ai nai tla. Nichi i tameuh lengseaungchi ai panawi ai nai tla. Kani anglo Aser tameuh i mynchi py panawi ai nai tla. Nichi i mynchi py veang pawn ai nai tla.