ISAIA 17:10 - Khumi Common Language Bible

¹⁰ Aw Israela pri, nang ly nang ai atleu iy lengseaung pui kamta ama hai nai Tameuh ai tami veng lawh bo. Nang ly cheng takhra khumichi i tameuh ai chiu ai nai apu parai nai keungchi ui nai ne.

ISAIA 17:10 ပူးပေါင်းရင်းမြစ်များ

1 NENG SATANG 16:35

“Kaichi ly kawn naimy palo iy nang i amyn kachai palo ai nai kaichi i atleu keung Tameuh, kaichi ai atleu kyh ba. Kaichi ai pangym iy kaichi ai khumi cheaungkhangchi kiu i nai atleu kyh ba,” nanai mymy teng y takeng u.

SAM 106:13

Na i py nichi ly mymy i sa nai saichi ai vaimy tami veng ryp chum baly, mymy i lam patei naichi ajeng y naimy sa u vui bo.

SAM 106:21

Aikupta pri y lyh ai hawi nai leaungsaichi hawi, mymychi ai atleu pi nai Tameuh ai tami u bo.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 31:2

Kai i hnei takeng nai tangai pi kyh ba! vaimy kai ai atleu kyh ba! Kai ai ama hai ai nai, kai i abyhra lengseaung ne. Ang sabawm ai nai kai i lengseaung yhm ne.

SAM 65:5

Nang ly kaichi i chiu sa hnei takeng nai tangai pi iy, eaung naira nga hai bo; lyh ai hawi naichi sa naimy, kaichi ai atleu nai ne. Khaileaung pri verei hawi, pangli katem mang y awm u nai khumi bawibawichi ly nang ai ym u bo.

SAM 79:9

Aw Tameuh, kaichi ai sabawm ly atleu kyh ba; nang i amyn saho y kaichi ai atleu iy, kaichi i kamngochi py pahen pi kyh ba.

SAM 85:4

Kaichi ai atleu nai keung aw Tameuh, kaichi ai ali hai teang kyh ba; kaichi ai khrei y nai awm vui moh ba!

SAM 9:17

Tameuh ai khai su nai khumi bawibawichi hawi, khumi hawi y nai bawibawichi ly dei naira y lam tem u ai.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 17:9

Huni kani tym nai khala, khaw parai nai lengseaung apai tapang nai marychi ly Hivit hawi Amori chengchi ly Israela chengchi teng i preang u nai khala y khai su nai marychi kamta, khumi angso savai tlang nai lawm iy phra seaungkhrang ai.

ISAIA 18:5

Kreip athaichi pakym y rai khala y, pauchi vui i athaichi myn nai neng khala y, haisau hawi kreip changpichi ai jadeu naimy ateng pawn nai kamta, Ethiopia chengchi ai paleung ka-e my tamyh pawn ai.

ISAIA 25:4

Khumi kamawnchi hawi jeaungmang nai khumichi ly nangmy teng y abyh u nai deaungkho y, patang naira tym nai neng khala y chymme naira nga u nai ne. Nang ly nichi ai alipui khupuira i nai ama hai nai py, khri pa-rei kabi ango naira i abyh ai nai ka-khui ka-ji py pei bo. Pahyp y naimy ana nai khumichi i tiu naira y kaseih ali kaho hawi py,

ISAIA 26:4

Areng ai ly ym u jojo; mymy ly achi ai ama hai jojo ai.

ISAIA 30:29

Na i py Tameuh i khumichi awi, nangchi ly vum y sa nai reita pawi kamta, amo theu naimy khulym thui u ai. Nangchi ly Israela chengchi i abyh nai keung Areng i Achura yhm mang y chei nai lam y, byhlyh katyn hawi kamlym tako u nai khumichi kamta amo theu u ai.

ISAIA 33:2

Aw Areng, kaichi ai pahen kyh ba. Kaichi ly nang ai kadeaung nai ne. Kani tleirei kaichi ai ama hai iy, patang naira tym nai neng khala atleu kyh ba.

ISAIA 44:8

Aw kai i khumichi awi, jei u moh! Kai ly jangni jangkhawn i dengdai vai khrairei, tym ai nai atitichi ai thai hai yb nai ly nangchi pany u nai ne. Nangchi ly kai i pany hai nai keungchi lawm u bo. Kai ny y baly tameuh takhra awm rai a? Mana khala py kai thai vai y nai sa thai nai keung tameuh awm rai a?

ISAIA 51:13

Kani khusang ai khiu tapai iy, khaileaung y langdeng pala nai nangchi ai sa nai keung Areng ai nangchi ly tami veng bo sai a? Nangchi ai pahyp y naimy ana nai khumichi, nangchi ai tamyh pawn ai nai angveirym nai khumichi ai ati mana nai y nangchi ly jei u lyhlyh naimy awm u lawh mo? Nangchi i kado theu nai ly nangchi ai mana khala py, ka-jeira tym hai pajau y leang.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

ISAIA 62:11

“Nangchi ai atleu nai keung Areng ly mymy i atleu pi nai khumichi ai hawi iy ang jeu ai,” nanai Jerusalem mary i khumichi teng y thui pi ai nai, Areng ly khaileaung pri khumi bawibawichi teng y amthang hai ai.

JEREMIA 12:13

Kai i khumichi ly choh pati teu i py, kabeng alengchi naini tyn u ai. Nichi ly khri pa-rei kalop sa u teu i py, ati sai py kamran by y. Kai i kado theu ala nai deaungkho y, nichi ly kaji ai hawi nai athai pakym u ai,” napi.

JEREMIA 17:13

Aw Areng, nang ly Israela chengchi i athang khai naira ne. Nang ai khai su nai ngiereichi ly kangji nga u ai. Nichi ly hengra tuino, napi nai Areng nang ai khai su nai deaungkho y, spryhra y tajiu nai amynchi kamta, tama u pawn ai.

JEREMIA 2:32

Anglo ly mymy i amia lengseaungchi ai py, deaung vawi nai anglo ly mymy i apom nai ateaungchi ai py, tami vui thai na a? Na i py kai i khumichi ly kati pajau y nai neng kanichi neng khala, kai ai tami u veng bo.

JEREMIA 3:21

Mawi aheungchi salo y raawi thai nai ne. Huni raawi ly Israela mipuichi i kamngo theung y anum naimy mymychi i Areng Tameuh ai tami u veng nai deaungkho y, vo tangam nai tarawi y hnei takeng u nai raawi ne.

Ezekiela 22:12

Nang theung i nang i khumi phyreichi ly un cha iy, khumi ai padei nai keungchi lawm u bo. Phyrei khumichi ly mymychi Israela chengchi teng y tangka paseng i, kamran la iy mymychi ai nang hai u. Nichi ly kai ai tami u veng bo,” napi. Hini ly sa thai naira angym nai Areng i leu ne.

Ezekiela 23:35

Sa thai naira angym nai Areng my leu pei nai ly “Nang ly kai ai tami vui iy nithun thun naimy kamleaung paleung hawi bima kalop sa nai molam y, nang ly patang naira avum ai,” napi.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

HOSEA 8:14

“Israela khumichi ly samrang yhmchi sa u teu i py, mychi ai sa nai keung ai tami u bo. Juda khumichi ly khaw parai nai marychi sa u. Na i py kai ly nichi i samrang yhmchi hawi marychira y, mai tla iy kang hai ai.”

JOELA 1:17

Amti amjang tichi ly khaileaung jengha nai theung y veaung veng bo. Pateung achu ai nai chohpui chomaw by y nai deaungkho y akeu rang nai chohpaichi ly phra pawn nai ne.

Levi 26:16

kai ly nangchi ai kang pajeng ai; asi sa iy hawi thai y nai no-na mo, mei paju hai nai hawi atho di hai nai no-na mo, nangchi teng y kang tym hai ai. Nangchi ly amti amjangchi pati i py, kamran by y ai; ati mana nai mo na baly nangchi i paleung ka-echi ly nangchi ai tiu nai pajau ai i, nangchi i pati nai amti amjangchi cha u pawn nai deaungkho y ne.

Levi 26:20

Nangchi i khaileaung ly amti amjang thawn ai ny y, thengthai khulawn py athai y nai deaungkho y, nangchi atho no kalop sa nai ngierei ly atyhtyh lawm ai.

AMOS 5:11

Nangchi ly khumi kamawnchi ai ana iy, nichi i chohpui chomaw ai lawm u bo. Hunai deaungkho y nangmychi sa nai yhm hlau kahawichira y, nangchi ly awm ai nai ngo u y. Nangmychi ui nai apu parai nai kreip akho i, kreip hang py nei ai nai ngo u y.

HABAKKUK 3:18

Aw Areng Tameuh, nang ly kai i atleu keung ne nai deaungkho y, kai ly amo theu naimy awm ai.

ZEPHANIAH 1:13

Khumi takhrachi ly huni khumichi i yhmtheaung katuichi lawm iy, nichi i yhmchi taphra u ai. Nichi ly mychi sa nai yhmchira y, mana khala py awm ai nai nga u ai ny y. Mychi i ui nai kreip akhochira i kreip hang py, nei ai nai nga u ai ny y,” napi.

Leu Thui Nai 28:30

“Nang hawi apom ai nai angam yb nai neampachy ai takhra khumi leaungrei my pom vui ai. Nang ly yhm sa i py, huni yhm y awm ai nai ngo y ai. Nang ly kreip akho sa i py, athai cha ai ny y.

Leu Thui Nai 32:15

“Areng i khumichi ly nang ra nang ra nai ne, na i py tiu u lawh; nichi ly veung tlang hawi u, teicha teinei kajeu kawi pa-rei cha ai nai nga; mychi ai sa nai keung Tameuh ai khai su iy, sa thai naira awm nai keung ai hi u vui bo.

Leu Thui Nai 32:18

Nichi ly sa thai naira awm nai atleu keung, mymychi ai hengra pei nai keung Tameuh ai tami u vui bo.

Leu Thui Nai 32:31

Nichi i paleung ka-echi ly mymychi i tameuhchi atho jy iy, Israela chengchi i Tameuh kamta sa thai naira len y, nanai pany u.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

Leu Thui Nai 6:12

Aikupta pri miseaung i nai nangchi ai atleu nai keung Areng ai tami y ai nai dawn u jo.

Leu Thui Nai 8:11

“Nangchi i Areng Tameuh ai tami y ai nai dawn patyp u; vaini nangchi teng y kang pei nai mymy i reitachi patawm ai nai tami u moh.

Leu Thui Nai 8:14

nangchi ly amlyh am-e iy Aikupta pri miseaungra i nai atleu pi nai keung, nangchi i Areng Tameuh ai tami y ai nai dawn u.

Leu Thui Nai 8:19

Nangchi i Areng Tameuh ai tami vui iy, tameuh takhrachi ai chiu u moh. Huna nai sa lawh baly nangchi ly phra takengkei ai, nanai nangchi teng y vaini kang pany hai nai bo.