ISAIA 16:14 - Khumi Common Language Bible

¹⁴ Vai ly Areng my, “Saneng thomrei awm khyp nai khala, Moba pri i yhmtheaung katuichi ly tama pawn ai. Mipui neangneangchi theung i khumi maidenreichy naini, dei kamthum awm ai. Nichi py atho bai naimy awm u ai,” napi.

ISAIA 16:14 ပူးပေါင်းရင်းမြစ်များ

ATITI AWM ANGCHEI NAI 31:1

Labana i chapochi my, “Jakob ly ngaai i yhmtheaung la krai bo; ni ly ngaai i yhmtheaungchi hawi nang chawn veng bo,” nanai thui nai ly Jakob thai nai ne.

ESTHER 5:11

Naibaly Haman ly mymy i nang nai saichi, chapo neangneang awm naichi, samrang my ni ai kalop kalenra y tahm pasang naichi hawi samrang yhm i takhra miteaung kehchi tleaung y malawn py, aly lenkeh naira abawi naichi amlyh nai ne.

JOBA 14:6

Ni teng i nai meimai hi vui iy, my tlairei naini awm hai khyh ba. Tham nai khumi kamta, kalop ram sa iy awmnem pajau ai nabaly, awmnem ai nai pei kyh ba.

JOBA 7:1

Khumi ly khaileaung y akawm parai naimy kalop sa ai tla nai ne. Kalop ram sa nai khumi hawi atawm.

ISAIA 11:14

Huni pri nyhreichi ly amkawm iy nidym mang y awm nai Philistin chengchi ai tiu iy, nisi pri mang y awm nai khumichi i yhmtheaung katuichi lawm u ai. Nichi ly Edom chengchi hawi Moba chengchi ai pajau iy, Ammon chengchi ai py mychi i sa thai naira anui y awm hai ai.

ISAIA 15:5

Kai ly Moba pri i vui vo tangam bo! Mipuichi ly Zorath mary Ekalath Shelishija ryrei preang u. Phyrei khumichi ly meikatui tla naimy, Luhith mawi lam kataw lyn u bo. Phyreichi ly paleung si vo hang naimy, Horonam mary mang y preang u nai ne.

ISAIA 16:13

Hini leu pei nai ly Moba pri molam y, angchei khala i dengdairei Areng my pei nai leu ne.

ISAIA 17:4

Areng my, “Israela pri i phum-ang haiho jum ai nai neng kani tym ai. Huni pri ly nang chawn naira i nai kamawn ang vum ai.

ISAIA 21:16

Huni bo y Areng my kai teng y, “Sanengrei awm nai bo khala y Keda cheng theaungchi i phum-ang ly tama pyn vui ai.

ISAIA 23:9

Ati cheaungkhang sa thai nai keung Areng ne na a. Mymy ly nichi i paleung len nai sai nau hai vui ai ngai nai deaungkho y, nichi theung y tahm awm nai khumichi ai tahm pasang vui ai ngai nai deaungkho y, hina nai sa nai ne.

ISAIA 25:10

Areng ly Zion mawi ai ama hai ai. Na i py Moba pri khumichi ly sieichi hawi angtlen nai chohphi kamta, ati piupa nai avum ai.

ISAIA 25:11

Nichi ly tui jau nai kamta kiuchi hawi atho sa naimy kalai na teu i py, Tameuh ly nichi i paleung len nai panem vui nai deaungkho y, kiuchi jitang naimy awm hai ai.

ISAIA 7:16

Huni neng kani tym y rai khala my, nang jei nai samrang leaung nyhrei i pri ly khumi angso savai tlang nai lawm ai.

JEREMIA 48:42

Moba pri ly kai ai tiu lawh nai deaungkho y tamyh naira avum i, pri harei malawn py, amlum ai ny y leang bo.

JEREMIA 9:23

Areng my, “Khumi kacheng ly my i tau cheng nai ai atho len nai khumi ly my i atho len nai ai, nang chawn nai khumi ly my i nang nai ai, amlyh ai nai avo y.

Leu Thui Nai 15:8

Kapahen paleung khai iy ni i ngai nai jirei alai pi ai nai tla.