ISAIA 15:5 - Khumi Common Language Bible

⁵ Kai ly Moba pri i vui vo tangam bo! Mipuichi ly Zorath mary Ekalath Shelishija ryrei preang u. Phyrei khumichi ly meikatui tla naimy, Luhith mawi lam kataw lyn u bo. Phyreichi ly paleung si vo hang naimy, Horonam mary mang y preang u nai ne.

ISAIA 15:5 ပူးပေါင်းရင်းမြစ်များ

ATITI AWM ANGCHEI NAI 13:10

Huna nai khala Lota ly khen angdeang prei i, Zoar mary khrairei, Jordan tavo jawn jeungrei ly Areng i Akho ti y baly, Aikupta pri kamta py tui hawi nai niu bo. (Huni ly Areng my Sodom mary hawi Komora mary taphra y rai kha i meingtymchi ne.)

ATITI AWM ANGCHEI NAI 14:2

Sodom samrang Bera, Komora samrang Birasa, Adamah samrang Sinaba, Zeboim samrang Semeber, Bela samrang ti y baly Zoar samrang leaung pangreichi ai tavai tiu u bo.

ATITI AWM ANGCHEI NAI 19:22

angpreng kaliki jau! Nang hu y tym y ryrei ly kai ati sai py so y leang mang,” napi. Huni mary katheang ai ly Zoar, nanai amyn pathi bo.

2 SAMUELA 15:23

Davida nithun abang naichi theu u nai khala y, mipuichi ly vo hang u. Samrang hawi abang nai khumi bawibawichi ly Kidron tavo angpeang iy daichi ka-vym mang y tako u bo.

2 SAMUELA 15:30

Davida ly phainai aleng iy paleung si nai ka-ma-ra lu amym i, vo nai tarawi y Olive mawi mang y lyn kalau bo. Ni i nithun abang u nai khumi bawibawichi py, lu amym iy vo u.

ISAIA 16:14

Vai ly Areng my, “Saneng thomrei awm khyp nai khala, Moba pri i yhmtheaung katuichi ly tama pawn ai. Mipui neangneangchi theung i khumi maidenreichy naini, dei kamthum awm ai. Nichi py atho bai naimy awm u ai,” napi.

ISAIA 22:5

Hini neng ly paleung mei y niu nai ka-jeira, sum naira hawi ahei phrophra nairachi tym nai neng ne. Ati cheaungkhang sa thai nai keung Areng my py, kaichi ai huni neng avum hai nai ne. Kaichi i mary apaichi ly taphra naira avum veng bo. Kasabawmra ngai nai khumichi i aeu nai raawichi ly mawi aheungchi mang y katyn avah na veng bo.

ISAIA 59:7

Nangchi ly hawi y nai sai sairei dawn jojo naimy, kamngo sa ai nai ajeng u keaung na. Kamngo by y nai khumi ai padei ai nai kiu patyh y. Nangchi tym nai meingtym tleirei y, phra nairachi naini awm jo nai ne.

JEREMIA 13:17

Nangchi tangai u y lawh baly, kai ly nangchi i amlyh am-e nai molam y vo paryp ai. Kai ly paleung si nai khri pa-rei vo ai. Ati mana nai mo nabaly Areng i khumichi ly langheng y hawi pawn nai deaungkho y, kai ly meikatui tla ai.

JEREMIA 17:16

Na i py aw Areng, kai ly beram typ nai keung kalop khai su nai ny y leang. Ngari kamtang tym ai nai kani kadeaung nai py ny y leang, nanai nangmy pany nai ne. Kai i labeaung mang katheu nai leuchi nang pany.

JEREMIA 4:19

Kai i paleung pathym no-ei na! kham pajau y na pa-rei no-ei na! Kai i paleung khri pa-rei ahyn thlyhthlyh na! Kasa them nai bo! Kai ly awm py thai y bo. Baw eng nai katyn hawi tavai tiu aeu nai raawichi py kathai bo.

JEREMIA 4:20

Ka-jeira ly harei bo baly harei tym dudu nai ne. Pri verei py phra seaungkhrang naimy awm bo. Achi i taichi ly tlenrei khyhmy anawi pawn iy taira i kanih jang naichi py aseih piupa veng bo.

JEREMIA 48:3

Horonam mary i khumichi my, ‘Khrukhra naira! Tamyh naira!,’ nanai aeu u bo.

JEREMIA 48:5

Luhith mawi akham lam jeungrei y nichi i vo sang-eng nai katyn hawi, Horonam mary mang y satla nai angthiu lam jeungrei y, paleung bi naimy aeu nai raawichi py tangai u.

JEREMIA 50:46

Babulon mary anawi nai khala, khri pa-rei katyn amsau nai deaungkho y, khaileaung pri verei amchyh nanai. Jei hyn naimy aeu nai katynchi ai py, khumi cheng cheaungkhangchi my thai u ai,” napi.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

Kati Nai 21:29

Moba pri i khumichi awi, nangchi ly khri pa-rei ngari kamtang avum u na bo ly! Khemosa tameuh ai chiu nai khumichi py phra u be bo! Nangchi i tameuhchi ly nangmychi i chengchi ai tavai kapreangchi lawm hai iy, neampachychi ai Amori samrang i langhengchi lawm hai bo.