ISAIA 14:29 - Khumi Common Language Bible

²⁹ Aw Philistin khumichi awi, nangchi ai pakhau nai thengbeang ly tleu veng bo; na i py nangchi amo theu u ai naira by y. Pavui harei dei nai khala, huni pavui tleaung y kaso nai takhra pavui harei khei bi ai. Pavui kaduira i nai thailai kaso keh nai Naka kangkheang khei reng lawh nai ne.

ISAIA 14:29 ပူးပေါင်းရင်းမြစ်များ

2 ARENG KEH 18:8

Ni ly Philistin khumichi ai py tiu. Kaza mary hawi tengpang sahawi i khu ka-peang raurei, nichi awm nai avang katheang kalenchi py tiu i pajau bo.

2 NENG SATANG 26:6

Uzia ly Philistia chengchi ai tiu i, Kath mary, Jamania mary hawi Ashado mary apaichi taphra iy, Ashado mary sahawi hawi, Philistia pri meingtym takhrachira y apai sa nai marychi palum nai ne.

2 NENG SATANG 28:18

Huni neng khala my Philistia chengchi ly Juda pri tokalawi hawi nidym mang y awm nai mawi kheutangra i marychi ai tiu u bo. Nichi ly Beth Sheme mary, Aijalon mary, Kedaro mary, Sokoh mary, Timnah mary. Kimazo mary hawi avangchi peang vui iy, huni marychira y khuteng sa u nai ne.

LEU KACHENG 24:17

Nang i paleung ka-e ly ka-jeira avum nai khala, amo theu moh. Ni i pathuikhe iy atlym nai khala, amo theu paleung ateng hai moh.

ISAIA 11:14

Huni pri nyhreichi ly amkawm iy nidym mang y awm nai Philistin chengchi ai tiu iy, nisi pri mang y awm nai khumichi i yhmtheaung katuichi lawm u ai. Nichi ly Edom chengchi hawi Moba chengchi ai pajau iy, Ammon chengchi ai py mychi i sa thai naira anui y awm hai ai.

ISAIA 11:8

Kanu kanei deaungdichi ly pavui kangso kho peang y pavai lawh teu i py, pavui thailai ka-jeira avum ai ny y.

ISAIA 14:31

Aw Philistin mary bawibawichi awi, vo tangam naimy aeu iy kasabawmra hnei u! Nangchi bawibawi py jei hyn naimy awm u! O-a sorai paleung awm nai khumi leaungrei py abawi y nai tavaimi kamkawm pui harei ly khaileaung khyhmeung naimy tosyh mang dengdairei ang jeu u bo.

ISAIA 2:6

Aw Tameuh, nang ly Jakob i katu chanauchi ne nai, nangmy i khumichi ai khai su lawh ly! Nichi i pri py nisi mang i prichi, Philistin chengchi i atam kakawp teaung naichi hawi kawi na bo. Mipuichi ly pri takhra reita tanynchi teaung u nai ne.

ISAIA 30:6

Tameuh i hini leu pei nai ly tokalawi mang daichi ka-vymra y awm nai, daichi mawichi i vui ne. Mymy ly “Savaichi ly khrangsichi aeung nai meingtym, pavui kangsochi, naka kangkheangchi awm iy ka-jeira nawi nai meingtym y tako u prei nai ne. Huni khumichi ly mymychi ai ati kasabawmra py pei pajau y nai khumi cheng i vui y, vang kateng langseaungchi ai keaungngo kano kasauchi, kula-iuchi hawi tang iy syn u bo.

JEREMIA 47:1

Kaza mary ai Aikupta samrang my tiu y kyh rai khala y, Philistin chengchi molam y Areng ly kai teng y leu ang pei nai ne.

TANGAM NAI LEU 2:17

Kangkhym y ly Areng ly mymy i leumo pei yb nai kamta, sa pi khyp bo. Mymy ly jangni i ka-so ang pany hai nai kamta khyp, achi ai pahen y naimy ang taphra be bo. Mymy ly achi i paleung ka-echi ai eaung naira pei i, achi atlym nai molam y amo theu hai bo.

Ezekiela 25:15

Sa thai naira angym nai Areng my, “Philistin pri khumichi ly mymychi deungrei paleung ka-e khai nai Judachi ai pahyp y naimy vawitheung tha iy, niu ngai y nai paleung hawi tamyh u bo.

Ezekiela 26:2

Mymy ly “Nang khumicho awi, Turu mary i khumichi my, ‘Jerusalem mary i katheu pa-kho ly phra vui bo! Huni mary i katheuchi ly am-eaung naimy awm bo! Huni mary ly kaichi hawi acham nai mary ny y leang bo!,” nanai amo theu naimy aeu u nai ne.

Ezekiela 35:15

nang phra nai thym khala py, khaileaung pri verei amo theu u ai nai, kai ly nang ai khumi angso savai tlang nai meingtym lawm hai ai. Seira mawi napi nai Edom pri verei ly khumi angso savai tlang nai meingtym lawm ai. Huna nai khala kai ly Areng ne, nanai khumi lutengchi my pany ai,” napi.

HOSEA 9:1

Israela khumichi awi, cheng takhra khumichi kamta, amo theu naira pawichi so u moh. Nangchi ly nangmychi Tameuh i leu tangai u y bo. Nangchi ly pri vereira y amymy ai bima lawm ai nai, bala tameuh teng y jo u. Amti amjang thengthaichi thawn nai ly Bala tameuh my tamen nai saho y ne, nanai nangchi dawn u lawh!

JOELA 3:4

Turu mary, Sidon mary hawi Philistia pri meingtym tleirei i khumichi awi, nangchi ly kai ai ati sa ai nai atho sa u nai mo? Kai ai vawitheung tha ai nai atho sa u nai a? Huna nai atho sa u lawh baly, kai ly nangchi ai vawitheung tha manme ai!

AMOS 1:6

Areng my, “Kaza mary i khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly khumi cheng vui jeungreichi ai, Edom khumichi teng y miseaung y jo u nai ne.

AMOS 1:8

Asadod hawi Asakelon marychi peang nai khumichi ai katamyh vui ai. Kai ly Ekron mary ai py kapajeng ai. Awm asai rai nai Philistia khumi ngiereichi py, dei u be ai,” napi.

OBADIA 1:12

Nang ly Juda pri i nangmy i amjo amnauchi, taham kasi avum nai ai paleung ateng hai ai nai avo y. Nichi phra nai kani y amo theu ai nai avo y. Nichi paleung bi u nai thym khala nang ly amlyh ai nai avo y.

MIKHA 7:8

Kaichi i paleung ka-echi ly kaichi i kamngo nai molam y amo theu ai nai lam by y. Kaichi atlym i py, ang thau teang ai. Vai i neng y kaichi ly kaveng theung y awm i py, Areng ly kaichi i tlang tleaung y kangvang sangso tym hai ai.

ZEPHANIAH 2:4

Kaza mary theung y khumi leaungrei py awm ai ny y. Asakelon mary ly khumi angso savai tlang nai meingtym lawm ai. Asadod mary i khumichi ly kani khurei my paryh nai avum u i, Ekron mary i khumichi ly huni mary i dengdairei, preang u ai nai tla ai.

ZEPHANIAH 2:5

Pangli peang jeungrei y awm nai Philistia khumichi awi, pangli peang jeungrei y awm nai Kherati khumichi awi, nangchi ly taham si. Areng ly nangchi ai kamngo vang ang pajeng bo. Mymy ly nangchi ai tamyh ai nai deaungkho y, nangchi leaungrei py awm ai ny y.

ZEPHANIAH 3:11

Aw Kai i khumichi awi, huna nai khala nangchi ly kai ai tiu u nai molam y, kaji ai nai ngai y leang bo. Kai ly paleung len nai khumi, amlyh am-e nai khumi ngiereichi ai taphra pawn ai; nangchi ly mo mang y mana khala py, Jerusalem mary i chai parai nai mawi salo y, kai ai tiu u ai ny y.

ZEKHARIAH 9:5

Hina nai ai Asakelon mary ly niu iy, jei hyn ai. Kaza mary py niu i, paleung mawn, kaso theu ai. Ekron mary py hunai kamta ne iy, ni i athang khai naichi phra pawn ai. Kaza mary ly samrang kangpreang leu baw ai i, Asakelon mary ly khumi angso savai tlang naimy awm ai.

Kati Nai 21:8

Naibaly Areng my Mosi teng y, tamo ngan hawi pavui myn sa iy teang tleaung y dang ai nai leu pei. Pavui my patiu nai khumichi ly huni pavui myn ai khen baly dei y naimy tleaung u ai, nanai thui hai bo.

JOSUA 13:3

tokalawi mang y awm nai Avim chengchi i peang nai khu verei ai, peang vui ai nai awm rai nai ne. (Aikupta pri khujyh theung y awm nai Shihor micheaung dengdairei, tosyh mang Ekron khujyh tym pa-rei kau nai khu ka-peang ly Kanan chengchi awm nai khu ka-peang ne. Philistia samrangchi ly kaza mary, Arzu mary, Esakalon mary, Kath mary hawi Ekron marychira y peang nai ne.)