ISAIA 14:23 - Khumi Common Language Bible

²³ Kai ly Babulon mary ai akai hai iy, beaungkuchi ly huni meingtym y awm u ai. Kai ly yhmpheu pasi nai khumi kamta, Babulon mary i awm nai ngiereichi ai taphra pawn ai. Hini ly ati cheaungkhang sa thai nai keung kai, Areng my thui nai leu ne,” napi.

ISAIA 14:23 ပူးပေါင်းရင်းမြစ်များ

1 ARENG KEH 14:10

Hini molam y kai ly nang i samrang kangpreang phra hai ai; katheang kalen patleh takhra y naimy, nang i katu chanauchi i neampacho ka-so ngierei ai ly katamyh vui ai. Nang i yhm dengtheungchi ai py kaimy pasyn vui ai; nichi ai siei kamta pasyn pan vui ai.

2 ARENG KEH 21:13

Samari mary hawi Israela samrang Ahaz hawi katu chanauchi ai pajeng nai kamta, Jerusalem mary y kapajeng ai. Tamui changpyn iy pakhiu meuh nai samtang kamta, Jerusalem mary theung y khumi leaungrei py by y na pa-rei katamyh ai.

ISAIA 13:20

Huni meingtymra y mana khala py khumichi awm ai nai nga u ai ny y. Mani Arab cheng khuleaung kacheichi py, tai sa iy anga ai nai nga u ai ny y. Mani beram typ nai keungchi py huni meingtym y, mychi i beram kanghuchi sui patlai ai nai nga u ai ny y.

ISAIA 13:6

Ati cheaungkhang sa thai nai keung ly ka-jeira tym hai ai nai neng kani napi nai, Areng i tara chih nai neng kani ang tym hai ai mang.

ISAIA 21:1

Hini leu pei nai ly Babulon mary i vui ne. Khutaha daichi ka-ym theung y aho prei nai ali tengkaleng kamta, ka-jeira ly jei hawi parai nai pri mang dengdairei ang tym ai.

JEREMIA 50:26

Huni mary ai cheaungkhangra mang tiu u. Chohpaichi taphra u! Tiu lawmra i nga nai vawnsaichi ai, choh pakheng achu nai kamta pakheng achu u! Mary py taphra u! Ati sai py khai moh!

JEREMIA 50:3

“Tosyh ngan mang i khumi cheng harei ly Babulon mary y tiu ai nai ang jeu iy, huni mary ai khutaha daichi ka-vym lawm hai ai. Khumi hawi tawnbawichi preang pawn ai i, huni meingtym ly khumi angso savai tlang naira lawm ai,” napi.

JEREMIA 51:62

Naibaly, ‘Aw Areng, nang ly hini meingtym y khumi hawi tawnbawichi raurei, heng nai amjychi tama nai, khutaha daichi ka-vym hawi atawm hai jojo ai, nanai leu pei nai ne,’ nanai chiu so ba.

ZEPHANIAH 2:14

Huni meingtym ly beram kanghu hawi amso tawnbawi cheaungkhangchi anawnra lawm ai. Beaungkuchi ly yhm kaphrachira y awm iy, thaibeng pa-khochi mang hang ai. O-achi py khailei kheupora y chym iy hang ai. Huni maryra y awm nai yhmchira i saitleang keungchi ai py, khumichi my la u pawn ai.

AMTENG HAI NAI 14:8

Naibaly huni bo y kani pri i amtaw thau nai takhra pa-nyh i nai ly, “Babulon avang kalen pui, cheng bawibawichi ai mymy i angai naira deaungkho y kado theu naira kreip athai hang nei hai nai ly anawi veng bo, anawi veng bo,” napi.

AMTENG HAI NAI 18:2

Naibaly mymy ly tao pajeng parai naimy, “Babulon avang pui ly anawi veng bo, anawi veng bo; vawinamchi i awm naira hawi phailo chai y nai cheaungkhangchi i awm reng naira hawi, chai y nai hawi amso awm nai tavo cheaungkhang i awm reng naira py lawn bo.